ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ദൃഷ്ടിപഥത്തിലുള്ളതെല്ലാം ശരിയാണെന്നുള്ള മിഥ്യാധാരണകൾ ഒഴിവാക്കണം. പ്രവർത്തന മേഖലകളിൽ നിന്നും സാമ്പത്തിക വരുമാനം വർധിക്കുമെങ്കിലും അവിചാരിത ചെലവുകൾ വർധിക്കുന്നതിനാൽ നീക്കിയിരിപ്പു കുറയും.
ഭരണി: ഔദ്യോഗികമായി മാനസിക സംഘർഷം വർധിക്കും. ഗർഭിണികൾക്ക് പൂർണ വിശ്രമവും ഗർഭ പരിരക്ഷയും വേണ്ടി വരും.
കാർത്തിക: സാമ്പത്തിക വരുമാനമുണ്ടാകുമെങ്കിലും ചെലവിനങ്ങൾക്കു നിയന്ത്രണം വേണ്ടിവരും. ചിരകാലാഭിലാഷ പ്രാപ്തിയായ വിദേശ ഉദ്യോഗം ലഭിക്കും.
രോഹിണി: ദമ്പതികൾക്ക് ഒരുമിച്ചു താമസിക്കുവാൻ തക്കവണ്ണം ഉദ്യോഗമാറ്റമുണ്ടാകും. വിദഗ്ധനിർദേശം തേടാതെ ഒരു പ്രവൃത്തിയിലും പണം മുടക്കരുത്.
മകയിരം: വിദഗ്ധ ചികിത്സകളാലും ഭക്ഷണ ക്രമീകരണങ്ങളാലും ആരോഗ്യം തൃപ്തികരമായിരിക്കും. കുടുംബാംഗങ്ങൾക്കിടയിലുള്ള ദുസ്സംശയങ്ങൾക്കു വിശദീകരണം നൽകുവാൻ നിർബന്ധിതനാകും.
തിരുവാതിര: മുൻകോപം നിയന്ത്രിക്കണം. ശമ്പള വർധന മുൻകാല പ്രാബല്യത്തോടു കൂടി ലഭിക്കുന്നതിനുള്ള അവസരം വന്നുചേരും.
പുണർതം: ശുഭാപ്തിവിശ്വാസം, ലക്ഷ്യബോധം, ഏകാഗ്ര ചിന്ത തുടങ്ങിയവ പ്രവർത്തന വിജയത്തിനും പുതിയ അവസരങ്ങൾക്കു വഴിയൊരുക്കുന്നതിനും സാധ്യതയുണ്ട്. സമൂഹത്തിൽ ഉന്നതരുമായി സൗഹൃദബന്ധത്തില‍േർപ്പെടുന്നതു വഴി പുതിയ കർമപദ്ധതികൾക്കു രൂപകൽപന ചെയ്യുവാൻ സാധിക്കും.
പൂയം: കുടുംബത്തിലെ പുതിയ തലമുറയിലുള്ളവരുടെ അതൃപ്തിവചനങ്ങളാൽ മാറിത്താമസിക്കും. സഹപ്രവർത്തകരിൽ നിന്നും നിസ്സഹകരണ മനോഭാവമുണ്ടായാൽ മനോവിഷമം തോന്നും.
ആയില്യം: സന്താനങ്ങളുടെ പ്രവൃത്തിദോഷത്താൽ അപമാനമുണ്ടാകും. തൃപ്തിയായ ഭൂമിയിൽ ഗൃഹ നിർമാണം പൂർത്തീകരിച്ചു ഗൃഹപ്രവേശന കർമം നിർവഹിക്കും.
മകം: ആരോഗ്യ സംരക്ഷണത്തിന്റെ ഭാഗമായി പ്രാണായാമവും വ്യായാമവും യോഗാസനങ്ങളും ഭക്ഷണ ക്രമീകരണവും ശീലിക്കും. വിദേശത്ത് താമസിച്ച് ഉപരിപഠനത്തിന് അവസരം ലഭിക്കും.
പൂരം: ദുർമാർഗികളോടുള്ള സുഹൃത്‌‍ബന്ധം ഉപേക്ഷിച്ച് വിദേശ ഉദ്യോഗം സ്വീകരിക്കുന്ന തീരുമാനം ഭാവിയിൽ നല്ലതാണെന്നു തോന്നും. നഷ്ടപ്പെട്ടു എന്നു കരുതുന്ന രേഖകൾ തിരിച്ചു ലഭിക്കും.
ഉത്രം: പുതിയ തൊഴിലവസരം സ്വീകരിച്ചു പ്രവത്തനതലത്തിൽ കൊണ്ടുവരും. അന്യദേശത്തു വസിക്കുന്നവർക്കു മാസങ്ങളോളം മാതാപിതാക്കളെ ഒരുമിച്ചു താമസിപ്പിക്കുവാൻ സാധിക്കും.
അത്തം: സ്തുത്യർഹമായ സേവനം കാഴ്ചവയ്ക്കുവാൻ സാധിച്ചതിനാൽ ആത്മാഭിമാനം തോന്നും. ആഗ്രഹ സാഫല്യത്താൽ നേർന്നു കിടപ്പുള്ള വഴിപാടുകൾ ചെയ്തു തീർക്കും.
ചിത്തിര: പ്രവൃത്തിയിലുള്ള അർപ്പണ മനോഭാവം, ലക്ഷ്യബോധം, നിഷ്കർഷ തുടങ്ങിയവ പുതിയ അവസരങ്ങൾക്കു വഴിയൊരുക്കും. ദുസ്സംശയങ്ങൾക്ക് വ്യക്തമായ വിശദീകരണം നൽകുന്നത്, മേലധികാരിയുടെ തെറ്റിദ്ധാരണകൾ ഒഴിവാക്കുന്നതിനുപകരിക്കും.
ചോതി: സമർപ്പിച്ച പദ്ധതിക്ക് അന്തിമ നിമിഷത്തിൽ അംഗീകാരം ലഭിക്കും. അനുസരണയില്ലാത്ത സന്താനങ്ങളുടെ നിലപാടിൽ മനോവിഷമം തോന്നും. സുഹൃത്തിന്റെ വിഷമാവസ്ഥകൾക്കു ശാശ്വത പരിഹാരം നിർദേശിക്കുവാൻ സാധിക്കും.
വിശാഖം: ദുർമാർഗികളോടുള്ള സുഹൃത്‌‍ബന്ധം ഉപേക്ഷിച്ച് വിദേശ ഉദ്യോഗം സ്വീകരിക്കുന്ന തീരുമാനം ഭാവിയിൽ നല്ലതാണെന്നു തോന്നും. പുത്രപൗത്രാദികളുടെ സംരക്ഷണം മനസ്സമാധാനത്തിനു വഴിയൊരുക്കും.
അനിഴം: അർഹതയുള്ളവരെ അംഗീകരിക്കുന്നതിൽ ആത്മസംതൃപ്തിയുണ്ടാകും. സഹപ്രവർത്തകരുടെ സഹായ സഹകരണങ്ങൾ ഉണ്ടാകും.
തൃക്കേട്ട: വ്യക്തിപ്രഭാവത്താൽ വിപരീത സാഹചര്യങ്ങളെ അതിജീവിക്കും. സർവർക്കും സ്വീകാര്യമായ നിലപാട് സ്വീകരിക്കും.
മൂലം: മക്കളുടെ പണംകൊണ്ടു ഗൃഹം വാങ്ങി താമസമാക്കും. സങ്കുചിത മനോഭാവം ഉപേക്ഷിച്ചു വിശാല ചിന്തകൾ ആർജിക്കുന്നത് ഭാവിയിലേക്ക് ഉപകാരപ്രദമാകും.
പൂരാടം: യുക്തിക്കു നിരക്കാത്ത സംയുക്ത സംരംഭത്തിൽ നിന്നും നിരുപാധികം പിന്മാറും. ശാസ്ത്രസാങ്കേതിക വിദ്യയിൽ പുതിയ കണ്ടെത്തലുകൾക്കു സാക്ഷിയാകും.
ഉത്രാടം: ദീർഘകാല സുരക്ഷയ്ക്ക് ഉപകരിക്കുന്ന ആശയങ്ങൾ തൊഴിൽ മേഖലകളിൽ അവലംബിക്കും. വിശ്വസ്തസേവനത്തിന് പ്രശസ്തി പത്രം ലഭിക്കും.
തിരുവോണം: ഉദ്യോഗത്തിൽ സ്ഥാനക്കയറ്റവും സ്ഥാനമാറ്റവും ഉണ്ടാകും. വിദഗ്ധ ചികിത്സ, വിശ്രമം, ഈശ്വരപ്രാർഥനകൾ തുടങ്ങിയവ സൽസന്താന ഭാഗ്യത്തിനു വഴിയൊരുക്കും.
അവിട്ടം: കരാർ ജോലികൾ കൃത്യതയോടുകൂടി ചെയ്തു തീർക്കുവാനും പുതിയത് ഏറ്റെടുക്കുവാനും യോഗമുണ്ട്. സൗകര്യമുള്ള ഗൃഹം വാങ്ങുവാൻ തയാറാകും.
ചതയം: ശാസ്ത്രജ്ഞർക്കും ഗവേഷകർക്കും വിദ്യാർഥികൾക്കും സർവകാര്യ വിജയവും അംഗീകാരവും ലഭിക്കും. സാമ്പത്തിക ഉന്നതിയുള്ള രാഷ്ട്രത്തിലേക്കു മാറി താമസിക്കും.
പൂരുരുട്ടാതി: അഴിമതി ആരോപണങ്ങളിൽ നിന്നു കുറ്റവിമുക്തനാകും. വിശ്വസ്ത സേവനത്തിന് പ്രശസ്തിപത്രം ലഭിക്കും.
ഉത്തൃട്ടാതി: കുടുംബത്തിൽ സമാധാന അന്തരീക്ഷം സംജാതമാകും. വ്യവഹാര വിജയത്താൽ നേർന്നു കിടപ്പുള്ള വഴിപാടുകൾ ചെയ്തു തീർക്കും.
രേവതി: സുരക്ഷിതമായ മാർഗങ്ങൾ പലതും കണ്ടെത്തുമെങ്കിലും പ്രാവർത്തികമാക്കുവാൻ സാധിക്കുകയില്ല. സമത്വഭാവന സർവാദരങ്ങൾക്കും വഴിയൊരുക്കും.