മെതിപാറ സെറ്റിൽമെന്റ് സെന്റർ റോഡ് തകർന്നു

പിറവം∙രാമമംഗലം മെതിപാറ സെറ്റിൽമെന്റ് സെന്റർ റോഡ് ടാറിങ് തകർന്നതോടെ യാത്രാക്ലേശം. മേഖലയിലെ നിരവധി കുടുംബങ്ങൾ ആശ്രയിക്കുന്ന റോഡാണിത്. വർഷങ്ങളായി ടാറിങ് നടക്കാത്തതാണു യാത്രാ ദുരിതത്തിനു കാരണം. മെതിപാറ ശുദ്ധജല വിതരണ പദ്ധതിയിലേക്കുള്ള പൈപ്പുകൾ കടന്നു പോകുന്നതു റോഡിനടിയിലൂടെയാണ്.

പൈപ്പ് പൊട്ടുന്നതും റോഡിന്റെ തകർച്ചയ്ക്കു കാരണമാകുന്നുണ്ട്. റോഡിന്റെ ശോച്യാവസ്ഥ മൂലം ഓട്ടോറിക്ഷകൾ ഉൾപ്പെടെ വാഹനങ്ങൾ എത്താൻ മടിക്കുന്നതു രോഗികളെ വലയ്ക്കുന്നു.  അടിയന്തരമായി അറ്റകുറ്റപ്പണി പൂർത്തിയാക്കണമെന്ന് കെപിഎംഎസ്  ശാഖാ ഭാരവാഹികളായ രേഖ സന്തോഷ്, പി.കെ. രമണൻ എന്നിവർ ആവശ്യപ്പെട്ടു.