മലക്കംമറിഞ്ഞ് സ്വർണം; ഇന്നു രാവിലെ കൂടിയ വില രണ്ടു മണിക്കൂറിനകം ഇടിഞ്ഞു, കൈവിടാതെ നാഴികക്കല്ല്
ഉപഭോക്താക്കളെയും വ്യാപാരികളെയും ഒരുപോലെ ആശങ്കപ്പെടുത്തി ഇന്നു രാവിലെ പുത്തൻ നാഴികക്കല്ലിലേക്ക് കുതിച്ചുകയറിയ സ്വർണവില (Kerala Gold Price), രണ്ടുമണിക്കൂർ പിന്നിട്ടപ്പോഴേക്കും നാടകീയമായി മലക്കംമറിഞ്ഞു.
ഉപഭോക്താക്കളെയും വ്യാപാരികളെയും ഒരുപോലെ ആശങ്കപ്പെടുത്തി ഇന്നു രാവിലെ പുത്തൻ നാഴികക്കല്ലിലേക്ക് കുതിച്ചുകയറിയ സ്വർണവില (Kerala Gold Price), രണ്ടുമണിക്കൂർ പിന്നിട്ടപ്പോഴേക്കും നാടകീയമായി മലക്കംമറിഞ്ഞു.
ഉപഭോക്താക്കളെയും വ്യാപാരികളെയും ഒരുപോലെ ആശങ്കപ്പെടുത്തി ഇന്നു രാവിലെ പുത്തൻ നാഴികക്കല്ലിലേക്ക് കുതിച്ചുകയറിയ സ്വർണവില (Kerala Gold Price), രണ്ടുമണിക്കൂർ പിന്നിട്ടപ്പോഴേക്കും നാടകീയമായി മലക്കംമറിഞ്ഞു.
ഉപഭോക്താക്കളെയും വ്യാപാരികളെയും ഒരുപോലെ ആശങ്കപ്പെടുത്തി ഇന്നു രാവിലെ പുത്തൻ നാഴികക്കല്ലിലേക്ക് കുതിച്ചുകയറിയ സ്വർണവില (Kerala Gold Price), രണ്ടുമണിക്കൂർ പിന്നിട്ടപ്പോഴേക്കും നാടകീയമായി മലക്കംമറിഞ്ഞു. കേരളത്തിൽ രാവിലെ 9.24ന് ഓൾ കേരള ഗോൾഡ് ആൻഡ് സിൽവർ മർച്ചന്റ്സ് അസോസിയേഷൻ (AKGSMA) പുറത്തുവിട്ട കണക്കുപ്രകാരം സ്വർണവില ഗ്രാമിന് 80 രൂപ ഉയർന്ന് 8,060 രൂപയും പവന് 640 രൂപ വർധിച്ച് 64,480 രൂപയുമായിരുന്നു. രണ്ടും സർവകാല റെക്കോർഡ്. മാത്രമല്ല, ഗ്രാം 8,000 രൂപയും പവൻ 64,000 രൂപയും കടന്നതും ആദ്യം. എന്നാൽ, സമയം 11.27 ആയപ്പോഴേക്കും വില ഇടിഞ്ഞു. ഗ്രാമിന് 50 രൂപ കുറഞ്ഞ് വില 8,010 രൂപയായി. പവന് 400 രൂപ കുറഞ്ഞ് 64,080 രൂപയിലുമെത്തി.
രാജ്യാന്തര സ്വർണവില (ലണ്ടൻ മാർക്കറ്റ്) സർവകാല റെക്കോർഡിൽ നിന്ന് താഴ്ന്നിറങ്ങിയതും ഡോളറിനെതിരെ രൂപയുടെ മൂല്യം ഇന്ന് മികച്ചതോതിൽ കരകയറിയതും നേട്ടമായി. ഔൺസിന് 2,941 ഡോളർ വരെ ഉയർന്ന രാജ്യാന്തര വില 2,928 ഡോളറിലേക്കാണ് കുറഞ്ഞത്. ഇന്നലെ ഡോളറിനെതിരെ കുത്തനെ ഇടിഞ്ഞ് ചരിത്രത്തിലെ ഏറ്റവും താഴ്ചയായ 87.96 വരെ എത്തിയ രൂപ, ഇന്ന് 86.84ലേക്ക് മെച്ചപ്പെട്ടതും സ്വർണവില കുറയാൻ ഇടവരുത്തി.
ഇന്നു രാവിലത്തെ റെക്കോർഡ് കുതിപ്പുപ്രകാരം ഒരു പവൻ ആഭരണത്തിന്റെ വാങ്ങൽവില 3% ജിഎസ്ടിയും 53.10 രൂപ ഹോൾമാർക്ക് ഫീസും മിനിമം 5% പണിക്കൂലിയും ചേർന്ന് 69,780 രൂപയായിരുന്നു. ഒരു ഗ്രാം സ്വർണാഭരണത്തിന് 8,724 രൂപയും. ഇപ്പോൾ വില കുറഞ്ഞതോടെ ഒരു പവൻ ആഭരണത്തിന്റെ വാങ്ങൽവില 69,357 രൂപയിലേക്ക് താഴ്ന്നു. ഒരു ഗ്രാം സ്വർണാഭരണത്തിന് 8,669 രൂപയും. അതായത്, രാവിലെ സ്വർണം വാങ്ങിയവരേക്കാൾ പവന് 423 രൂപയുടെയും ഗ്രാമിന് 55 രൂപയുടെയും ആശ്വാസം.
വില ഇനിയും മാറിമറിഞ്ഞേക്കും
ലണ്ടൻ വിപണിയിലെ വില, രൂപയുടെ മൂല്യം എന്നിവയുടെ വ്യതിയാനത്തിന് അനുസൃതമായി കേരളത്തിൽ ഇന്നുതന്നെ വിലയിൽ മാറ്റമുണ്ടായേക്കാമെന്ന് എകെജിഎസ്എംഎ സംസ്ഥാന പ്രസിഡന്റും ഭീമ ഗ്രൂപ്പ് ചെയർമാനുമായ ഡോ.ബി. ഗോവിന്ദൻ മനോരമ ഓൺലൈനിനോട് പറഞ്ഞു.
ഇന്നു വിലയിൽ വീണ്ടും മാറ്റമുണ്ടായതോടെ ഗ്രാമിന് ഫലത്തിൽ കൂടിയത് 30 രൂപയാണ്; പവന് 240 രൂപയും. ഉപഭോക്താക്കൾക്ക് കനത്ത വിലക്കയറ്റത്തിൽ നിന്ന് ആശ്വാസം പകരുക കൂടി ലക്ഷ്യമിട്ടാണ് വിലയിൽ മാറ്റംവരുത്തിയത്. രൂപയുടെ മൂല്യം, ലണ്ടൻ മാർക്കറ്റിലെ വില എന്നിവയുടെ വ്യതിയാനമനുസരിച്ച് ഇന്നു വീണ്ടും വില മാറാൻ ഇടവന്നേക്കാമെന്നും അദ്ദേഹം പറഞ്ഞു.
കൂടുതൽ ബിസിനസ് വാർത്തകൾക്ക്: manoramaonline.com/business