‘ഒന്നാം ദിവസം മുതൽ 1461-ാം ദിവസം വരെ’; മകന് ‘ഇസ്സു വേൾഡ്’ ഒരുക്കി കുഞ്ചാക്കോ ബോബൻ

കുഞ്ചാക്കോയുടെ മകൻ ഇസഹാക്കിന്റെ നാലാം പിറന്നാൾ ആഘോഷമാക്കി കുടുംബം.  ഇസ്സുവിന്റെ ആദ്യ ദിവസത്തെ ചിത്രവും പുതിയ ചിത്രവും ചേർത്തുവച്ചുകൊണ്ടാണ് ചാക്കോച്ചൻ മകന് ആശംസകളറിയിച്ചത്. ഒപ്പം ഹൃദ്യമായ ഈ കുറിപ്പും ‘എന്റെ കുട്ടിക്ക് ഇന്ന് നാല് വയസ്സ് തികയുമ്പോൾ, സമയം ഇത്ര പെട്ടന്നാഃ് കടന്നു പോകുന്നുവെന്ന് വിശ്വസിക്കാൻ കഴിയുന്നില്ല !!! ജീവിതം വാഗ്ദാനം ചെയ്യുന്നതെല്ലാം അനുഭവിച്ച് നീ ഒരു നല്ല മനുഷ്യനായി വളരുമെന്ന് പ്രതീക്ഷിക്കുന്നു.നിന്റെ മുഖത്ത് പുഞ്ചിരി നിലനിർത്തുക, അത് എല്ലാവരുടെയും മുഖത്ത് പുഞ്ചിരിക്ക് കാരണമാവുക !! ജന്മദിനാശംസകൾ  ഇസ്സു ബോയ്’

‘ഡൈനോ വേൾഡ്’ തീമിൽ ആയിരുന്നു നാലാം  പിറന്നാൾ ആഘോഷം. ഡൈനോ വേൾഡിൽ നിൽക്കുന്ന നിരവധി ചിത്രങ്ങളും താരം പങ്കുവച്ചു. 2019 ഏപ്രിൽ 16 ന് ആണ് ഇസഹാക്ക് ജനിച്ചത്. കുഞ്ഞു ഇസയുടെ വിശേഷങ്ങളും ചിത്രങ്ങളും ചാക്കോച്ചനും ഭാര്യ പ്രിയയും ആരാധകരുമായി പങ്കുവയ്ക്കാറുണ്ട്. പിറന്നാൾ ആശംസകൾകൊണ്ട് നിറയുകയാണ് ഇസക്കുട്ടന്റെ ചിത്രങ്ങൾക്ക് താഴെ. സിനിമാ രംഗത്തു നിന്നുൾ‌പ്പെടെ നിരവധിപ്പേരാണ് ഈ കുഞ്ഞു താരത്തിന് ആശംസകളുമായി എത്തുന്നത്. മഞ്ജു വാരിയരും രമേഷ് പിഷാരടിയും ഇസ്സുവിനൊപ്പമുള്ള മനോഹരമായ ചിത്രങ്ങൾ പങ്കുവച്ചാണ് ആശംസകൾ നേർന്നത്. 

2021 ഏപ്രിൽ 16 ന് ആണ് ഇസഹാക്ക് ജനിച്ചത്. വർഷങ്ങൾ നീണ്ട കാത്തിരിപ്പിനൊടുവിലാണ് ചാക്കോച്ചനും പ്രിയക്കും ആൺകുഞ്ഞ് ജനിച്ചത്. ആരാധകർ ഏറെ സന്തോഷത്തോടെയാണ് ഈ വാർത്ത സ്വീകരിച്ചത്. കുഞ്ഞിന്റെ ആദ്യ ഫോട്ടോയും പേരുമൊക്കെ ഏറെ ആകാംക്ഷയോടെയാണ് ഏറ്റെടുത്തത്.

Content summary : Birthday celebration of Kunchacko Bobans son Isahak