ടൂറിസം സർക്കീറ്റ്, പുതിയ മെട്രോപ്പാത, ഇൻഫോപാർക്ക് ഫെയ്സ് 3: കേരളത്തിന്റെ കുതിപ്പിന് ആശയങ്ങളേറെ, തടസ്സങ്ങളും! പ്രമുഖരുടെ പ്രതികരണം ഇങ്ങനെ

വിദേശത്തു നിന്നു വരുന്നവർക്കായി ബോട്ട് വാങ്ങി ഓടിക്കാൻ ആലോചനയുണ്ടായിരുന്നെങ്കിലും മത്സ്യബന്ധന വലകൾ വലിയ പ്രശ്നമാകുമെന്നു മനസ്സിലാക്കി അതിൽ നിന്നു പിൻവാങ്ങുകയായിരുന്നു.

സർക്കാർ അനുമതികൾക്ക് ഏകജാലക സംവിധാനമുണ്ടെന്നു പറഞ്ഞു തുടങ്ങിയിട്ട് ഒരുപാടു കാലമായെങ്കിലും നടപ്പാകുന്നില്ല. ഓരോ അനുമതിക്കും നൂറു വകുപ്പുകൾ കയറിയിറങ്ങേണ്ട സ്ഥിതിയാണ്. കാരവൻ പാർക്കുകളുടെ കാര്യത്തിൽ സംഭവിച്ചതും അതു തന്നെ.

കൊച്ചി കായലിലൂടെ ബോട്ട് ഓടിക്കണമെങ്കിൽ ഡ്രജിങ് ഇല്ലാതെ പറ്റില്ല. വലിയ തുക ഇതിനു വേണം. ഇറിഗേഷൻ വകുപ്പാണ് ചെയ്യേണ്ടതെങ്കിലും ഫണ്ടില്ലാത്തതിനാൽ നടക്കുന്നില്ല. പലപ്പോഴും സ്വന്തം നിലയിൽ ഡ്രജിങ് നടത്തിയാണ് കോർപറേഷൻ മുന്നോട്ടുപോകുന്നത്.

ഇൻഫോപാർക്ക് ഫെയ്സ് വണ്ണിലേക്ക് ഉള്ളതുപോലെ ഫെയ്സ് രണ്ടിലേക്ക് കൂടുതൽ പ്രവേശന കവാടങ്ങൾ വേണം. കാക്കനാട് മേഖലയിലെ ഗതാഗത പ്രതിസന്ധി പരിഹരിക്കുന്നതിനുള്ള നടപടികളും ഉണ്ടാകണം.

റജിസ്ട്രേഷൻ ഫീസിലെ വർധന 10–12 ലക്ഷത്തോളം രൂപയുടെ അധികച്ചെലവ് ഉണ്ടാക്കുന്നുണ്ട്. തൊഴിലാളികളുടെ വേതനം ഉൾപ്പെടെ നിർമാണച്ചെലവും കൂടുതലാണ്.

വലിയ കെട്ടിടങ്ങൾക്ക് നിർമാണ അനുമതി ലഭിക്കാൻ പ്രയാസമുണ്ട്. വലിയ നിക്ഷേപങ്ങൾക്കു പ്രത്യേകം സംവിധാനം ഉണ്ടാകണം.

കെ സ്മാർട്ടിന്റെ പ്രവർത്തനം മികച്ചതാണെങ്കിലും വലിയ കെട്ടിടങ്ങൾക്കു മലിനീകരണ നിയന്ത്രണ ബോർഡിന്റെയും ഫയർഫോഴ്സിന്റെയും അനുമതി കിട്ടാൻ താമസം നേരിടുന്ന സാഹചര്യമുണ്ട്.

ഏറ്റവും കൂടുതൽ സഞ്ചാരികൾ എത്തുന്ന നാടായിട്ടും കൊച്ചിയിൽ ടൂറിസം സർക്കീറ്റ് ഇല്ല. കൊച്ചിയിൽ വന്നാൽ എന്തു ചെയ്യാം എന്ന ആശങ്കയാണു സഞ്ചാരികൾക്ക്

വികസന പദ്ധതികൾക്കായി സംസ്ഥാന തലത്തിൽ നിയമപരിഷ്കാരങ്ങൾ ഏർപ്പെടുത്തണം. ഗുജറാത്തും മഹാരാഷ്ട്രയും കർണാടകയും തമിഴ്നാടും വളർന്നത് അങ്ങനെയാണ്. കേരളത്തിൽ എല്ലാം ‘ഘട്ടം ഘട്ടമായി’ എന്ന സമീപനമാണ്. ഒരു കാര്യം ആലോചിച്ചുറപ്പിച്ചു നടപ്പാക്കുകയാണു വേണ്ടത്. വ്യവസായ പദ്ധതികളിൽ സ്വകാര്യ മേഖലയുടെ പങ്കാളിത്തം വർധിപ്പിക്കണം.

ലാൻഡ് പൂളിങ്ങിലൂടെ ഇൻഫോപാർക്ക് ഫെയ്സ് 3 ക്യാംപസിനായി സ്ഥലമേറ്റെടുക്കുന്നതു സുതാര്യമായ രീതിയിലായിരിക്കും. എല്ലാവിധ അടിസ്ഥാന സൗകര്യങ്ങളും ഉൾപ്പെടുത്തിയ സുസജ്ജമായ ക്യാംപസാണു നിർമിക്കുക.

ടെക്കികൾ ആഗ്രഹിക്കുന്നതു വാട്ടർ മെട്രോ ഇൻഫോപാർക്കിലേക്ക് എത്തണമെന്നാണ്. മെട്രോ സർവീസും വാട്ടർ മെട്രോയും യാഥാർഥ്യമാകുന്നതോടെ ഗതാഗത പ്രശ്നങ്ങൾക്കു പരിഹാരമാകും.

ഇൻഫോപാർക്ക് ഫെയ്സ് 3 ക്യാംപസിനു സ്ഥലം നോക്കുന്നതു നിലവിലെ ക്യാംപസുകളോടു ചേർന്ന പ്രദേശങ്ങളിലാണ്. നിലവിലെ ഇക്കോസിസ്റ്റം പൂർണമായി വിനിയോഗിക്കാൻ അതാവശ്യമാണ്. നാലാമതൊരു ക്യാംപസ് വരുമ്പോൾ ദൂരെയായാലും പ്രശ്നമില്ല.

വ്യവസായത്തിനു വെള്ളം നൽകില്ലെന്ന നിലപാടു പോലും സ്വീകരിക്കുന്ന സ്ഥിതിയുണ്ട്. പെരിയാറിൽ നിന്നു 14.5 കിലോമീറ്റർ പൈപ്പിട്ടു കാക്കാനാട്ടേക്കു വെള്ളം എത്തിക്കാൻ അനുമതി കിട്ടിയിട്ടും എതിർപ്പു മൂലം മുടങ്ങി.