സന്താനയോഗം എപ്പോൾ? , സത്പുത്രനെ ലഭിക്കുമോ? ; ചില ജ്യോതിഷ രഹസ്യങ്ങൾ

സന്താനമില്ലായ്മ ഇന്ന് ഒട്ടേറെ ദമ്പതികൾ നേരിടുന്ന വലിയൊരു പ്രശ്നമാണ്. അതുപോലെ തന്നെ സന്താനം ഉള്ളവരുടെ മറ്റൊരു ആധിയാണ് മക്കൾ എന്നെ നോക്കുമോ ? സംരക്ഷിക്കുമോ എന്നത്. വളരെ സൂക്ഷിച്ചു ജാതക വിശകലനം ചെയ്താൽ ഇതിനുള്ള ഉത്തരം കണ്ടെത്താം.

അഞ്ചാം ഭാവവും ഒമ്പതാം ഭാവവും വ്യാഴവും ശരിയായി വിശകലനം ചെയ്താൽ ഇതിനുള്ള ഉത്തരം കിട്ടും.

അഞ്ചാം ഭാവം, ബുദ്ധി, മേധാശക്തി , സർഗ്ഗ പ്രതിഭ , സന്താനങ്ങൾ, മനസ്സ്, വികാരങ്ങൾ, ചിന്തകൾ ,പ്രണയം, കാമുകിമാർ , ദൈവവിശ്വാസം പൂർവ്വാർജ്ജിത പുണ്യം, ഊഹകച്ചവടം , ചൂതുകളി, തുടങ്ങിയവയെ പ്രതിനിധാനം ചെയ്യുന്നു. മറ്റു ഭാവങ്ങളുടെ ചിന്തയ്ക്കെന്നപോലെ ഈ ഭാവത്തിന്റെയും ഒമ്പതാം ഭാവത്തിന്റെയും വിശദമായ ചിന്ത, ഭാവം, ഭാവാധിപതി, കാരകൻ എന്നിവരെക്കൊണ്ടും , ഭാവത്തിലിരിക്കുന്നവർ, ഭാവത്തേയും ഭാവാധിപനേയും നോക്കുന്നവർ, അഞ്ചിന്റെയും ' ഒമ്പതിന്റെയു ഭാവാധിപതി എന്നിവരെ കൊണ്ടും നടത്തണം. അഞ്ചാം ഭാവത്തിലുമുള്ള യോഗങ്ങളും ചിന്തിക്കണം.

 സന്താനത്തെക്കൊണ്ട് ഗുണദോഷവിചിന്തനം

▪️ അഞ്ചാം ഭാവാധിപൻ ലഗ്നത്തിൽ നിൽക്കുകയോ ലഗ്നാധിപനെ ദൃഷ്ടി ചെയ്യുകയോ ചെയ്താൽ ആജ്ഞാനുവർത്തിയായ മക്കൾ ജനിക്കും. അഞ്ചാം ഭാവാധിപന് പാപയോഗവും രാഹു - ചൊവ്വ ഇവരുടെ ദൃഷ്ടി ലഭിക്കുകയും ചെയ്താൽ അനുസരണ തീരെയില്ലാത്ത മക്കൾ ആവും ഉണ്ടാവുക.

▪️ അഞ്ചാം ഭാവാധിപൻ ആറാം ഭാവത്തിൽ നിന്നാൽ ശത്രുസമാനമായ പുത്രൻ ജനിക്കും. അഞ്ചാം ഭാവാധിപൻ അഷ്ടമത്തിൽ നിന്നാൽ സന്താനപരമായ കാര്യങ്ങളിൽ വളരെ സന്തോഷം പ്രതീക്ഷിക്കേണ്ടതില്ല

▪️ അഞ്ചാം ഭാവാധിപൻ പന്ത്രണ്ടാം ഭാവത്തിൽ നിന്നാൽ പുത്ര സുഖം പ്രതീക്ഷിക്കേണ്ടതില്ല. ദത്തു പുത്രനെ എടുത്തു വളർത്താനുള്ള യോഗവും കാണുന്നു.. അഞ്ചാം ഭാവമായി മിഥുനം, കന്നി , മകരം, കുംഭം രാശികൾ വരികയും ശനി ഗുളികൻമാർ നിൽക്കുകയും ചെയ്താൽ ദത്തുപുത്രൻമാർ ഉണ്ടാവും. 

▪️ അഞ്ചാം ഭാവാധിപൻ പതിനൊന്നാം ഭാവാധിപനോടൊപ്പം നിന്നാൽ പുത്രൻമാരിൽ നിന്നും മൂത്ത സഹോദരിൽ നിന്നും ഗുണാനുഭവം ഉണ്ടാവും 

▪️അഞ്ചാം ഭാവത്തിലുള്ള ശുഭയോഗം ശുഭവീക്ഷണം : അഞ്ചാം ഭാവാധിപന് ബലം ലഗ്നാധിപനുമായി ബന്ധം ഇവയുണ്ടെങ്കിൽ സന്താനത്തിൽ നിന്നും ഗുണമുണ്ടാകും.

അഞ്ചാം ഭാവചിന്ത അനന്തമാണ്, ശരിയായ വിചിന്തനം നടത്തിയാൽ സന്താന ഗുണം കിട്ടുമോ എന്ന കാര്യത്തിന് ഉത്തരം നൽകാൻ കഴിയും 

ലേഖിക 

ജ്യോതിഷി പ്രദാസീന സി.പി 

ഫോ: 9961442256

Email ID: prabhaseenacp@gmail.com