ഈ ആഴ്ച ഓരോ നക്ഷത്രക്കാർക്കും എങ്ങനെ? കാണിപ്പയ്യൂർ

അശ്വതി: ചിട്ടയോടു കൂടിയ പ്രവർത്തനശൈലി ലക്ഷ്യപ്രാപ്തിയിലെത്തിക്കുവാൻ ഉപകരിക്കും. നിയന്ത്രണങ്ങൾക്കു വിധേയമായി ഉപരിപഠനത്തിന് ചേരുവാനിട വരും.

ഭരണി: തൊഴിൽ രംഗത്തുള്ള അനിശ്ചിതാവസ്ഥകൾ പരിഹരിക്കുവാൻ പ്രത്യേക ഈശ്വര പ്രാർഥനകൾ നടത്തുവാനിടവരും. അനാവശ്യ ചിന്തകളാൽ ആധി വർധിക്കുവാനും ഉറക്കക്കുറവ് അനുഭവപ്പെടാനും ഇടയുണ്ട്. 

കാർത്തിക: ആരോഗ്യം തൃപ്തികരമായിരിക്കും. കുടുംബജീവിതത്തിൽ സന്തുഷ്ടിയും സമാധാനവും ഉണ്ടാകും. സുതാര്യതക്കുറവിനാൽ കൂട്ടുകച്ചവടത്തിൽ നിന്നും പിന്മാറും.

രോഹിണി: സ്ഥാനമാനങ്ങളും ആനുകൂല്യങ്ങളും വർധിക്കുന്ന ഉദ്യോഗത്തിന് നിയമനാനുമതി ലഭിക്കും. അനുചിത പ്രവൃത്തികളിൽ നിന്നും സുഹൃത്തിനെ രക്ഷിക്കാൻ സാധിക്കും. 

മകയിരം: അസാധാരണ വ്യക്തിത്വമുള്ളവരുമായി സൗഹൃദ ബന്ധത്തിലേർപ്പെടാൻ അവസരമുണ്ടാകും. അസാധ്യമെന്നു തോന്നുന്ന പലതും നിഷ്പ്രയാസം സാധിക്കും.

തിരുവാതിര:സാഹചര്യങ്ങൾക്കനുസൃതമായി വിദേശ ഉദ്യോഗം ഉപേക്ഷിച്ച് ജന്മനാട്ടിലേക്ക് യാത്ര പുറപ്പെടും. അന്യരുടെ കാര്യങ്ങളിൽ അമിതമായി ഇടപെടുന്ന പ്രവണത ഉപേക്ഷിക്കാൻ നിർബന്ധിതനാകും. 

പുണർതം: ആരോഗ്യ സംരക്ഷണത്തിന്റെ ഭാഗമായി പ്രാണായാമവും വ്യായാമവും ഭക്ഷണ ക്രമീകരണവും ശീലിക്കും. കലാകായിക മത്സരങ്ങളിൽ വിജയിക്കും. 

പൂയം: തൊഴിൽമേഖലകളോടു ബന്ധപ്പെട്ട് ദൂരയാത്രകൾ വേണ്ടിവരും.  ഉദ്യോഗത്തോടനുബന്ധമായി ഉപരിപഠനത്തിന് ചേരും.

ആയില്യം: പ്രവൃത്തിയിലുള്ള ആത്മാർഥതയും നിഷ്കർഷയും പുതിയ അവസരങ്ങൾക്ക് വഴിയൊരുക്കും. കുടുംബസമേതം വിശേഷപ്പെട്ട ദേവാലയദർശനം നടത്തും. 

മകം: മെച്ചപ്പെട്ട രീതിയിൽ പ്രവർത്തിക്കുവാൻ സാധിക്കുന്നതിനാൽ മേലധികാരികളിൽ നിന്നും അനുമോദനങ്ങൾ വന്നുചേരും. ആരോഗ്യസംരക്ഷണത്തിന്റെ ഭാഗമായി ഭക്ഷണ ക്രമീകരണം വേണ്ടിവരും. 

പൂരം: സേവന മനഃസ്ഥിതി നല്ലതാണെങ്കിലും അന്യരുടെ കാര്യങ്ങളിൽ അനാവശ്യമായി ഇടപെടുന്നത് അബദ്ധമാകും.  വാക്കും പ്രവൃത്തിയും ഫലപ്രദമാകും.

ഉത്രം: ഉപരിപഠനം പൂർത്തീകരിച്ച് പരമാധികാര പദവിയുള്ള ഉദ്യോഗത്തിന് അർഹത നേടും. സഹപ്രവർത്തകർ തമ്മിലുള്ള തർക്കങ്ങളിൽ നിഷ്പക്ഷ മനോഭാവം സ്വീകരിക്കുകയാണ് നല്ലത്. 

അത്തം: ഭർത്താവിനോടൊപ്പം താമസിക്കുവാൻ വിദേശയാത്ര പുറപ്പെടും.  വിശ്വാസവഞ്ചനയിലകപ്പെടാതെ സൂക്ഷിക്കണം.

ചിത്തിര: പുനരാലോചനയിൽ വിദേശബന്ധമുള്ള വ്യാപാര വിപണന രംഗങ്ങളിൽ നിന്നും പിന്മാറും. സമ്മാനപദ്ധതികളിലും നറുക്കെടുപ്പിലും വിജയിക്കും.

ചോതി: കടം കൊടുത്ത സംഖ്യ ഏറക്കുറെ തിരിച്ചു ലഭിക്കും. കൂടുതൽ വിസ്തൃതിയുള്ള ഗൃഹം വാങ്ങുവാൻ കരാറെഴുതും.

വിശാഖം: നിസ്സാര കാര്യങ്ങൾക്ക് പോലും കൂടുതൽ പ്രയത്നം വേണ്ടിവരും.  സന്താനങ്ങളുടെ ഉയർച്ചയിൽ ആത്മാഭിമാനം തോന്നും. 

അനിഴം: ജന്മനാട്ടിൽ നല്ല ഉദ്യോഗം ലഭിച്ചതിനാൽ വിദേശ ഉദ്യോഗം ഉപേക്ഷിക്കും. കൂട്ടുകച്ചവടത്തിൽ നിന്നും പിന്മാറി സ്വന്തമായ പ്രവർത്തന മേഖലകൾക്ക് തുടക്കം കുറിക്കും.

തൃക്കേട്ട: മഹദ്‍വ്യക്തികളുടെ വാക്കുകൾ പലപ്പോഴും യുക്തമായ തീരുമാനങ്ങൾ കൈക്കൊള്ളുവാൻ ഉപകരിക്കും.  ബന്ധുക്കൾ തമ്മിലുള്ള പ്രശ്നങ്ങളിൽ  നിന്നും ഒഴിഞ്ഞുമാറുകയാണ് നല്ലത്.

മൂലം: സഹാനുഭൂതിയും സഹായ മനഃസ്ഥിതിയും നല്ലതാണെങ്കിലും വഞ്ചനയിലകപ്പെടാതെ സൂക്ഷിക്കണം. ഭക്ഷ്യവിഷബാധയേൽക്കാതെ സൂക്ഷിക്കണം.

പൂരാടം: നിയമാനുസൃതമല്ലാത്ത പ്രവൃത്തികളിൽ നിന്നും യുക്തിപൂർവം പിന്മാറുകയാണ് നല്ലത്.  ഉദ്യോഗത്തിൽ സ്ഥാനക്കയറ്റം ലഭിക്കും. 

ഉത്രാടം: മുടങ്ങിക്കിടപ്പുള്ള വഴിപാടുകൾ ചെയ്തു തീർക്കാനിട വരും. സംശയങ്ങൾ സ്ഥിരീകരിച്ചതിനാൽ സാമ്പത്തിക വിഭാഗത്തിൽ കൂടുതൽ ശ്രദ്ധ കേന്ദ്രീകരിക്കും. 

തിരുവോണം:  മംഗള കർമങ്ങൾക്ക് സർവാത്മനാ സഹകരിക്കുന്നതിനാൽ ആത്മസംതൃപ്തിയുണ്ടാകും. വിദേശയാത്രയ്ക്ക് സാങ്കേതിക തടസ്സങ്ങൾ അനുഭവപ്പെടും. 

അവിട്ടം: ചിന്തകൾക്കതീതമായി പ്രവർത്തിക്കുവാൻ അവസരമുണ്ടാകും. സഹായ മനഃസ്ഥിതി ആദരങ്ങൾക്കു വഴിയൊരുക്കും.

ചതയം: സ്വപ്നസാക്ഷാത്കാരത്താൽ ആത്മനിർവൃതിയുണ്ടാകും. സഹപാഠികളോടൊപ്പം ഉദ്ദേശിച്ച വിഷയത്തിൽ ഉപരിപഠനത്തിനു ചേരാൻ സാധിക്കും. 

പൂരുരുട്ടാതി: ജീവിത ഗതിയെ മാറ്റിമറിക്കുന്ന പല ഘടകങ്ങളും വന്നുചേരുമെങ്കിലും യുക്തമായ തീരുമാനം സ്വീകരിക്കാൻ സാധിക്കും. സാഹചര്യങ്ങൾക്കനുസരിച്ച് ആത്മനിയന്ത്രണം വേണ്ടിവരും.

ഉത്തൃട്ടാതി: പഠിച്ച വിദ്യ പ്രാവർത്തികമാക്കാൻ അവസരം വന്നുചേരും. പദ്ധതി സമർപ്പണത്തിൽ ലക്ഷ്യപ്രാപ്തി നേടും. 

രേവതി: സാമ്പത്തിക പ്രതിസന്ധി തരണം ചെയ്യുവാൻ ഭൂമി പണയപ്പെടുത്തും. ആസൂത്രിത പദ്ധതിയായാൽ പോലും അകാരണ തടസ്സങ്ങൾ അനുഭവപ്പെടും.  ആരോഗ്യം തൃപ്തികരമായിരിക്കും.