നവജാതശിശു പരിചരണത്തിൽ ശ്രദ്ധിക്കേണ്ട കാര്യങ്ങൾ

കൊച്ചുകുഞ്ഞിനെ കയ്യിലെടുക്കുന്നതിൽ തുടങ്ങി കിടത്തുന്ന കാര്യത്തിൽ വരെ അമ്മമാർക്ക് നൂറുകൂട്ടം സംശയങ്ങളാണ്. പൊതുവായ സംശയങ്ങൾക്കുള്ള ഉത്തരങ്ങളാണ് താഴെപ്പറയുന്നത്.

പാൽ തികട്ടി വന്നാൽ

മുലപ്പാൽ തികട്ടി വരുന്നതു കുറെയൊക്കെ സ്വാഭാവികമാണ്. ഇത് ഒരു ആരോഗ്യ പ്രശ്നമായി കാണേണ്ട. എന്നാൽ ധാരാളം പാൽ അന്നനാളത്തിലെത്തി പുറത്തേയ്ക്കു പോരുകയാണെങ്കിൽ പ്രശ്നങ്ങളുണ്ടാകാം. കുടിക്കുന്നതിലേറെ പാൽ പുറത്തേയ്ക്കു പോയാൽ കുഞ്ഞിനു ഭാരം വർധിക്കാത്ത അവസ്ഥ വരും. തികട്ടലിലൂടെ ആമാശയത്തിലെ ഹൈഡ്രോ ക്ലോറിക് ആസിഡ് അന്നനാളത്തിലേക്കെത്തിയാൽ അന്നനാളത്തിനു കേടുപാടുകൾ സംഭവിക്കാം. കുഞ്ഞു കരയാനും ഉറക്കം നഷ്ടപ്പെടാനും ഇടയുണ്ട്. ഈ പാൽ ശ്വാസകോശ ത്തിലെത്തിയാലും അസ്വസ്ഥതകൾ പ്രകടിപ്പിക്കാം. ആവർത്തിച്ചുള്ള ചുമയും ശ്വാസം മുട്ടലും ഉണ്ടാകും. മേൽപ്പറഞ്ഞ രോഗലക്ഷണങ്ങൾ ഉണ്ടായാൽ ഡോക്ടറെ കാണുക.

കുളിപ്പിക്കുമ്പോൾ

ഉച്ചയോടു കൂടി ചെറുചൂടുവെള്ളത്തിൽ വേണം നവജാത ശിശുക്കളെ കുളിപ്പിക്കാൻ. മാസം തികഞ്ഞ കുഞ്ഞുങ്ങളെ എണ്ണതേച്ച് മസാജ് ചെയ്ത് 10–15 മിനിറ്റ് കിടത്തുന്നതു കൊണ്ടു കുഴപ്പമില്ല. കുഞ്ഞിനെ തണുപ്പടിപ്പിക്കരുത്. വേഗം കുളിപ്പിച്ചു തോർത്തി ഉടുപ്പുകൾ ധരിപ്പിക്കുക. തലയും കൂടി മൂടിവച്ചാൽ നല്ലത്. തണുപ്പുകാലത്ത് മൃദുവായ തുണി ചെറു ചൂടുവെള്ളത്തിൽ മുക്കിപ്പിഴിഞ്ഞ് തുടച്ചു വൃത്തിയാക്കാം. കുളിപ്പിക്കുമ്പോഴും തുടയ്ക്കുമ്പോഴും തല ഒടുവിൽ ചെയ്യുന്നതാണു നല്ലത്. തലയിൽ വെള്ളമൊഴിക്കുമ്പോൾ കുഞ്ഞിനെ കമഴ്ത്തിപ്പിടിക്കുക. കൈക്കുമ്പിളിൽ വെള്ളമെ ടുത്ത് കുറേശെ ഒഴിച്ചു തല കഴുകണം. കുളി കഴിഞ്ഞു തോർ ത്തുമ്പോൾ തല നല്ലവണ്ണം തോർത്തണം. ക്രീമോ പൗഡറോ ഇടുന്നതിനു കുഴപ്പമില്ല. പെൺകുട്ടികളുടെ ജനനേന്ദ്രിയ ഭാഗത്ത് പൗഡർ കുടഞ്ഞിടരുത്. പൊക്കിൾ തണ്ടിലോ പൊക്കിൾ തണ്ട് പൊഴിഞ്ഞതിനു ശേഷം പൊക്കിളിലോ വെള്ളമോ സോപ്പോ വീഴുന്നതു കൊണ്ടു കുഴപ്പമില്ല.

ഫാനിന്റെ കാറ്റ് കൊള്ളിക്കൽ

ഫാൻ ഫുൾസ്പീഡിൽ ഇട്ടാൽ കുഞ്ഞിനു ശ്വാസം മുട്ടൽ ഉണ്ടാകാം. ചെറിയ സ്പീഡിൽ ടേബിൾ ഫാനാണ് നല്ലത്. ഫാൻ എപ്പോഴും പൊടിവിമുക്തമായിരിക്കണം. കറങ്ങാതിരിക്കുന്ന സമയത്ത് ഫാനിന്റെ ലീഫിൽ പറ്റുന്ന പൊടി ഫാൻ കറക്കുമ്പോൾ വായുവിൽ കലരാം. അലർജി ഉണ്ടെങ്കിൽ കുഞ്ഞിനു മൂക്കടപ്പ്, തുമ്മൽ, ചുമ, ശ്വാസം മുട്ടൽ തുടങ്ങിയവ ഉണ്ടാകാം.

പൊക്കിൾ കൊടിയിൽ മരുന്നു പുരട്ടൽ

രോഗാണുബാധ ഒഴിവാക്കാൻ ഡോക്ടറുടെ നിർദേശമുണ്ടെ ങ്കിൽ മാത്രം മരുന്നു പുരട്ടിയാൽ മതി. സാധാരണ ഗതിയിൽ കുഞ്ഞുണ്ടായി ഒരാഴ്ചയ്ക്കകം തന്നെ പൊക്കിൾത്തണ്ടു വേർപെടും. പരമാവധി 10 ദിവസം. പതിയെ അതു കരിയുക യും ചെയ്യും. പഴുപ്പ്, പഴുപ്പിന്റെ മണം, ചുവപ്പു നിറം തുടങ്ങി യവ ഒന്നുമില്ലെങ്കിൽ ഒരു മരുന്നിന്റെയും ആവശ്യമില്ല. രണ്ടാഴ്ച ആയിട്ടും പൊക്കിൾ കരിയുന്നില്ലെങ്കിൽ ഡോക്ടറെ കാണിക്കണം.

പനിക്കു മരുന്നു നൽകുമ്പോൾ

നവജാതർക്ക് പനി വന്നാൽ ഡോക്ടറെ കാണിച്ചു രോഗനിർ ണയം നടത്തി മാത്രം ചികിത്സിക്കുക. നമ്മള്‍ പനിക്കുള്ള മരുന്നു കൊടുത്താലും ഇല്ലെങ്കിലും കുറച്ചു സമയം കഴിയു മ്പോൾ പനി കുറയും. രോഗം ഉണ്ടെങ്കിൽ പനി വീണ്ടും വരാം. കുഞ്ഞിനെ മടിയിൽ എടുത്തു തല ഉയർത്തിപ്പിടിച്ച് ഫില്ലറു കൾ ഉപയോഗിച്ച് കുറേശ്ശെയായാണ് മരുന്നുകൾ കൊടുക്കേ ണ്ടത്. കൊടുത്തതു കഴിച്ച ശേഷം ബാക്കി കൊടുക്കുക. കരയുമ്പോൾ മരുന്നു കൊടുക്കരുത്. കൊടുക്കുന്നതിനു മുൻപ് മരുന്നു അതു തന്നെയാണോ ഡോസ് എത്ര തുടങ്ങിയ കാര്യങ്ങളൊക്കെ ശ്രദ്ധിക്കണം.

കുഞ്ഞുങ്ങളെ നെഞ്ചോടു ചേർത്ത് ഉറക്കരുതേ...

ശരീരത്തിൽ മഞ്ഞ നിറം

കുഞ്ഞുങ്ങളിൽ മഞ്ഞനിറം ഏറ്റവുമധികം കാണപ്പെടുന്നത് അമ്മയും കുഞ്ഞും തമ്മിലുള്ള രക്തം ചേരാതെ വരുമ്പോഴാ ണ്. ചിലരിൽ രോഗകാരണമല്ലാതെ തന്നെ മഞ്ഞ നിറം വരാം. ഇതു ഒന്നു രണ്ടു ആഴ്ച കൊണ്ടു മാറാറുണ്ട്. അതിൽ കൂടു തൽ നീണ്ടാൽ ഡോക്ടറുടെ ശ്രദ്ധയിൽപ്പെടുത്തണം. മുൻ പൊക്കെ ഇങ്ങനെയുള്ള അവസരങ്ങളിൽ കുഞ്ഞിനെ ഇള വെയിൽ കൊള്ളിക്കാൻ പറയുമായിരുന്നു. ഇപ്പോൾ അതിന്റെ ആവശ്യമില്ല. അല്ലാതെ തന്നെ മഞ്ഞനിറം മാറിക്കൊള്ളും.

വൃത്തിയാക്കൽ

മലമൂത്ര വിസർജ്ജനത്തിനു ശേഷമുള്ള വൃത്തിയാക്കൽ വളരെ പ്രധാനമാണ്. പ്രത്യേകിച്ചും പെൺകുഞ്ഞുങ്ങളിൽ. തുടയ്ക്കുന്നതിനു ചെറുചൂടുവെള്ളത്തിൽ കഴുകി ഉണക്കിയ മൃദുവായ തുണി വേണം ഉപയോഗിക്കുവാൻ. പെൺകുട്ടികളെ മലം പോയ ശേഷം കഴുകുമ്പോൾ വെള്ളം മുന്നിൽ നിന്നു പിന്നോട്ടേ ഒഴിക്കാവൂ. മൂത്രമൊഴിച്ചു കഴിയുമ്പോൾ വെള്ളം വെറുതെ പിറകോട്ട് ഒഴിച്ചു വിട്ടാൽ മതി. മലമൂത്ര വിസർജ്ജ നം ഒരു മിച്ചു നടത്തിയാൽ ആദ്യം മുൻഭാഗവും തുടര്‍ന്ന് പിൻഭാഗവും വൃത്തിയാക്കുക. മലം കഴുകി മാറ്റിയ ശേഷം സോപ്പുപയോഗിച്ചു കഴുകണം.

ഡയപ്പർ ഉപയോഗം

പഴയ തുണി ഉപയോഗിച്ച് തയാറാക്കിയ നാപ്കിനുകൾ തന്നെയാണ് നവജാതശിശുക്കളുടെ ശരീരത്തിനു സുഖകരം. അലർജി ഉണ്ടാകില്ല. നനയുന്നതു കാണുമ്പോള്‍ നമ്മൾ മാറ്റു കയും ചെയ്യുന്നു. വീട്ടില്‍, പ്രത്യേകിച്ച് പകല്‍ സമയങ്ങളില്‍ പഴയ കോട്ടൺ തുണികൾ തന്നെ ഉപയോഗിക്കാൻ ശ്രമിക്ക ണം. രാത്രിയിൽ ഡിസ്പോസിബിൾ ഡയപ്പർ ഉപയോഗിക്കാം. കൂടുതൽ വെള്ളം പിടിക്കാൻ ശേഷിയുള്ള, കുഞ്ഞിന്റെ ത്വക്കി നു നനവു വരാൻ സാധ്യതയില്ലാത്തവ വേണം ഉപയോഗി ക്കാൻ. ഏറ്റവും താമസിച്ചു ധരിപ്പിക്കുകയും കഴിവതും നേര ത്തെ അഴിച്ചു മാറ്റുകയും ചെയ്യണം. ഡയപ്പർ ധരിക്കുന്നിടത്ത് തൊലി ചുവക്കുക, തടിക്കുക തുടങ്ങിയവ സംഭവിച്ചാൽ അവ ഒഴിവാക്കാനുള്ള ക്രീമുകൾ കിട്ടും.

വൈറ്റമിൻ എ തുള്ളിമരുന്ന്

ഒമ്പതാം മാസം മുതൽ അഞ്ചു വയസ്സുവരെ ആറുമാസം ഇട വിട്ട് ഒമ്പതു ഡോസ് വിറ്റമിൻ എ തുള്ളിമരുന്ന് നൽകേണ്ട താണ്. ഒരു വയസു കഴിഞ്ഞാൽ രണ്ടു മില്ലി ഒരു വയസ്സിനു താഴെയുള്ള കുട്ടികൾക്ക് ഒരു മില്ലി ലീറ്ററും ഒരു വയസ്സു കഴിഞ്ഞുള്ള കുട്ടികൾക്ക് രണ്ട് മില്ലീമീറ്ററുമാണ് നൽകുക.

∙ബൂസ്റ്റർ ഡോസും സീറോ ഡോസും

വാക്സിനേഷനിലൂടെ ലഭിച്ച പ്രതിരോധ ശേഷി കുറഞ്ഞു വരുമ്പോൾ നൽകുന്നതാണ് ബൂസ്റ്റർ ഡോസ്. ജനിച്ചയു ടനെ നൽകുന്നതാണ് സീറോ ഡോസ്.

∙കുത്തിവയ്പ് വൈകേണ്ട

കുട്ടികൾക്ക് പ്രതിരോധ മരുന്നുകൾ നൽകുമ്പോൾ കൃത്യമായ ഇടവേളകൾ ഉറപ്പാക്കണം. ഡോസ് എടുക്കാൻ ഏറെ വൈകി പ്പോയാൽ ആദ്യം മുതൽക്കേ തുടങ്ങേണ്ടിവരും.

∙പെന്റാവാലന്റ് സിംഗിൾ ഡോസ്

ഹെപ്പറ്റൈറ്റിസ്–ബി, ഹീമോഫിലസ് ഇൻഫുളവൻസി, ഡിപിടി എന്നിവയ്ക്കു പകരം പെന്റാവാലന്റ് എന്ന ഒറ്റ വാക്സിൻ.

∙പനിയുള്ളപ്പോൾ വാക്സിൻ വേണ്ട

കഠിനമായ പനി, ഛർദി, വയറിളക്കം എന്നിവയുള്ളപ്പോൾ വാക്സിൻ നൽകേണ്ട. ചെറിയ പനിയൊന്നും കുഴപ്പക്കാരനല്ല.

∙ഹെപ്പറ്റൈറ്റിസ് ബി ശ്രദ്ധിക്കുക.

കുട്ടിയായിരിക്കുമ്പോൾ ഹെപ്പറ്റൈറ്റിസ് ബി വന്നാൽ ആയുഷ്കാല രോഗവാഹകരാകാനുള്ള സാധ്യത 90 ശതമാനത്തിലും കൂടുതലാണ്. കരളിലെ കാൻസർ സാധ്യതയുണ്ട്.

∙പുതിയ വാക്സിനുകൾ

ചിക്കൻ പോക്സ്, ന്യൂമോണിയ, റോട്ടാവൈറസ് എന്നിവയ്ക്കെതിരെയുള്ള വാക്സിനുകൾ ഉണ്ട്. (ഓപ്ഷണൽ). രണ്ടു വയസ്സു കഴിഞ്ഞാൽ ചിക്കൻപോക്സിനുള്ള വാരിസെല്ല വാക്സിൻ എടുക്കാം.

അമ്മയ്ക്കു രോഗം വന്നാൽ

അമ്മയും കുഞ്ഞും തമ്മിലുള്ള സംസർഗം രോഗത്തിന്റെ സ്വഭാവമനുസരിച്ചു നിയന്ത്രിക്കണം. കഴിവതും മുലപ്പാൽ കൊടുക്കാൻ മാത്രം കുഞ്ഞിന്റെ അരികിലെത്തുക. മുല കൊടുക്കും മുൻപ് കൈകൾ നന്നായി സോപ്പിട്ടു കഴുകി വൃത്തിയുള്ള തുണിയിൽ തുടയ്ക്കണം. ഒരു മാസ്കോ അല്ലെങ്കിൽ ടവലോ ഉപയോഗിച്ച് അമ്മയുടെ മൂക്കും വായും മൂടാം. എന്നിട്ടു വേണം കുഞ്ഞിനു മുലപ്പാൽ കൊടുക്കാൻ. വീട്ടിലാർക്കെങ്കിലും രോഗം വന്നാൽ ലക്ഷണങ്ങൾ കണ്ടു തുടങ്ങുമ്പോഴേ ചികിത്സ തേടണം. അതു പോലെ അമ്മയും കുഞ്ഞുമായി കഴിവതും സമ്പർക്കത്തിൽ വരാതെ നോക്കു കയും വേണം.

കുഞ്ഞിനെ എടുക്കുമ്പോൾ

കുഞ്ഞിനെ എടുക്കുമ്പോൾ കുഞ്ഞിന്റെ തലയ്ക്കും കഴുത്തി നും സപ്പോർട്ട് കൊടുത്തു വേണം കുഞ്ഞിനെ എടുക്കാൻ. ഒരിക്കലും കുഞ്ഞിനെ കൈകളിൽ തൂക്കി ഉയർത്തരുത്. ശരീരഭാരം താങ്ങാൻ കൈകൾക്കാവില്ല. അതു കൊണ്ട് കുഴ തെറ്റിപ്പോകാം. കഴുത്ത് ഉറയ്ക്കാതെ കുഞ്ഞിനെ എടുക്കു മ്പോൾ തലയ്ക്കും കഴുത്തിനും നല്ല താങ്ങ് കൊടുക്കണം. മുലപ്പാൽ കൊടുക്കുന്ന സമയത്ത് കുഞ്ഞിന്റെ തല അമ്മയുടെ കൈക്കുഴയിലും ദേഹം കൈയിലുമായി വരണം. കുഞ്ഞിന്റെ പിൻഭാഗം അമ്മയുടെ കൈവെള്ളയിൽ വരണം.