ഈ ആഴ്ച ഓരോ നക്ഷത്രക്കാർക്കും എങ്ങനെ? സമ്പൂർണ നക്ഷത്രഫലം– കാണിപ്പയ്യൂർ

അശ്വതി: ചിരകാലാഭിലാഷ പ്രാപ്തിയായ വിദേശയാത്ര സഫലമാകും. ആരോഗ്യം തൃപ്തികരമായിരിക്കും. ചികിത്സ ഫലിക്കും.
ഭരണി: ആശയങ്ങളും ആഗ്രഹങ്ങളും സഫലമാകും. മത്സര രംഗങ്ങളിൽ വിജയിക്കും. വ്യവസ്ഥകൾ പാലിക്കും.
കാർത്തിക: ചിന്തിച്ചു പ്രവർത്തിക്കുന്നതിനാൽ അനിഷ്ട ഫലങ്ങൾ ഒഴിവാകും. സഹോദര സുഹൃത്‌സഹായ ഗുണത്താൽ ആഗ്രഹ സാഫല്യമുണ്ടാകും.
രോഹിണി: കുടുംബാംഗങ്ങളുടെ ആവശ്യങ്ങൾ പരിഗണിക്കും. സുവ്യക്തമായ നിലപാട് സർവാദരങ്ങൾക്കും വഴിയൊരുക്കും.
മകയിരം: വ്യത്യസ്തമായ കാഴ്ചപ്പാടുകളാൽ സംയുക്ത സംരംഭങ്ങളിൽ നിന്നും പിന്മാറും. കുടുംബത്തിൽ സ്വസ്ഥതയും സമാധാനവും ഉണ്ടാകും.
തിരുവാതിര: സുഹൃത്തിന്റെ വിവാഹ വേളയിൽ വച്ച് സഹപാഠികളെ കാണുവാനും ഗതകാല സ്മരണകൾ പങ്കുവയ്ക്കുവാനും അവസരമുണ്ടാകും.
പുണർതം: ആരാധനാലയങ്ങൾക്ക് സാമ്പത്തിക സഹായം നൽകുവാനിടവരും. തൊഴിൽപരമായി ഉദ്ദേശിച്ച ലക്ഷ്യം കൈവരിക്കുവാൻ അത്യധ്വാനവും അതിപ്രയത്നവും വേണ്ടി വരും.
പൂയം: അധികാര ദുർവിനിയോഗം ചെയ്യുന്ന ഉദ്യോഗസ്ഥരുടെ പേരിൽ ശിക്ഷാനടപടികൾ സ്വീകരിക്കും. സഹപ്രവർത്തകരുടെ സഹായത്താൽ ഏറ്റെടുത്ത ജോലികൾ സമയബന്ധിതമായി പൂർത്തീകരിക്കും. 
ആയില്യം: വാഹനം മാറ്റി വാങ്ങുവാനിടവരും. വർഷങ്ങൾക്കു മുൻപു വാങ്ങിയ ഭൂമിക്ക് പ്രതീക്ഷിച്ച വില ലഭിച്ചതിനാൽ വിൽപനയ്ക്ക് തയാറാകും.
മകം: സംഘബലവും രാജപ്രീതിയും ബന്ധുജനപ്രീതിയും കുടുംബസൗഖ്യവും ഉണ്ടാകും. പ്രവൃത്തി ഗുണത്താൽ ഉന്നത സ്ഥാനമാനങ്ങളും സാമ്പത്തികനേട്ടവും ഉണ്ടാകും.
പൂരം: വ്യക്തിതാൽപര്യത്താൽ കടം കൊടുത്ത സംഖ്യയ്ക്കു പകരം ഭൂമി ലഭിക്കുവാനിടവരും. ധർമപ്രവൃത്തികൾക്കും പുണ്യപ്രവൃത്തികൾക്കുമായി പണം ചെലവഴിക്കും.
ഉത്രം: വിദേശത്തു വസിക്കുന്നവർക്കു പുതിയ ഉദ്യോഗം ലഭിച്ചതിനാൽ ജന്മനാട്ടിൽ വന്നു പോകുവാനിടവരും. ഗൃഹനിർമാണ പ്രവർത്തനങ്ങൾ പൂർത്തീകരിക്കുവാൻ സ്വകാര്യ ധനകാര്യസ്ഥാപനത്തെ ആശ്രയിക്കുവാനിടവരും.
അത്തം: മധ്യസ്ഥരുടെ സഹായത്താൽ ദാമ്പത്യസുഖ വിഘാതത്തിന് ശാശ്വതപരിഹാരം കണ്ടെത്തും. ഭർതൃകുടുംബത്തിൽ നിന്നും ലഭിച്ച ഭൂമിയിൽ ഗൃഹനിർമാണ പ്രവർത്തനങ്ങൾ തുടങ്ങിവയ്ക്കും.
ചിത്തിര: വ്യാപാര വ്യവസായമേഖലകളിൽ പുതിയ പദ്ധതികൾ ആസൂത്രണം ചെയ്യുന്നതിന്റെ ഭാഗമായി സാങ്കേതിക-സാമ്പത്തിക വിദഗ്ധരുമായി ചർച്ചകൾ നയിക്കുവാനിടവരും. സുഹൃത്‌സഹായത്താൽ പുത്രന് നല്ല വിവാഹാലോചനകൾ വന്നുചേരും.
ചോതി: കുടുംബത്തിൽ നടക്കുന്ന വിവാഹാദി മംഗളകർമങ്ങളിൽ ആദ്യന്തം പരിശ്രമം വേണ്ടിവരും. തൊഴിൽ മേഖലകളിൽ പല പ്രകാരത്തിലും മാർഗതടസ്സങ്ങൾ ഉണ്ടാകുമെങ്കിലും ആത്മസംയമനം പാലിച്ചാൽ അതിജീവിക്കുവാൻ സാധിക്കും.
വിശാഖം: പരീക്ഷണ നിരീക്ഷണങ്ങളിൽ വിജയിക്കും. വാക്കും പ്രവൃത്തിയും ഫലപ്രദമാകും.
അനിഴം: ആഗ്രഹങ്ങൾ സഫലമാകും. ഉദ്യോഗത്തിൽ സ്ഥാനക്കയറ്റമുണ്ടാകും.
തൃക്കേട്ട: കുടുംബത്തിൽ സമാധാന അന്തരീക്ഷം സംജാതമാകും. പ്രവർത്തന പുരോഗതിയും സാമ്പത്തിക നേട്ടവും ഉണ്ടാകും.
മൂലം: മാതാപിതാക്കളുടെ ആഗ്രഹങ്ങൾ സാധിപ്പിക്കും. പൂർവിക സ്വത്ത് രേഖാപരമായി ലഭിക്കും.
പൂരാടം: സഹോദര സുഹൃത് സഹായഗുണത്താൽ ആഗ്രഹ സാഫല്യമുണ്ടാകും. പദ്ധതി സമർപ്പണത്തിൽ ലക്ഷ്യപ്രാപ്തി നേടും.
ഉത്രാടം: ബന്ധുഗൃഹത്തിലേക്കു വിരുന്നു പോകും. വ്യാപാര വിപണന മേഖലയിൽ പുരോഗതിയുണ്ടാകും.
തിരുവോണം: വാക്കും പ്രവൃത്തിയും ഫലപ്രദമാകും. തൊഴിൽ മേഖലകളിൽ പുരോഗതിയുണ്ടാകും.
അവിട്ടം: ഔദ്യോഗികമായി ദൂരയാത്രകളും ചർച്ചകളും വേണ്ടിവരും. കുടുംബത്തിൽ സ്വസ്ഥതയും സമാധാനവും ഉണ്ടാകും.
ചതയം: പുത്രനു വിദേശത്ത് ഉപരിപഠനത്തിന് പ്രവേശനം ലഭിച്ചതിനാൽ ആശ്വാസം തോന്നും. സാമ്പത്തിക ആവശ്യങ്ങൾക്കായി ധനകാര്യസ്ഥാപനത്തെ ആശ്രയിക്കും.
പൂരുരുട്ടാതി: കാർഷിക മേഖലകളിൽ താൽപര്യം വർധിക്കും. ഭർത്താവിനോടൊപ്പം താമസിക്കുവാൻ വിദേശയാത്ര പുറപ്പെടും.
ഉത്തൃട്ടാതി – സൗന്ദര്യവർധക വസ്തുക്കൾ വാങ്ങുവാൻ അധികച്ചെലവ് അനുഭവപ്പെടും. ദാമ്പത്യസൗഖ്യവും കുടുംബത്തിൽ സ്വസ്ഥതയും സമാധാനവും ഉണ്ടാകും.
രേവതി: നഷ്ടപ്പെട്ടു എന്ന് കരുതുന്ന സ്വർണാഭരണം തിരിച്ചു ലഭിക്കും. സഹപാഠികളോടൊപ്പം ഉല്ലാസയാത്ര പുറപ്പെടും.