അർത്തുങ്കൽ പള്ളിയിൽ അന്ത്രയോസ് ശ്ലീഹായുടെ തിരുനാൾ തുടങ്ങി

ചേർത്തല∙അർത്തുങ്കൽ സെന്റ് ആൻഡ്രൂസ് ബസിലിക്കയിൽ വിശുദ്ധ അന്ത്രയോസ് ശ്ലീഹായുടെ തിരുനാൾ തുടങ്ങി. ബസിലിക്ക റെക്ടർ ഡോ.ഫാ.യേശുദാസ് കാട്ടുങ്കൽ തൈയ്യിൽ കൊടിയേറ്റി. ഫാ. റെയ്നോൾഡ് വട്ടത്തിൽ കാർമികത്വം വഹിച്ചു. ഇന്ന്  രാവിലെ 5.30നും 7നും, 11നും വൈകിട്ട് 5.30നും ദിവ്യബലി, ഫാ. തോമസ് ചാത്തംപറമ്പിൽ കാർമികത്വം വഹിക്കും. ഫാ. ബെന്നി നാൽകര വചന സന്ദേശം നൽകും. വൈകിട്ട് 5ന് ജപമാല ഫാ. ജസ്റ്റിൻ കുരിശിങ്കൽ കാർമികത്വം വഹിക്കും. 

നാളെ രാവിലെ 5.30ന് ദിവ്യബലി, 7ന് ആഘോഷമായ ദിവ്യബലി, ആലപ്പുഴ രൂപത ബിഷപ് ഡോ. ഫാ. ജയിംസ് റാഫേൽ ആനാപറമ്പിൽ കാർമികത്വം വഹിക്കും. 3.30ന് ദിവ്യബലി, ഫാ. സൈമൺ കുരിശിങ്കൽ കാർമികത്വം വഹിക്കും. സോളമൻ അരേശേരിൽ വചന സന്ദേശം നൽകും. തുടർന്ന് പ്രദക്ഷിണം, പരിശുദ്ധ കുർബാനയുടെ ആശീർവാദം, കൊടിയിറക്ക് എന്നിവ നടക്കുമെന്ന് ബസിലിക്ക റെക്ടർ ഡോ.ഫാ. യേശുദാസ് കാട്ടുങ്കൽ തയ്യിൽ അറിയിച്ചു.