ഇടുക്കി ജില്ലയിൽ ഇന്ന് (30-11-2024); അറിയാൻ, ഓർക്കാൻ

നാടക പ്രദർശനം ഇന്ന്; ചെറുതോണി ∙ വ്യാപാരി വ്യവസായി സമിതിയുടെ നേതൃത്വത്തിൽ തിരുവനന്തപുരം സൗപർണിക തിയറ്റേഴ്സിന്റെ മണികർണിക എന്ന നാടകം ഇന്നു വൈകിട്ട് 7ന് ചെറുതോണി ടൗൺ ഹാളിൽ അവതരിപ്പിക്കും.   പ്രവേശനപാസുകൾ ഇന്ന് വൈകുന്നേരം 6 മുതൽ ടൗൺ ഹാളിൽ ലഭിക്കും.

കോഷൻ ഡിപ്പോസിറ്റ് വാങ്ങണം 
ഏലപ്പാറ ∙ പഞ്ചായത്ത് ഹയർ സെക്കൻഡറി സ്കൂളിൽ നിന്നു 2021-22, 22-23 കാലയളവിൽ പ്ലസ്ടു കഴിഞ്ഞ വിദ്യാർഥികൾ കോഷൻ ഡിപ്പോസിറ്റ് തുക ലഭിക്കാൻ സ്കൂളിലെ 9809911946 എന്ന വാട്സാപ് നമ്പറിൽ ബന്ധപ്പെടണമെന്ന് പ്രിൻസിപ്പൽ അറിയിച്ചു.

മുട്ടക്കോഴിക്കുഞ്ഞ് വിതരണം 
നെടുങ്കണ്ടം ∙ കല്ലാർ, നെടുങ്കണ്ടം എന്നീ മൃഗാശുപത്രികളിൽ നിന്ന് 50 ദിവസം പ്രായമായ മുട്ടക്കോഴിക്കുഞ്ഞുങ്ങളെ ഒരെണ്ണത്തിന് 130 രൂപ നിരക്കിൽ ഡിസംബർ രണ്ടിന് വിതരണം ചെയ്യും. അതത് മൃഗാശുപത്രികളിൽ പേര് റജിസ്റ്റർ ചെയ്യണം. ഫോൺ: 9495747630, 8547251094.

സൗജന്യ തിമിര ശസ്ത്രക്രിയാ ക്യാംപ് നാളെ മുതൽ 
തൊടുപുഴ ∙ ഫാത്തിമ കണ്ണാശുപത്രിയിൽ നാളെ മുതൽ 7 വരെ പൊതുജനങ്ങൾക്കായും നാളെ മുതൽ 31 വരെ മെഡിസെപ് പദ്ധതിയിൽ അംഗമായിട്ടുള്ളവർക്കായും സൗജന്യ തിമിര ശസ്ത്രക്രിയാ ക്യാംപ് സംഘടിപ്പിക്കും. ക്യാംപിൽ പങ്കെടുക്കുന്നവർക്ക് സൗജന്യ പരിശോധന, സൗജന്യ ഓപ്പറേഷൻ, കണ്ണടകൾക്ക് 25% ഡിസ്കൗണ്ട് എന്നിങ്ങനെ ലഭ്യമാണ്. രാവിലെ 9 മുതൽ ഉച്ചയ്ക്ക് ഒരു മണി വരെ ബുക്കിങ്ങിനായി വിളിക്കുക: 04862 222678, 8281594778.