ചന്ദ്രനാണ് തിങ്കളിന്റെ അധിപൻ. ഭൂമിയോട് ചേർന്ന് നിൽക്കുന്ന ഈ ഉപഗ്രഹത്തിന് ഭൂമിയിലെ ജീവജാലങ്ങളുടെ മാനസിക വ്യാപാരങ്ങളുമായി അഭേദ്യമായ ബന്ധമുണ്ടെന്ന് വിശ്വസിക്കപ്പെടുന്നു. അമാവാസിയിൽ നിന്ന് പൗർമിയിലേക്കുള്ള ചന്ദ്രന്റെ പ്രയാണവും മനസ്സിന്റെ പ്രയാണവുമായി ബന്ധമുണ്ട്. തിങ്കളാഴ്ച ജനിച്ചവരുടെ സ്വഭാവത്തിലെ പ്രത്യേകതകൾ വായിക്കാം...
ദയയുള്ളവരും എളിമയുള്ളവരുമാണ്. അധികാരഭാവം ഇവരുടെ സ്വഭാവത്തിന്റെ ഭാഗമാണ്, എന്നിരുന്നാലും സംരക്ഷിക്കുന്ന സ്വഭാവം ഇവരുടെ പ്രത്യേകതയാണ്.
കുടുംബജീവിതത്തെ ഏറെ സ്നേഹിക്കുന്നവരാണിവർ, അമ്മയോടായിരിക്കും ഇവർക്ക് ഏറെ പ്രിയം. ഇവരുടെ ജീവിത കാഴ്ചപ്പാടുകളെ സ്വാധീനിക്കാൻ സ്ത്രീകൾക്ക് കഴിയും. മറ്റുള്ളവർ എന്തുപറഞ്ഞാലും സ്വന്തമായുള്ള അനുഭവത്തിൽ നിന്നെ ഇവർ തീരുമാനങ്ങൾ സ്വീകരിക്കാറുള്ളു.
ഇവരുടെ ഭാഗ്യസംഖ്യ രണ്ടാണ്. ശിവ, ഗണപതി പൂജ തിങ്കളാഴ്ച ദിവസം ചെയ്യുന്നത് ഇവർക്ക് ഗുണകരമാണ്.
ജോലി
കൈകൾ കൊണ്ട് ചെയ്യുന്ന ജോലിയിൽ ഇവർ ശോഭിക്കും. കഠിനാധ്വാനികളായ ഇവരുടെ ആത്മാർത്ഥതയും സമർപ്പണവും ജീവിത വിജയത്തിന് കാരണമാകും.
കുടുംബജീവിതം
കുടുംബാംഗങ്ങളെ സംരക്ഷിക്കുവാൻ വേണ്ടി ജനിച്ചവരാണോ ഇവർ എന്ന് തോന്നിപ്പോകും. സംരക്ഷണസ്വഭാവം ചിലപ്പോൾ അധികാരപ്രകടനമായി തെറ്റിധരിക്കപ്പെടാം. പെട്ടെന്നുള്ള വികാരപ്രകടനങ്ങൾ അബദ്ധമാകാതെ ശ്രദ്ധിക്കണം. മറ്റുള്ളവരുടെ വികാരങ്ങളെ ഇവർ ഏറെ മാനിക്കുന്നു. മറ്റുള്ളവരെ കണ്ണടച്ച് വിശ്വസിക്കുന്നവരാണിവർ.
Read More on Malayalam Astrology News | Astrology News In Malayalam | Malayalam Horoscope | Malayalam Zodiac Signs
