ഐഎഫ്എ 2015-ല്‍ പ്രഖ്യാപിച്ച സോണി എക്‌സ്‌പീരിയയുടെ മുന്‍നിര ഫോണുകളിലൊന്നായ എക്‌സ്‌പീരിയ Z5 ഐഎഫ്എ പ്രഖ്യാപനത്തിന് ഏകദേശം ഒരു മാസം കഴിഞ്ഞപ്പോള്‍ത്തന്നെ ഇന്ത്യയില്‍ പുറത്തിറക്കി സോണി ശ്രദ്ധ നേടി. പവര്‍ ബട്ടണില്‍ ഇന്റഗ്രേറ്റ് ചെയ്തിരിക്കുന്ന ഫിംഗര്‍ പ്രിന്റ് സ്കാനറോട് കൂടിയ പുതിയ എക്‌സ്‌പീരിയ ഫോണിന് 1920 x 1080 പിക്സല്‍ റെസല്യൂഷന്‍ നല്‍കുന്ന 5.2 ഇഞ്ച് ട്രൈ ലൂമിനസ് ഡിസ്‌പ്ലേയാണുള്ളത് 52,990 രൂപയ്ക്കാണ് ഫോണ്‍ ഇന്ത്യന്‍ വിപണിയിലെത്തിയിരിക്കുന്നത്.
2.5 ജിഗാ ഹെട്സ് വേഗതയുളള ഓക്ടാകോര്‍ സ്നാപ്ഡ്രാഗണ്‍ 810 പ്രോസസറില്‍ പ്രവര്‍ത്തിക്കുന്ന ഫോണിന് 3 ജി ബി റാമും 32 ജി ബി ആന്തരിക സ്റ്റോറേജുമാണുള്ളത്. അഡ്രീനോ 430 ജി.പി.യു ഈ ഫോണിലെ ഗെയിമിംഗിന് കരുത്ത് പകരും. ആന്‍ഡ്രോയ്ഡ് 5.1 ലോലിപോപ്പ് ഓപ്പറേറ്റിംഗ് സിസ്റ്റത്തിലാണ് വെറും 7.3 mm മാത്രം കനമുള്ള എക്‌സ്‌പീരിയ Z5 പ്രവര്‍ത്തിക്കുന്നത്.
1/2.3 ഇഞ്ച് സോണി എക്സ്മോര്‍ ആര്‍.എസ് സെന്‍സറുമായെത്തുന്ന 23 മെഗാ പിക്സല്‍ പ്രധാന ക്യാമറയ്ക്ക് എല്‍.ഇ.ഡി ഫ്ലാഷ്, ആട്ടോഫോക്കസ്, f/2.0 അപേര്‍ച്ചര്‍,സോജി - ജി ലെന്‍സ് എന്നീ സൗകര്യങ്ങളുമുണ്ട്.വെറും 0.03 സെക്കന്റ് സമയം കൊണ്ടാണ് ഈ പ്രധാന ക്യാമറയുടെ ആട്ടോ ഫോക്കസ് സംവിധാനം ഫോക്കസ് പിടിക്കുന്നത്. വെള്ള, ഗ്രാഫൈറ്റ് ബ്ലാക്, ഗോള്‍ഡ്, ഗ്രീന്‍ എന്നീ നിറങ്ങളില്‍ ലഭിക്കുന്ന 4 ജി സൗകര്യമുള്ള ഈ ഫോണിന് 2900 എം.എ എച്ച് ശേഷിയുള്ള ബാറ്ററിയാണുള്ളത്.
Disclaimer
ഇവിടെ പോസ്റ്റ് ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ്ണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാറിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.