കാത്തിരിക്കുന്നത് നേട്ടങ്ങളുടെ വാരം; അടുത്ത ആഴ്ചയിൽ തിളങ്ങുന്ന നക്ഷത്രക്കാർ, സമ്പൂർണ വാരഫലം

അശ്വതി : ആരോഗ്യ വിഷമതകൾ ശമിക്കും. പുതിയ ഗൃഹോപകരണങ്ങൾ വാങ്ങും. ബന്ധുക്കള്‍ സഹായിക്കുക വഴി നേട്ടം. പൊതുപ്രവർത്തകർക്ക് പ്രശസ്‌തി വർധന. ഏർപ്പെട്ടിരിക്കുന്ന തൊഴിലിൽ നേട്ടം. തൊഴിൽപരമായ സ്ഥാനക്കയറ്റം, ഇഷ്ടസ്ഥലത്തേക്കു മാറ്റം എന്നിവയുണ്ടാകും. ആരോഗ്യം പുഷ്ടിപ്പെടും.

ഭരണി : ഔദ്യോഗികരംഗത്ത് അംഗീകാരം നേടും. ധനപരമായ വിഷമതകൾ മറികടക്കും. കുടുംബത്തിൽ സമാധാനാന്തരീക്ഷം സംജാതമാകും. സന്താനഗുണം വർധിക്കും. പരീക്ഷകളിൽ മികച്ച വിജയം നേടുവാൻ സാധിക്കും. തൊഴിൽ രംഗത്ത് മേലധികാരികളുടെ പ്രീതി സമ്പാദിക്കും.  ഉപയോഗിച്ചുകൊണ്ടിരിക്കുന്ന വാഹനം മാറ്റിവാങ്ങുവാൻ തീരുമാനമെടുക്കും. 

കാർത്തിക : പ്രവർത്തനരംഗത്ത് വിജയം. പരീക്ഷകളിൽ ഉന്നത വിജയം. വസ്തു ഇടപാടിൽ ലാഭം പ്രതീക്ഷിക്കാം. വിവാഹം ആലോചിക്കുന്നവര്‍ക്ക് ഉത്തമബന്ധം ലഭിക്കും. പഴയകാല സുഹൃത്തുക്കളെ കണ്ടുമുട്ടും. കാലാവസ്ഥാജന്യരോഗങ്ങൾ പിടിപെടാം. 

രോഹിണി : സാമ്പത്തിക വിഷമതകൾ മറികടക്കും. ധനസമ്പാദനത്തിനുള്ള ശ്രമങ്ങൾ വിജയിക്കും. ബിസിനസിൽ പലതരത്തിലുണ്ടായിരുന്ന  ബുദ്ധിമുട്ടുകൾ മറികടക്കും. ജീവിതപങ്കാളിക്ക് ഏതെങ്കിലും രോഗദുരിതമുണ്ടാകും. പ്രവർത്തനങ്ങളിൽ അലസത വർധിക്കും. കലാരംഗത്തു പ്രവര്‍ത്തിക്കുന്നവർക്ക് പ്രശസ്തി ലഭിക്കും. 

മകയിരം : തൊഴിൽ മേഖലയിൽ അഭിവൃദ്ധി, ഉദ്യോഗക്കയറ്റം ഇവ ഉണ്ടാകും. പൊതുരംഗത്തു പ്രവര്‍ത്തിക്കുന്നവർക്ക് പ്രശസ്തി. അവിചാരിത സ്ഥാനലാഭം മനസ്സിനു സന്തോഷം നൽകും. പുണ്യസ്ഥല സന്ദർശനം ഉണ്ടാകും. പണമിടപാടുകളിൽ കൃത്യത പുലർത്തും. കടം നൽകിയ  പണം തിരികെ ലഭിക്കും.

തിരുവാതിര : അപ്രതീക്ഷിതമായ ഭാഗ്യാനുഭവം പ്രതീക്ഷിക്കാം. ഗൃഹനിർമാണം പൂർത്തീകരിക്കും. വിദേശത്തു നിന്ന് നാട്ടിൽ തിരിച്ചെത്താൻ  സാധിക്കും. സാധിച്ചെടുക്കാൻ വിഷമമെന്നു കരുതിയ പല കാര്യങ്ങളും അനായാസം വിജയത്തിലെത്തിക്കുവാൻ കഴിയും. അകന്നു കഴിഞ്ഞിരുന്ന കുടുംബ ബന്ധുക്കൾ ഒത്തുചേരും. മനസ്സിൽ സന്തോഷ വർധന. 

പുണർതം : ഭക്ഷണസുഖം ഉണ്ടാകും. പുതിയ ഗൃഹോപകരണങ്ങൾ വാങ്ങും. കുടുംബത്തില്‍ നിലനിന്നിരുന്ന അസ്വസ്ഥതകള്‍ ശമിക്കും. പുണ്യസ്ഥല സന്ദർശനം നടത്തും. ഭൂമി വാങ്ങുന്നതിന് അഡ്വാൻസ് നൽകും. ഉദ്യോഗാർഥികൾക്കു ജോലി ലഭിക്കും. താല്‍ക്കാലിക ജോലികള്‍ സ്ഥിരപ്പെടും. വ്യാപാര വിജയം. ഭവനത്തിൽ നവീകരണ പ്രവർത്തനങ്ങൾ. 

പൂയം : തൊഴിൽപരമായ മാറ്റം ആഗ്രഹിച്ചിരുന്നവർക്ക് അനുകൂല സാഹചര്യം. ആരോഗ്യനില തൃപ്തികരമാകും. പ്രണയസാഫല്യമുണ്ടാകും. വിവാഹമാലോചിക്കുന്നവർക്ക് മനസ്സിനിണങ്ങിയ ജീവിത പങ്കാളിയെ ലഭിക്കും. ആഡംബരവസ്തുക്കൾ, വിലപിടിപ്പുള്ള വസ്തുക്കൾ എന്നിവ ഉപഹാരമായി ലഭിക്കുവാൻ യോഗം. വാഹനത്തിന് അറ്റകുറ്റപ്പണികൾ വേണ്ടിവരും. 

ആയില്യം : പ്രവർത്തനരംഗത്ത് ഉയർച്ച അനുഭവപ്പെടും. സുഹൃദ്ബന്ധങ്ങൾ വഴി നേട്ടം. കുടുംബസുഖം ഉണ്ടാകും. അകന്നുകഴിഞ്ഞിരുന്ന ദമ്പതികൾ ഒന്നിക്കും. വിദ്യാർഥികളുടെ പഠനനിലവാരം ഉയരും. ബിസിനസിൽ നേട്ടങ്ങൾ കൈവരിക്കും. പണമിടപാടുകളിൽ ശ്രദ്ധിക്കുക. പൊതുവെ വിശ്രമം കുറഞ്ഞിരിക്കും. 

മകം : ഔദ്യോഗികരംഗത്ത് ഉദ്ദേശിച്ച നേട്ടങ്ങൾ ഉണ്ടാവില്ല. മേലധികാരികൾക്ക് വിശദീകരണം നൽകേണ്ടി വരും. ബന്ധുജനങ്ങൾ മുഖേന ബുദ്ധിമുട്ടുകൾ, അസ്വസ്ഥതകൾ എന്നിവ നേരിടാം. കുടുംബത്തിൽ സ്വസ്ഥതകുറവുണ്ടാകും. ഉദരസംബന്ധമായ വൈഷമ്യങ്ങള്‍ നിരന്തരം അലട്ടും. സന്താനങ്ങൾ മൂലം മനോവിഷമം. 

പൂരം : വിദേശത്തുപോകാൻ ശ്രമിക്കുന്നവർക്ക് അതു സാധിക്കും. സാമ്പത്തിക സ്ഥിതി മെച്ചപ്പെടും. ആലോചനയില്ലാതെ ചെയ്തുപോയ കാര്യങ്ങളുടെ അനന്തരഫലത്താൽ വിഷമിക്കും. സ്വപ്രയത്നത്താൽ തടസ്സങ്ങൾ തരണം ചെയ്യും. ബന്ധുഗുണം അനുഭവിക്കും. ഗൃഹനിര്‍മാണത്തില്‍ പുരോഗതി. തൊഴിൽ ആവശ്യത്തിനായി സ്വഗൃഹം വിട്ടു നില്‍ക്കേണ്ടി വരും.

ഉത്രം : മേലധികാരികളുടെ അംഗീകാരവും അഭിനന്ദനവും ലഭിക്കും. പുണ്യസ്ഥല സന്ദർശനം മനസ്സിന് ബലവും ഉന്മേഷവും നൽകും. ജോലിയിൽ താല്‍പര്യം വർധിക്കും. ശത്രുക്കൾക്കുമേൽ വിജയം. സാമ്പത്തിക വിഷമതകൾ മറികടക്കും. വിവാഹമോചനക്കേസുകള്‍ നടത്തുന്നവര്‍ക്ക് ഒത്തുതീര്‍പ്പിനുള്ള അവസരം. ബന്ധുഗുണം വർധിക്കും. 

അത്തം : വിദ്യാർഥികൾക്ക് പരീക്ഷകളിൽ ഉന്നത വിജയം. പണമിടപാടുകളിൽ നേട്ടം കൈവരിക്കുവാൻ സാധിക്കും. പ്രണയബന്ധങ്ങൾക്ക്  അംഗീകാരം ലഭിക്കും. ചികിത്സാർഥമായി പണം ചെലവിടും. രോഗശമനം ഉണ്ടാകും. കടുത്ത രോഗാവസ്ഥയില്‍ കഴിയുന്നവര്‍ക്ക് ആശ്വാസം. ഭക്ഷണസുഖം വർധിക്കും. മാനസിക അസ്വസ്ഥതകൾ ശമിക്കും. ദീർഘ ദൂരയാത്രകൾ വേണ്ടിവരും.

ചിത്തിര : ബിസിനസിൽ നേട്ടങ്ങൾ പ്രതീക്ഷിക്കാം. തൊഴിൽ ചെയ്യുന്ന സ്ഥാപനത്തിൽ നിന്ന് ആനുകൂല്യങ്ങള്‍ ലഭിക്കാം. സാമ്പത്തിക  ബാധ്യതകൾ കുറയ്ക്കുവാൻ സാധിക്കും. ഭവനത്തിൽ അറ്റകുറ്റപ്പണികൾക്കായി പണച്ചെവുണ്ടാകും. അവിചാരിതമായ ആരോഗ്യപ്രശ്നങ്ങൾ  മൂലം വിഷമിക്കും. 

ചോതി : നിലനിന്നിരുന്ന വൈഷമ്യങ്ങൾക്ക് അയവുണ്ടാകും. വിവാഹ തീരുമാനം കൈക്കൊള്ളും. തൊഴിൽപരമായ യാത്രകൾ നടത്തും. ഭൂമി വിൽപന വഴി നേട്ടം. വിവാഹമാലോചിക്കുന്നവർക്ക് മനസ്സിനിണങ്ങിയ ജീവിതപങ്കാളിയെ ലഭിക്കും. ഭൂമി വാങ്ങുവാനുള്ള തീരുമാനം കൈക്കൊള്ളും. സാമ്പത്തിക വിഷമതകൾ നേരിടും. 

വിശാഖം : ബിസിനസിൽ നിന്ന് മികച്ച നേട്ടം. അനാവശ്യ ഭീതികളിൽ നിന്നു മോചനം. വാഹനയാത്രകള്‍ കൂടുതലായി വേണ്ടിവരും. ഔദ്യോഗിക രംഗത്ത് ഉയർച്ച, അനുകൂല സ്ഥലം മാറ്റം എന്നിവയ്ക്കു സാധ്യത. ബന്ധുക്കൾ വഴി നേട്ടം. ഗൃഹോപകരണങ്ങള്‍ മാറ്റി വാങ്ങുവാൻ സാധിക്കും. 

അനിഴം : കർമരംഗം പുഷ്ടിപ്പെടും. തൊഴിൽരംഗത്ത് മികച്ച വിജയം നേടും. കുടുംബത്തിൽ നിലനിന്നിരുന്ന കലുഷിതാന്തരീക്ഷം ശമിക്കും. വിദേശയാത്രയ്ക്കുള്ള ശ്രമം വിജയിക്കും. സാമ്പത്തിക വിഷമതകൾ മറികടക്കും. പുണ്യസ്ഥല സന്ദർശനം നടത്തും. കലാരംഗത്ത് മികവു പുലർത്തും. ആരോഗ്യ വിഷമതകൾ ശമിക്കും. 

തൃക്കേട്ട : മനഃസുഖം വർധിക്കും. നിക്ഷേപങ്ങളിൽ നിന്ന് ധനലാഭം. ഭവനം മോടിപിടിപ്പിക്കും. ദീർഘ ദൂരയാത്രകൾ നടത്തേണ്ടിവരും. വാഹനം വാങ്ങുവാനുള്ള തീരുമാനമെടുക്കും. ഏറ്റെടുത്ത കാര്യങ്ങൾ ഭംഗിയായി പൂർത്തീകരിക്കുവാൻ സാധിക്കും. സഹോദരഗുണമുണ്ടാകും. സുഹൃത്തുക്കൾ വഴി നേട്ടമുണ്ടാകും.

മൂലം: തടസ്സപ്പെട്ടുകിടന്നിരുന്ന കാര്യങ്ങളിൽ മുന്നേറ്റം. പുതിയ സുഹൃദ്ബന്ധങ്ങൾ ഉണ്ടാകും. വിദ്യാർഥികൾക്ക് ഉപരിപഠനത്തിന് സാധ്യത. ആഡംബര വസ്തുക്കൾക്കായി പണം ചെലവിടും. കലാരംഗത്ത് ശോഭിക്കും. 

പൂരാടം : വിദേശജോലികളിൽ പ്രശ്നങ്ങൾ ഉടലെടുക്കും. ജോലിയുടെ ഭാഗമായി നിരവധി യാത്രകൾ നടത്തേണ്ടിവരും. അവസരത്തിനൊത്തു പ്രവര്‍ത്തിക്കുന്നതിലൂടെ നഷ്ടങ്ങൾ ഒഴിവാകും. സന്താനങ്ങളില്ലാതെ വിഷമിക്കുന്നവര്‍ക്ക് അനുകൂല ഫലങ്ങൾ. വിവാഹാലോചനകളില്‍ ഉത്തമബന്ധം ലഭിക്കും.

ഉത്രാടം : ആരോഗ്യ വിഷമതകൾ ശമിക്കും. മുൻപ് കടം നല്‍കിയിരുന്ന പണം തിരികെ ലഭിക്കും. സര്‍ക്കാരിൽ നിന്നും ആനുകൂല്യങ്ങൾ  ലഭിക്കും. മേലധികാരികളുടെ പ്രീതി സമ്പാദിക്കും. പുണ്യസ്ഥലങ്ങൾ സന്ദർശിക്കും. സഹോദരസ്ഥാനീയരിൽ നിന്നും ഗുണാനുഭവം. ഉദ്യോഗസ്ഥര്‍ക്ക് ഇഷ്ടമില്ലാത്ത സ്ഥലത്തേക്ക് മാറ്റം ഉണ്ടാകും. വ്യവഹാരങ്ങളിൽ തിരിച്ചടികൾ.

തിരുവോണം : മത്സരപ്പരീക്ഷകളിൽ ഉന്നത വിജയം. ഔദ്യോഗികരംഗത്ത് അംഗീകാരം. വിവാഹകാര്യത്തിൽ ഉചിതമായ തീരുമാനമെടുക്കും. മംഗളകര്‍മങ്ങളിൽ പങ്കെടുക്കും. പുതിയ വാഹനം വാങ്ങുവാൻ നടപടികൾ തുടങ്ങും. ദാമ്പത്യപരമായ അസ്വസ്ഥത ശമിക്കും. ധൃതിപിടിച്ചുള്ള തീരുമാനങ്ങൾ എടുക്കരുത്.

അവിട്ടം : സ്വയം തൊഴിൽ ചെയ്യുന്നവർക്ക് മികവ്. വിദ്യാര്‍ഥികൾക്ക് ഉപരിപഠനത്തിന് പ്രവേശനം. കുടുംബത്തില്‍ സമാധാനം ഉണ്ടാകും. പ്രധാന തൊഴിലിൽ നിന്നല്ലാതെ ധനലാഭം. രോഗശമനം ഉണ്ടാകും. വിവാഹാലോചനകളിൽ തീരുമാനം. നേത്രരോഗത്തിന് ചികിത്സ തേടേണ്ടി വരും. മംഗള കർമങ്ങളിൽ സംബന്ധിക്കും. അടുത്ത സുഹൃത്തുക്കൾക്ക് രോഗദുരിതം.

ചതയം :  ദീർഘകാലമായുണ്ടായിരുന്ന അനാരോഗ്യത്തിൽ നിന്ന് മോചനം. പുതിയ ഗൃഹോപകരണങ്ങൾ വാങ്ങും. സ്വന്തം പ്രയത്നം കൊണ്ട് തടസ്സങ്ങൾ തരണം ചെയ്യും. പ്രവർത്തന മികവിന് അംഗീകാരം ലഭിക്കും. വാസഗൃഹമാറ്റം ഉണ്ടാകാനിടയുണ്ട്. അനീതിക്കെതിരെ പ്രവർത്തിക്കും. ധനാഗമ മാർഗങ്ങൾ പുഷ്ടിപ്പെടും. അടുത്ത ബന്ധുക്കൾക്ക് രോഗാരിഷ്ടതകൾ. 

പൂരുരുട്ടാതി : വാഹനം മാറ്റി വാങ്ങുന്നതിന് ആലോചിക്കും. പ്രണയബന്ധങ്ങൾക്ക് അംഗീകാരം ലഭിക്കും. സ്വന്തം ബിസിനസില്‍ അവിചാരിത നേട്ടം. കടബാധ്യതകളിൽ നിന്ന് മോചനത്തിന് വഴിയൊരുങ്ങും. ഗൃഹനിർമാണത്തിൽ പുരോഗതി. വാക്കുതര്‍ക്കങ്ങളിൽ ഏർപ്പെടാതെ ശ്രദ്ധിക്കുക. ദീർഘ ദൂര യാത്രകൾ വേണ്ടിവരും. തൊഴിൽപരമായി നേട്ടങ്ങൾ. 

ഉത്തൃട്ടാതി : മനസിന്റെ അസ്വസ്ഥത മാറി ശാന്തമാകും. ചികിത്സകളിൽ കഴിയുന്നവർക്കു ആശ്വാസം. സ്വകുടുംബത്തിൽ നിന്ന് മികച്ച പിന്തുണ ലഭിക്കും. പണമിടപാടുകളിൽ നേട്ടം. ദമ്പതികൾ തമ്മിൽ നിലനിന്നിരുന്ന അകല്‍ച്ച കുറയ്ക്കുവാന്‍ സാധിക്കും. തൊഴിലന്വേഷണങ്ങളിൽ വിജയം. താല്‍ക്കാലിക ജോലികള്‍ സ്ഥിരപ്പെടാന്‍ സാധ്യത. 

രേവതി : വ്യവഹാരങ്ങളിൽ ഏർപ്പെട്ടിരിക്കുന്നവർക്ക് വിജയം. മനസ്സിന്റെ അസ്വസ്ഥത വിട്ടൊഴിയും. വാക്കുതർക്കങ്ങളിലേർപ്പെട്ട് സമയം പാഴാക്കാതെ ശ്രദ്ധിക്കുക. സന്താനങ്ങളുടെ വിദ്യാഭ്യാസ കാര്യങ്ങളിൽ നിലനിന്നിരുന്ന മാനസിക സംഘർഷം അയയും. ഔഷധ സേവയെത്തുടർന്ന് രോഗശമനം. പുതിയ വീടു വാങ്ങാനുള്ള ശ്രമത്തിൽ തീരുമാനമെടുക്കും.