നിയന്ത്രണം വിട്ട കാർ റേഷൻ കടയിലേക്ക് ഇടിച്ചു കയറി

ചേലച്ചുവട് ∙ നിയന്ത്രണം വിട്ട കാർ ടൗണിലെ റേഷൻ കടയുടെ ഭിത്തിയിലേക്കും സമീപത്തെ ഇലക്ട്രോണിക്സ് കടയിലും ഇടിച്ചു കയറി. തുടർന്ന് വഴിയോരത്തെ വൈദ്യുതി തൂണിൽ ഇടിച്ചു നിന്നതിനാൽ ദുരന്തം ഒഴിവായി. ഇന്നലെ പുലർച്ചെ 4 നു ആയിരുന്നു അപകടം. നെടുമ്പാശേരി വിമാനത്താവളത്തിൽ നിന്നു വണ്ണപ്പുറം വഴി വന്ന കാറാണ് അപകടത്തിൽ പെട്ടത്. വാഴത്തോപ്പ് സ്വദേശിയുടേതാണ് അപകടത്തിൽ പെട്ട കാർ.