ആദിപരാശക്തിയുടെ മൂന്നു അവതാരങ്ങളിൽ ഒന്നാണ് സരസ്വതി ദേവി
ആദിപരാശക്തിയുടെ മൂന്നു അവതാരങ്ങളിൽ ഒന്നാണ് സരസ്വതി ദേവി. നവരാത്രി കാലങ്ങളിൽ ആദ്യ മൂന്ന് ദിവസം പാർവതി ദേവിയെയും പിന്നീട് മൂന്നുദിവസം ലക്ഷ്മിദേവിയെയും അവസാനത്തെ മൂന്നുദിവസം അതായത് അഷ്ടമി ,മഹാനവമി ,വിജയദശമി എന്നീ ദിനങ്ങളിൽ ജ്ഞാനത്തിന്റെയും ബുദ്ധിശക്തിയുടെയും ദേവതയായ സരസ്വതിദേവിയെയും ആരാധിക്കുന്നു. വിദ്യാലാഭം അഥവാ ജ്ഞാനപ്രാപ്തി കുട്ടികൾക്ക് മാത്രമല്ല ഒരാളുടെ ജീവിതാവസാനം വരെ നിലനിൽക്കേണ്ട ഒന്നാണ്, അതിനാൽ പ്രായഭേദമന്യേ നവരാത്രി വ്രതം എല്ലാവർക്കും അനുഷ്ഠിക്കാവുന്നതാണ്.
നവരാത്രികാലങ്ങളിൽ സരസ്വതി പ്രീതികരമായ മന്ത്രങ്ങൾ ചൊല്ലുന്നതും, ഭക്തിയോടെ ദേവീക്ഷേത്രദർശനം നടത്തുന്നതും ദേവീകടാക്ഷത്തിന് അത്യുത്തമമാണ്. ഒൻപതു ദിവസവും മുടങ്ങാതെ ലളിതാസഹസ്ര നാമം ജപിക്കുകയോ, അതിനു സാധിക്കാത്തവർ ലളിത സഹസ്രനാമധ്യാനം ചൊല്ലുന്നതും നന്ന്. സരസ്വതി ദേവിയുടെ മൂലമന്ത്രമായ "ഓം സം സരസ്വ െത്യെ നമ:" ദിവസവും ഭക്തിയോടെ ജപിച്ചാൽ വിദ്യാവിജയം സുനിശ്ചിതമാണ്. നവരാത്രിവ്രതസമയത്തു കുളിച്ചു ശരീരശുദ്ധിവരുത്തിയതിനു ശേഷം മാത്രമേ ജലപാനം പോലും പാടുള്ളു.
സസ്യാഹാരം കഴിക്കുക, ഭക്തിയോടെ ദേവീപ്രീതികരമായ നാമങ്ങൾ, ഗായത്രിമന്ത്രം, മഹാലക്ഷ്മ്യഷ്ടകം എന്നിവ ജപിക്കുക.കുട്ടികളിൽ ബുദ്ധിവികാസത്തിനും ഓർമശക്തി വർദ്ധിക്കുന്നതിനും വ്രതസമയത്തു സാരസ്വതഘൃതമോ, ബ്രഹ്മീഘൃതമോ യഥാവിധി പൂജിച്ചു നൽകാറുണ്ട്.
സരസ്വതി പ്രീതികരമായ മന്ത്രങ്ങൾ
സരസ്വതി നമസ്തുഭ്യം
വരദേ കാമരൂപിണീ
വിദ്യാരംഭം കരിഷ്യാമി
സിദ്ധിര്‍ ഭവതുമേസദാ.
യാ കുന്ദേന്ദു തുഷാര ഹാര ധവളാ യാ ശുഭ്ര വസ്ത്രാവൃതാ
യാ വീണാ വരദണ്ഡ മണ്ഡിതകരാ യാ ശ്വേത പദ്മാസനാ
യാ ബ്രഹ്മാച്യുത ശങ്കര പ്രഭൃതിഭിഃ ദേവൈസ്സദാ പൂജിതാ
സാ മാംപാതു സരസ്വതീ ഭഗവതീ നിശ്ശേഷ ജാഡ്യാപഹാ.
വെള്ളപ്പളുങ്കു നിറമൊത്ത വിദഗ്ദ്ധരൂപീ
കള്ളം കളഞ്ഞു കമലത്തിലെഴുന്ന ശക്തി
വെള്ളത്തിലെ തിരകൾ തള്ളി വരും കണക്കെ
എന്നുള്ളത്തിൽ വന്നു വിളയാടുക സരസ്വതീ നീ
വാണീദേവീ സുനീലവേണി സുഭഗേ വീണാരവം കൈതൊഴാം
വാണീവൈഭവാ മോഹിനീ ത്രിജഗതാം നാഥേ വിരിഞ്ജ പ്രിയേ
വാണീദോഷമശേഷമാശു കളവാനെൻനാവിലാത്താദരം
വാണീടേണ മതിന്നു നിന്നടിയിൽ ഞാൻ വീഴുന്നു മൂകാംബികേ
മാണിക്യവീണ മുപലാളയന്തിം
മദാ ലസാം മഞ്ജുള വാഗ്വി ലാസാം
മാഹേന്ദ്ര നീല ദ്യുതി കോമളാംഗിം
മാതംഗ കന്യാം മനസാ സ്മരാമി
ചതുര്‍ഭുജേ ചന്ദ്രകലാവതംസേ
കുചോന്നതേ കുങ്കുമരാഗശോണേ
പുണ്ഡ്രേഷുപാശാങ്കുശപുഷ്പബാണ--
ഹസ്തേ നമസ്തേ ജഗദേകമാതഃ
മാതാ മരതകശ്യാമാ മാതംഗി മദശാലിനി
കടാക്ഷയതു കല്യാണി കദംബ വനവാസിനി
ജയ മാതംഗ തനയേ ജയ നീലോത്‌പലദ്യുതേ
ജയ സംഗീത രസികേ ജയ ലീലാ ശുകപ്രിയേ
മുദ്രാപുസ്തക ഹസ്താഭ്യാം
ഭദ്രാസന ഹൃദിസ്ഥിതേ
പുരസ്സരേ സദാ ദേവീം
സരസ്വതി നമോസ്തുതേ
Read more: Download yearly horoscope, Soul mate, Malayalam Panchangam, Feng Shui Tips in Malayalam, Astrology Tips in Malayalam
