ധനലാഭം, കർമരംഗത്ത് നേട്ടം, പ്രവർത്തനങ്ങളിൽ വിജയം; അനുകൂല വാരം ഈ നക്ഷത്രക്കാര്‍ക്ക്

അശ്വതി: ധനപരമായ വിഷമതകൾ നേരിടും. ആരോഗ്യപരമായും വാരം അനുകൂലമല്ല. കാലാവസ്ഥാജന്യ രോഗങ്ങൾ, അലർജി ഇവ മൂലം വിഷമിക്കും. ദാമ്പത്യജീവിതത്തിൽ നിലനിന്നിരുന്ന കടുത്ത ഭിന്നതകൾ ശമിക്കും.

ഭരണി: തൊഴിൽപരമായി അനുകൂല വാരം. പുതിയ പ്രൊജക്റ്റുകൾ നടപ്പിൽ വരും. തടസ്സപ്പെട്ടു കിടന്നിരുന്ന ഗൃഹനിർമാണം പുനരാംഭിക്കുവാൻ സാധിക്കും. ബാങ്കുകളിൽ നിന്ന് ലോൺ പാസ്സായിക്കിട്ടും. 

കാർത്തിക: സന്തോഷം നൽകുന്ന വാർത്തകൾ ശ്രവിക്കും. കുടുംബ സൗഖ്യവർധന, ബിസിനസ്സിൽ പുരോഗതി. മാനസികമായ സംതൃപ്തി.

രോഹിണി: രോഗദുരിതത്തിൽ ശമനം. മാനസിക സുഖവർധന. പ്രവർത്തനങ്ങളിൽ നേട്ടം. കർമരംഗത്ത് നേട്ടങ്ങൾ. കുടുംബവുമൊത്ത് സൗഹൃദ സന്ദർശനങ്ങൾ.   

മകയിരം: തൊഴിൽരംഗത്ത് മികച്ച നേട്ടങ്ങൾ. അവിചാരിത ധന ലാഭം. ഏറ്റെടുത്ത പ്രവർത്തനങ്ങളിൽ വിജയം. കുടുംബ സൗഖ്യവർധന. മനഃസന്തോഷം വര്‍ധിപ്പിക്കുന്ന ബന്ധുജന സമാഗമം.

തിരുവാതിര: നിരന്തരം അലട്ടിയിരുന്ന സാമ്പത്തികമായ വിഷമതകൾ ഒഴിയും. തൊഴിൽപരമായ നേട്ടങ്ങൾ കൈവരിക്കും. വരവിനേക്കാൾ ചെലവ് അധികരിക്കും. കരുതി വച്ചിരുന്ന പണം മറ്റാവശ്യങ്ങൾക്ക് ഉപയോഗിക്കേണ്ടി വരും. പ്രതിസന്ധികളെ അതിജീവിക്കും. 

പുണർതം: കർമരംഗത്ത് അലച്ചിൽ വർധിച്ച് വിശ്രമം കുറയും. സുഹൃത്തുക്കളുമായി കലഹ സാധ്യത. ചെലവ് അധികരിച്ചു നിൽക്കുന്ന വാരമാണ്. പണം കടം വാങ്ങേണ്ടി വരും. ഭാഗ്യ പരീക്ഷണങ്ങൾക്കു മുതിരരുത്.  

പൂയം: ഭക്ഷണ സുഖം കുറയും. മേലധികാരികൾ, തൊഴിലുടമകൾ എന്നിവരിൽ നിന്ന് അനുകൂല നടപടികൾ. ഔഷധ സേവ വേണ്ടിവരും. കണ്ണുകളുടെ ആരോഗ്യത്തിൽ അധികശ്രദ്ധ പുലർത്തുക. 

ആയില്യം : തൊഴിൽ മാറുവാൻ ആലോചിക്കുന്നവർക്ക് അനുകൂല സമയം. സകുടുംബ യാത്രകൾ, പുതിയ സുഹൃദ്ബന്ധങ്ങൾ എന്നിവ മനസ്സിന് ഉല്ലാസം നൽകും. ഭൂമി വാങ്ങുവാനുള്ള പരിശ്രമത്തിൽ വിജയം. 

മകം: പിതാവിനോ പിതൃ സ്ഥാനീയര്‍ക്കോ ആരോഗ്യ അരിഷ്ടതകള്‍ അനുഭവപ്പെടും. ഗൃഹാന്തരീക്ഷം പൊതുവെ അസംതൃപ്തകരമായിരിക്കും. അവിചാരിത ചെലവുകള്‍ വർധിക്കും. മനസ്സിന്റെ സന്തോഷം കുറഞ്ഞിരിക്കും. 

പൂരം : ബന്ധുജന സഹായത്താൽ കാര്യവിജയം. ജീവിതപങ്കാളിയുടെ സഹായത്താൽ കാര്യവിജയം. തൊഴിൽ അന്വേഷിക്കുന്നവർക്ക്  താൽക്കാലിക ജോലി ലഭിക്കും. സുഹൃത്തുക്കൾ അനാവശ്യമായ ആരോപണങ്ങൾ ഉന്നയിക്കും. 

ഉത്രം: പുതിയ ബിസിനസ് തുടങ്ങാന്‍ ശ്രമിക്കുന്നവർക്ക് അനുകൂല സമയം. എതിരാളികളിൽ നിന്നും നിരന്തരമായ ശല്യമുണ്ടാവാം. ദാമ്പത്യ  ജീവിതത്തിൽ ശാന്തത കൈവരിക്കും. ഗൃഹത്തിൽ അറ്റകുറ്റപ്പണികൾ നടത്തും. 

അത്തം : ധനപരമായ കാര്യങ്ങൾ ബുദ്ധിപൂർവം കൈകാര്യം ചെയ്യും. കർമരംഗത്ത് എതിരാളികളുടെ ശല്യമുണ്ടാകുമെങ്കിലും അവയെല്ലാം അതിജീവിക്കും. അലസത അധികരിക്കുന്ന കാലമാണ്. അനാവശ്യ തർക്കങ്ങളിൽ ഏർപ്പെടരുത്. 

ചിത്തിര: മംഗളകർമങ്ങളിൽ പങ്കെടുക്കും. മാതാവിന് ഉണ്ടായിരുന്ന അരിഷ്ടതകൾ ശമിക്കും. പ്രവർത്തന രംഗത്ത് അസൂയാവഹമായ നേട്ടങ്ങൾ കൈവരിക്കാൻ സാധിക്കും. കൗതുക വസ്തുക്കൾക്കായി പണം ചെലവിടും. 

ചോതി: ബന്ധുക്കളുടെ പെരുമാറ്റം മനോവിഷമം സൃഷ്ടിക്കും. വിദ്യാർഥികൾക്ക് മാനസിക സംഘർഷം കുറയും. സകുടുംബ യാത്രകൾ നടത്തും. മുതിർന്ന കുടുംബാംഗവുമായി അഭിപ്രായ വ്യത്യാസമുണ്ടാകും. ധനപരമായ വിഷമതകൾ  തരണം ചെയ്യും. 

വിശാഖം: തുടങ്ങി വച്ച പ്രവർത്തനങ്ങളിൽ വിജയം. കര്‍മരംഗത്ത് കൂടുതൽ ശ്രദ്ധ ആവശ്യമായി വരും. ജീവിതപങ്കാളിയ്ക്ക് തൊഴിൽപരമായ മാറ്റം. മറ്റുള്ളവരുടെ വാക്കുകൾ കൊണ്ട് മനസ്സിന് മുറിവുണ്ടാകും. 

അനിഴം: ദാമ്പത്യ ജീവിതം സന്തോഷപ്രദമായിരിക്കും. ചിട്ടി/ മുൻകാല നിക്ഷേപം എന്നിവയിൽനിന്ന് ധനലാഭം. സന്താനങ്ങളാൽ  മനഃസന്തോഷം വർധിക്കും. ഉദര സംബന്ധമായ അസുഖങ്ങള്‍ ശമിക്കും. തൊഴിൽ മേഖല മാറുന്നതിനെക്കുറിച്ച് ആലോചിക്കും. 

തൃക്കേട്ട: ദമ്പതികൾ തമ്മിൽ നിലനിന്നിരുന്ന അഭിപ്രായ വ്യത്യാസം ശമിക്കും. കടബാധ്യതകൾ കുറയ്ക്കുവാൻ സാധിക്കും. അവിചാരിത  ചെലവുകൾ നേരിടേണ്ടിവരും. ഭൂമിയിൽ നിന്നുള്ള ധനലാഭം പ്രതീക്ഷിക്കാം.

മൂലം: ഉന്നതവ്യക്തികളുമായി സൗഹൃദം സ്ഥാപിക്കും. ഭൂമി സംബന്ധിയായ തർക്കങ്ങളിൽ ഇടപെടും. പണമിടപാടുകളിൽ അധിക ശ്രദ്ധ പുലർത്തണം. മേലധികാരികളില്‍ നിന്നും സൗഹാര്‍ദപരമായ സമീപനം പ്രതീക്ഷിക്കാം. 

പൂരാടം: കര്‍മരംഗത്ത് അസൂയാവഹമായ നേട്ടങ്ങള്‍ കൈവരിക്കാന്‍ സാധിക്കും. മാതൃഗുണം പ്രതീക്ഷിക്കാം. കലാരംഗത്ത് പ്രവര്‍ത്തിക്കുന്നവര്‍ക്ക് പ്രശസ്തിയും അംഗീകാരങ്ങളും ലഭിക്കും. സാമ്പത്തിക പ്രശ്നങ്ങൾ പരിഹരിക്കാന്‍ സാധിക്കും. 

ഉത്രാടം: വിവാഹ ആലോചനകളിൽ അനുകൂല തീരുമാനം എടുക്കുവാൻ സാധിക്കും. തൊഴിലിൽ നിന്ന് സാമ്പത്തിക നേട്ടം പ്രതീക്ഷിക്കാം. ആഡംബര വസ്തുക്കളില്‍ താല്‍പര്യം വർധിക്കും. വാഹനങ്ങൾ കൈകാര്യം ചെയ്യുമ്പോൾ വളരെയധികം ശ്രദ്ധിക്കുക. 

തിരുവോണം : അസമയത്തുള്ള യാത്ര ഒഴിവാക്കണം. മത്സരപരീക്ഷകളില്‍ വിജയ സാധ്യത കാണുന്നു. ബന്ധുക്കള്‍ ശത്രുതാ മനോഭാവത്തോടെ പെരുമാറും. മാനസിക സംഘര്‍ഷങ്ങൾ കൂടും. ജീവിത പങ്കാളിയില്‍ നിന്നും പിന്തുണ  ലഭിക്കും.

അവിട്ടം : വ്യവഹാരങ്ങളിൽ വിജയം സഹപ്രവർത്തകരുടെ അനുമോദനം ലഭിക്കും. പിതൃഗുണവും ഭാഗ്യപുഷ്ടിയും അനുഭവപ്പെടും. മാനസിക സംഘര്‍ഷങ്ങൾക്ക് ഇടയാക്കുന്ന സംഭവങ്ങള്‍ ഉണ്ടാകും. മുന്‍കോപം നിയന്ത്രിക്കണം. 

ചതയം: ദമ്പതികൾ തമ്മിൽ നിലനിന്ന അഭിപ്രായ വ്യത്യാസം ശമിക്കും. ഇന്റര്‍വ്യൂകളില്‍ പങ്കെടുക്കുന്നവര്‍ക്ക് കാര്യങ്ങൾ കഠിനമായിരിക്കും. തൊഴില്‍രഹിതർ നടത്തുന്ന പരിശ്രമങ്ങൾ വിജയിച്ചുവെന്ന് വരില്ല. വിവാഹകാര്യത്തിന് നേരിട്ടിരുന്ന തടസങ്ങൾ  മാറികിട്ടും. 

പൂരുരുട്ടാതി : മനസിനിണങ്ങിയ ജീവിതപങ്കാളിയെ കണ്ടെത്തുന്നതില്‍ വിജയിക്കും. സന്താനങ്ങള്‍ മുഖേന മനസന്തോഷം അനുഭവപ്പെടും. ദാമ്പത്യ  ജീവിതം സന്തോഷപ്രദമായിരിക്കും. പൊതുവെ എല്ലാ കാര്യങ്ങളിലും ആത്മവിശ്വാസം വര്‍ധിക്കും.  

ഉത്തൃട്ടാതി: കര്‍മരംഗത്ത് അഭിവൃദ്ധി ഉണ്ടാകും. മത്സര പരീക്ഷകളിൽ വിജയിക്കുവാന്‍ സാധ്യത. യാത്രകള്‍ മുഖേന ഗുണം ലഭിക്കും. സാമൂഹിക സാഹിത്യ രംഗത്തുള്ളവര്‍ക്ക് അംഗീകാരവും പ്രശസ്തിയും ലഭിക്കും.

രേവതി: ആരോഗ്യപരമായ വിഷമതകൾ അലട്ടും. പ്രണയിക്കുന്നവർക്ക് അനുകൂലമായ ബന്ധുജനസഹായം. ബിസിനസില്‍ പണം മുടക്കി വിജയം നേടുവാന്‍ സാധിക്കും. പഠനരംഗത്ത് മികവ് പുലര്‍ത്തും. സ്വദേശം വിട്ട്  സഞ്ചരിക്കേണ്ടി വരാം.