ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി - പഠിച്ച വിഷയത്തോടനുബന്ധമായ ഉദ്യോഗം ലഭിക്കും. തൊഴിൽപരമായ അനിശ്ചിതാവസ്ഥ ഒഴിഞ്ഞുമാറി ഗൃഹം വാങ്ങി താമസമാക്കുവാൻ സാധിക്കും.

ഭരണി – ആത്മാർത്ഥമായ പ്രവർത്തനങ്ങളിൽ അധികൃതരുടെ പ്രീതി നേടും. സമചിത്തതയോടുകൂടിയ സമീപനത്താൽ സർവകാര്യവിജയം ഉണ്ടാകും.

കാർത്തിക - ഔദ്യോഗികമായി ഉന്നതാധികാരസിദ്ധി ലഭിച്ചതിനാൽ കഴിവിന്റെ പരമാവധി പരിശ്രമിക്കും. വന്നുചേരുന്ന അവസരങ്ങൾ പ്രയോജനപ്പെടുത്തുവാൻ സാധിക്കും.

രോഹിണി - സാമ്പത്തിക വിഭാഗത്തിൽ കൂടുതൽ ശ്രദ്ധ കേന്ദ്രീകരിക്കേണ്ടതായി വരും. സഹജമായ കഴിവുകൾ പ്രകടിപ്പിക്കുവാൻ അവസരമുണ്ടാകും.

മകയിരം – പുതിയ വ്യാപാര വ്യവസായങ്ങൾ തുടങ്ങും. തീരുമാനങ്ങളിൽ ഔചിത്യമുണ്ടാകും. പ്രവർത്തനമേഖലകളോടു ബന്ധപ്പെട്ട ദൂരദേശ-വിദേശയാത്ര വേണ്ടിവരും

തിരുവാതിര – ചുമതലകൾ വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും. പുനഃപരീക്ഷയിൽ വിജയിക്കും. ‌

പുണർതം – കലാ–കായിക മത്സരങ്ങളിൽ വിജയമുണ്ടാകുമെങ്കിലും പ്രഥമസ്ഥാനം നഷ്ടപ്പെടും. ധനകാര്യ സ്ഥാപനത്തിന്റെ സഹായത്തോടുകൂടി ഗൃഹനിർമാണം പൂർത്തീകരിക്കും.

പൂയം – വ്യത്യസ്ത സ്വഭാവമുള്ളവരുമായി ഇടപഴകുവാനിടവരുമെങ്കിലും സൗമ്യസമീപനം സ്വീകരിക്കുകയാണ് നല്ലത്. ജീവിതപങ്കാളിയുടെ പിൻബലത്താൽ സർവവിധ അനിഷ്ടചിന്തകളെയും അതിജീവിക്കുവാൻ സാധിക്കും.

ആയില്യം - അപ്രതീക്ഷിതമായി വിദേശ ഉദ്യോഗം നഷ്ടപ്പെടും. ശുഭസൂചകങ്ങളായ പ്രവർത്തനങ്ങളിൽ ആത്മാർത്ഥമായി പ്രവർത്തിക്കുവാൻ അവസരമുണ്ടാകും.

മകം – വ്യവസ്ഥകൾ പാലിക്കുന്നത് മാതൃകാപരമായി എന്നറിഞ്ഞതിനാൽ ആത്മാഭിമാനം തോന്നും. ഭാര്യാ-ഭർതൃ അനൈക്യതകൾ പരിഹരിച്ച് സൗമ്യതയോടുകുടി ജീവിക്കുവാൻ തയാറാകും.

പൂരം – ദമ്പതികൾക്ക് ഒരുമിച്ചു താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും. ആരാധനാലയത്തിലെ ഉത്സവാഘോഷങ്ങൾ, മംഗളകർമങ്ങൾ തുടങ്ങിയവയിൽ പങ്കെടുക്കാവാൻ ജന്മനാട്ടിൽ വന്നുപോകുവാനിടവരും.

ഉത്രം - മാതാപിതാക്കളുടെ ആവശ്യങ്ങൾ കൃത്യതയോടുകൂടി സാധിപ്പിക്കും. അശ്രാന്ത പരിശ്രമത്താലും അഹോരാത്രമുള്ള പ്രവർത്തനങ്ങളാലും ഏറ്റെടുത്ത ദൗത്യം ഏറെക്കുറെ വിജയിപ്പിക്കുവാൻ സാധിക്കും.

അത്തം - പ്രതികൂല സാഹചര്യങ്ങളെ അഭിമുഖീകരിക്കുവാനുള്ള ആർജവമുണ്ടാകും. ആശയങ്ങൾ പലതും വന്നുചേരുമെങ്കിലും ഒരു പരിധിയിലധികം പണം മുടക്കിയുള്ള പ്രവൃത്തിയിൽനിന്നും പിന്മാറുകയാവും നല്ലത്.

ചിത്തിര - മനസ്സിലുദ്ദേശിക്കുന്ന കാര്യങ്ങൾ സുഹൃത്‌ സഹായത്താലും ഈശ്വരപ്രാർഥനകളാലും സാധിക്കും. അഹോരാത്രം പ്രവർത്തിക്കുന്നതിനാൽ അധികൃതരുടെ പ്രീതിനേടി സ്ഥാനക്കയറ്റമുണ്ടാകും.

ചോതി - സഹജമായ കഴിവുകൾ പ്രകടിപ്പിക്കുവാൻ അവസരമുണ്ടാകുമെങ്കിലും പ്രതീക്ഷിച്ച സാമ്പത്തികനേട്ടം ഉണ്ടാവുകയില്ല. ആരോഗ്യം തൃപ്തികരമായിരിക്കും.

വിശാഖം – അധ്വാനഭാരവും ചുമതലകളും കൂടുതലുള്ള സ്ഥലത്തേക്ക് ഉദ്യോഗമാറ്റമുണ്ടാകും. അഭിപ്രായം അറിഞ്ഞു പെരുമാറുന്നതും പ്രവർത്തിക്കുന്നതുമായ സന്താനങ്ങളുടെ സമീപനത്തിൽ ആശ്വാസവും, ആത്മാഭിമാനവും, സുരക്ഷിതത്വവും തോന്നും.

അനിഴം - ആർഭാടങ്ങൾക്കും, ദുർവ്യ യങ്ങൾക്കും നിയന്ത്രണം ഏർപ്പെടുത്തുന്നതു വഴി സാമ്പത്തികനേട്ടമുണ്ടാകും.

തൃക്കേട്ട - സുതാര്യവും, നീതിയുക്തവുമായ സംസാരശൈലി സർവാദരങ്ങൾക്കും വഴി യൊരുക്കും. ആഗ്രഹിച്ച വിദേശയാത്ര സഫലമാകും.

മൂലം – സന്ധിസംഭാഷണം തുടങ്ങിയവയിൽ തൃപ്തിയാകും വിധത്തിൽ അവതരിപ്പിച്ച് പ്രശസ്തവിജയം നേടും. സന്താനങ്ങൾക്കു സാമ്പത്തിക നിയന്ത്രണം ഏർപ്പെടുത്തും.

പൂരാടം – ബന്ധുവിന്റെ ആകസ്മികമായ അകാലവിയോഗം പൂർവകാല സ്മരണകൾ അനുസ്മരിക്കുവാൻ വഴിയൊരുക്കും. പ്രതിസന്ധികളിൽ തളരാതെ പ്രവർത്തിക്കുവാൻ പലപ്പോഴും ഗുരുകാരണവന്മാരുടെ വാക്കുകൾ ഉപകരിക്കും.

ഉത്രാടം – നിയുക്ത പദവിയിൽനിന്നു സ്ഥാനക്കയറ്റവും സ്ഥാനചലനവും ഉണ്ടാകും. ഗഹനമായ വിഷയങ്ങൾ ലളിതമായി അവതരിപ്പിക്കുവാൻ സാധിക്കും. വിജ്ഞാനം ആർജിക്കുവാനും പകർന്നു കൊടുക്കുവാനുമിടവരും.

തിരുവോണം – നിരവധി കാര്യങ്ങൾ നിശ്ചിത സമയപരിധിക്കുള്ളിൽ ചെയ്തുതീർക്കുവാൻ സാധിക്കും. കുടുംബത്തിലെ അഭിപ്രായ വ്യത്യാസം പരിഹരിച്ച് ആഹ്ലാദ അന്തരീക്ഷം സംജാതമാകും.

അവിട്ടം – വിദ്യയും വിജ്ഞാനവും പ്രാപ്തിയും ഉണ്ടെങ്കിലും പരിഭ്രമമുണ്ടാവാതെ അവതരിപ്പിക്കണം. ബൃഹത് പദ്ധതികൾക്ക് പരിസമാപ്തി വന്ന് പുതിയത് ഏറ്റെടുക്കും.

ചതയം - കൂട്ടുകെട്ടുകളിൽ നിന്ന് അബദ്ധമുണ്ടാവാതെ സൂക്ഷിക്കണം. തൊഴിൽ മേഖലകളോടു ബന്ധപ്പെട്ട് മാനസിക സമ്മർദം വർധിക്കും.

പൂരുരുട്ടാതി - മറ്റുള്ളവർക്കു വേണ്ടി പ്രവർത്തിച്ചാൽ അനുഭവമുണ്ടാകുമെങ്കിലും സ്വന്തം ജീവിതത്തിൽ പ്രതികൂല സാഹചര്യങ്ങൾ വന്നുചേരും.

ഉത്തൃട്ടാതി – ആശയങ്ങൾ വ്യത്യസ്തമായതിനാൽ സംയുക്ത സംരംഭങ്ങളിൽനിന്നു പിന്മാറും. പൊതുവേ സുഖദുഃഖ സമ്മിശ്രമായ ഫലങ്ങളാണ് അനുഭവയോഗ്യമാവുക.

രേവതി - ഇടപെടുന്ന കാര്യങ്ങളിൽ പൂർണത കൈവരുവാനായി അഹോരാത്രം പ്രവർത്തനം വേണ്ടിവരും. ബന്ധുക്കളുമായി രമ്യതയിലെത്തുവാൻ വിട്ടുവീഴ്ചയ്ക്കു തയാറാകും.