ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി - കാർഷികമേഖലയിൽ താൽപര്യം വർധിക്കും. അതിർത്തിതർക്കം മധ്യസ്ഥർ മുഖാന്തരം പരിഹരിക്കും.
ഭരണി - നിശ്ചയദാർഢ്യം കൈവിടാതെ പ്രവർത്തിച്ചാൽ ലക്ഷ്യപ്രാപ്തി കൈവരിക്കും.അധ്വാനഭാരവും ചുമതലയും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും.
കാർത്തിക - തൊഴിൽപരമായ അനിഷ്ടാവസ്ഥകൾക്ക് ശാശ്വതപരിഹാരം കണ്ടെത്തും. സാമ്പത്തിക ക്രയവിക്രയങ്ങളിൽ വളരെ ശ്രദ്ധവേണം.
രോഹിണി – ആശ്രയിച്ചുവരുന്ന ബന്ധുവിന് സാമ്പത്തികസഹായം നൽകുവാനിടവരും. സഹപ്രവർത്തകരുടെ സഹായത്താൽ കരാറുജോലികൾ സമയബന്ധിതമായി പൂർത്തീകരിക്കും.
മകയിരം – സഹപ്രവർത്തകരുടെ സഹായ സഹകരണമുണ്ടാകും. ഉദ്യോഗത്തോടനുബന്ധമായി ലാഭശതമാനവ്യവസ്ഥകളോടുകൂടിയ പ്രവൃത്തികളിൽ ഏർപ്പെടും.
തിരുവാതിര - പൂർവികസ്വത്ത് ഭാഗംവയ്ക്കുവാൻ തയാറാകും. ആധ്യാത്മികാത്മീയ പ്രവൃത്തികളിൽ താൽപര്യം വർധിക്കും.
പുണർതം– വ്യവസ്ഥകൾ ഏറെക്കുറെ പാലിക്കും. ഉദ്യോഗത്തിൽ ഉയർച്ചയുണ്ടാകും.
പൂയം - വ്യക്തിസ്വാതന്ത്ര്യം ഉപയോഗിച്ച് ഉദ്ദേശിച്ച കാര്യങ്ങൾ സാധിക്കും. പ്രലോഭനങ്ങൾ വന്നുചേരുമെങ്കിലും യുക്തിപൂർവം ചിന്തിച്ചു പ്രവർത്തിച്ചാൽ അബദ്ധങ്ങൾ ഒഴിവാകും.
ആയില്യം – യാത്രാവേളയിൽ വിലപ്പെട്ട രേഖകളും പണവും നഷ്ടപ്പെടാതെ ശ്രദ്ധിക്കണം. നിശ്ചയദാർഢ്യത്തോടു കൂടിയുള്ള പ്രവർത്തനങ്ങളാൽ തൊഴിൽ മേഖലകളിൽ പുനരുജ്ജീവനമുണ്ടാകും.
മകം - മുടങ്ങിക്കിടക്കുന്ന ഗൃഹനിർമാണം പുനരാരംഭിക്കും. പൊതുപ്രവർത്തനങ്ങൾക്ക് നേതൃത്വം നൽകും.
പൂരം – അസ്ഥാനത്തുള്ള വാക്കുകൾ അബദ്ധങ്ങൾക്ക് വഴിയൊരുക്കും. പുത്രൻ വരുത്തിവച്ച കടബാധ്യതകൾ തീർക്കുവാൻ പൂർവികസ്വത്ത് വിൽക്കുവാനിടവരും.
ഉത്രം - സന്താനസംരക്ഷണം ആശ്വാസത്തിന് വഴിയൊരുക്കും. പറയുന്ന വാക്കുകളിൽ അബദ്ധമുണ്ടാകാതെ സൂക്ഷിക്കണം.
അത്തം - യാത്രാക്ലേശവും ചുമതലകളും വർധിക്കുന്ന വിഭാഗത്തിലേക്ക് ഉദ്യോഗമാറ്റമുണ്ടാകും. അവനവനിൽ നിക്ഷിപ്തമായ ചുമതലകൾ മറ്റൊരാളെ ഏൽപിക്കരുത്.
ചിത്തിര - മത്സരരംഗങ്ങളിൽ വിജയം കൈവരിക്കും. അർഹമായ സ്ഥാനക്കയറ്റം ലഭിക്കും.
ചോതി – പ്രതികരണശേഷി വർധിക്കും. കക്ഷിരാഷ്ട്രീയപ്രവർത്തനങ്ങൾ ഉപേക്ഷിച്ച് ഉദ്യോഗത്തിന് പരിശ്രമിക്കും.
വിശാഖം – കുടുംബസമേതം മംഗളകർമങ്ങളിൽ പങ്കെടുക്കും. പാരമ്പര്യവിദ്യാഭ്യാസത്തിനു തുടക്കം കുറിക്കും.
അനിഴം - ഉപരിപഠനത്തിനനുസൃതമായ ഉദ്യോഗത്തിന് നിയമനാനുമതി ലഭിക്കും. കുടുംബ സൗഖ്യവും ദാമ്പത്യസുഖവും ഉണ്ടാകും.
തൃക്കേട്ട - പാരമ്പര്യപ്രവൃത്തികളിൽ താൽപര്യം വർധിക്കും. സുഹൃത്സഹായത്താൽ നിലനിൽപിന് ആധാരമായ ഉദ്യോഗം ലഭിക്കും.
മൂലം – വിതരണസമ്പ്രദായത്തിലെ അപാകതകൾ പരിഹരിക്കുവാൻ ഉത്സാഹികളായ ഉദ്യോഗസ്ഥരെ നിയമിക്കും. വസ്തുതർക്കം രമ്യമായി പരിഹരിക്കും.
പൂരാടം – പുതിയ വ്യാപാരം തുടങ്ങുവാനുള്ള ആശയമുദിക്കും. പുത്രപൗത്രാദിസംരക്ഷണത്തിനായി അന്യദേശയാത്ര പുറപ്പെടും.
ഉത്രാടം - ഗൃഹനിർമാണത്തിനുള്ള ഭൂമിവാങ്ങുവാനിടവരും. മേലധികാരിയുടെ പ്രതിനിധിയായി പ്രവർത്തിക്കുവാനിടവരും.
തിരുവോണം - പരിസരവാസികളുടെ ഉപദ്രവത്താൽ മാറിതാമസിക്കുവാനിടവരും. ഉദ്യോഗമന്വേഷിച്ചുള്ള വിദേശയാത്ര വിഫലമാകും.
അവിട്ടം – അനുചിതപ്രവൃത്തികളിൽ നിന്നു പുത്രനെ രക്ഷിക്കും. പണി പൂർത്തിയായ ഗൃഹം താരതമ്യേന കുറഞ്ഞവിലയ്ക്ക് വാങ്ങുവാനിടവരും.
ചതയം - സംഘടനാപ്രവർത്തനങ്ങൾക്ക് സാരഥ്യസ്ഥാനം വഹിക്കുവാനിടവരും. അനാവശ്യമായ വാശിയും അഹങ്കാരവും ആപത്തിന് വഴിയൊരുക്കും.
പൂരുരുട്ടാതി - അത്യധ്വാനത്താൽ മനസ്സിലുദ്ദേശിക്കുന്ന കാര്യങ്ങൾ സാധ്യമാകും. പുതിയകരാറുജോലികൾ ഏറ്റെടുക്കും.
ഉത്തൃട്ടാതി – സഹപാഠിയോടൊപ്പം ഉപരിപഠനത്തിന് ചേരുവാനിടവരും.
പിതാവിന് ഔദ്യോഗികമായി ഉയർച്ചയുണ്ടാകും.
രേവതി - മാതാപിതാക്കളെ അനുസരിക്കുന്നതിൽ അഭിമാനം തോന്നും. ഔദ്യോഗികമായി ന്യായമായ ആവശ്യം ഉന്നയിക്കാൻ നേതൃസ്ഥാനം വഹിക്കും.