അയ്യാവാടി ശ്രീ മഹാപ്രത്യംഗിരാ ദേവി ക്ഷേത്രം; ചുവന്ന മുളക് ഹോമിക്കുന്ന ക്ഷേത്രം

ചുവന്ന മുളക് ഹോമിക്കുന്ന ക്ഷേത്രം എന്ന് പലരും കേട്ടിട്ട് പോലും ഉണ്ടാവില്ല തമിഴ്നാട്ടിൽ അങ്ങനെ ഒരു ക്ഷേത്രമുണ്ട്. അസാധ്യമായ കാര്യങ്ങൾ നടക്കാൻ വേണ്ടിയാണ് ഇത് ചെയ്യുന്നത്. കുംഭകോണത്ത് നിന്ന് 6 കിലോ മീറ്റർ അകലെ അയ്യവാടി എന്ന ചെറിയ ഗ്രാമത്തിലാണ് ശ്രീ മഹാപ്രത്യംഗിരാദേവിയുടെ ഈ ക്ഷേത്രം സ്ഥിതി ചെയ്യുന്നത്. സ്വയംഭൂവാണ് ഇവിടുത്തെ ദേവി. അതിനാൽ തന്നെ അഭിഷേകമോ മറ്റോ ഇവിടെ നടത്തുന്നില്ല.

ഉപ്പിലിയപ്പൻ ക്ഷേത്രത്തിൽ നിന്ന് 500 മീറ്റർ മാത്രം അകലെ സ്ഥിതി ചെയ്യുന്ന ഈ ഗ്രാമം ഒരിക്കൽ ഐവർപടി എന്നറിയപ്പെട്ടിരുന്നു. ഐതിഹ്യമനുസരിച്ച്, പാണ്ഡവർ ഇവിടെ എത്തി, ആയുധങ്ങൾ മരത്തിന്റെ ചുവട്ടിൽ വയ്ക്കുകയും, മഹാപ്രത്യംഗിരാ ദേവിയെ ആരാധിച്ചു പ്രദക്ഷിണം ചെയ്യുകയും ചെയ്തു. പഞ്ചപാണ്ഡവർ ഇവിടെ ആരാധിച്ചതിനാൽ ഐവർപടി എന്നറിയപ്പെട്ട സ്ഥലമാണ് പിന്നീട് അയ്യാവാടിയായി മാറിയതെന്നാണ് വിശ്വാസം. പാണ്ഡവർ ഇവിടെ വന്ന് പ്രാർത്ഥിച്ചത് കൊണ്ടാണ് അവർക്ക് നഷ്ടപ്പെട്ട അധികാരം വീണ്ടെടുക്കാൻ സാധിച്ചതെന്നാണ് ഐതിഹ്യം. രാവണ പുത്രനായ ഇന്ദ്രജിത്ത് ഇവിടെ വന്ന് ‘നികുംഭല യജ്ഞം’ നടത്തിയതിനു ശേഷം ആണ് ദേവേന്ദ്രനെ പരാജയപ്പെടുത്താൻ സാധിച്ചതെന്നും വിശ്വസിക്കപ്പെടുന്നു. ഏതൊരുവിധ ബാധാഉപദ്രവങ്ങളും ആഭിചാരക്രിയകൾക്കും പരിഹാരമാണ് ഇവിടുത്തെ ഹോമം. ഏറെ പരിശ്രമിച്ചിട്ടും ലഭിക്കാതെ പോകുന്ന അർഹമായ സ്ഥാനങ്ങൾ ലഭിക്കാൻ ഇവിടെ ഹോമം നടത്തിയാൽ മതിയെന്നാണ് വിശ്വാസം.
.
നരസിംഹാവതാരം എടുത്ത മഹാവിഷ്ണുവിന്റെ ക്രോധം അടങ്ങാതിരുന്നപ്പോൾ സിംഹമുഖവും കഴുകന്റെ ചിറകുകളുമുള്ള സരബേശ്വരനായി ശിവൻ പുതിയതും കൂടുതൽ ശക്ത വുമായ രൂപം അല്ലെങ്കിൽ അവതാരം സ്വീകരിച്ചു. ശരബേശ്വരന്റെ ചിറകുകളിലൊന്നിൽ ഇരിക്കുന്ന മഹാപ്രത്യംഗിരാ ദേവിയുടെ രൂപത്തിൽ ശക്തി ശിവനെ അനുഗമിച്ചു. ശരബേശ്വരൻ പോയി നരസിംഹ കോപം ശമിപ്പിച്ചു സമാധാനം തിരികെ കൊണ്ടുവരാൻ. അതിനാൽ മഹാപ്രത്യംഗിരാദേവിയും ശരബേശ്വരനും മറ്റേതൊരു ശക്തിയേക്കാളും ശക്തരാണെന്ന് വിശ്വസിക്കപ്പെടുന്നു.

ഇവിടെ ദേവി രഥത്തിൽ നാല് സിംഹങ്ങളോടും എട്ട് കൈകളോടും ഒപ്പം സിംഹത്തിന്റെ മുഖമുള്ള ആയുധങ്ങളുമായി ഇരിക്കുന്നു. എട്ടു ശ്മശാനങ്ങളാൽ ചുറ്റപ്പെട്ടതാണ് ഈ ക്ഷേത്രം.
ശ്രീ മഹാപ്രത്യംഗിരാ ദേവിയുടെ ആരാധന ഒരാളുടെ ജീവിതത്തിൽ നിന്ന് എല്ലാ ദുഷ്ടശക്തികളെയും പരിഹരിക്കാനാവാത്ത പ്രശ്‌നങ്ങളെയും അകറ്റും. ഈ ക്ഷേത്രത്തിൽ എല്ലാ പൗർണമി ദിനത്തിലും അമാവാസി ദിനത്തിലും ഹോമങ്ങൾ നടത്തുന്നു, അതിനുശേഷം വലിയ അളവിൽ ചുവന്ന മുളക് ദേവിക്ക് ഹോമിക്കുന്നു. ശക്തി ആരാധനയിലെ ഒരു പ്രധാന ദേവതയാണ് പ്രത്യംഗിരാ ദേവി. ദർശനം രാവിലെ 8 മുതൽ 12 വരെയും വൈകീട്ട് 4.30 മുതൽ 7.30 വരെയാണ്.

ഫോൺ:9443124347