ചൂട്: വിദ്യാർഥികൾ ജാഗ്രത പാലിക്കണം

കൊല്ലം ∙ ജില്ലയിൽ ചൂട് കൂടി വരുന്ന സാഹചര്യവും പരീക്ഷാക്കാലവും കണക്കിലെടുത്ത്  വിദ്യാർഥികൾ ജാഗ്രത പാലിക്കണമെന്ന് ജില്ലാ ദുരന്തനിവാരണ അതോറിറ്റി ചെയർമാൻ കൂടിയായ ജില്ലാകലക്ടർ എൻ ദേവിദാസ് അറിയിച്ചു.

പൊതു നിർദേശങ്ങൾ:
∙രാവിലെ 11 മുതൽ 3  വരെ നേരിട്ട് സൂര്യപ്രകാശം ഏൽക്കുന്നത് ഒഴിവാക്കണം.
∙വെയിൽ നേരിട്ട് ഏൽക്കാതിരിക്കാൻ കുടയോ ഷാളോ, തൊപ്പിയോ കരുതാം.  സൺ സ്‌ക്രീൻ ലോഷൻ ഉപയോഗിക്കണം.
∙അയഞ്ഞ, ഇളം നിറത്തിലുള്ള കോട്ടൺ വസ്ത്രങ്ങൾ ധരിക്കണം. കൈ പൂർണമായും മൂടുന്ന തരത്തിലുള്ള വസ്ത്രങ്ങൾ  അഭികാമ്യം.
∙ധാരാളം വെള്ളം കുടിക്കുക. ദാഹം ഇല്ലെങ്കിൽകൂടിയും ഇടയ്ക്കിടെ വെള്ളം കുടിക്കണം. കുപ്പിയിൽ വെള്ളം കൂടെ കരുതാവുന്നതാണ്.
∙കാർബണേറ്റഡ് സോഫ്റ്റ് ഡ്രിങ്കുകൾ, കാപ്പി, ചായ തുടങ്ങിയവ   പൂർണമായും ഒഴിവാക്കുക.
∙വിദ്യാർഥികൾ ഉച്ചവെയിലിൽ ഗ്രൗണ്ടിൽ കളിക്കുന്നില്ല എന്ന് സ്‌കൂൾ അധികൃതർ ഉറപ്പുവരുത്തണം.

സ്‌കൂളുകൾക്കുള്ള നിർദേശങ്ങൾ:
∙അസംബ്ലികൾ പൂർണമായും ഒഴിവാക്കുക.
∙വാട്ടർ ബെൽ സമ്പ്രദായം നടപ്പാക്കുക
∙എൻസിസി, സ്‌കൗട്ട് ആൻഡ് ഗൈഡ്, എൻഎസ് എസ്   ഔട്ട്‌ഡോർ പ്രവർത്തനങ്ങൾ രാവിലെ 11  മുതൽ മൂന്ന് വരെ ഒഴിവാക്കുക.
∙ക്ലാസ് മുറികളിലെ ഫാനുകളുടെ പ്രവർത്തനക്ഷമത   ഉറപ്പുവരുത്തുക
∙ശുചിമുറി  വൃത്തിയായി സൂക്ഷിക്കണം
∙ടൈയുടെ ഉപയോഗം   ഒഴിവാക്കുക
∙ഒ ആർ എസ് പാക്കറ്റുകൾ, പ്രഥമ ശുശ്രൂഷ സംവിധാനങ്ങൾ തുടങ്ങിയവ സ്‌കൂളിൽ കരുതണം. 
∙വായുസഞ്ചാരമുള്ള  ക്ലാസ് മുറികൾ പരീക്ഷാ ഹാളുകളായി ഉപയോഗിക്കണം, ശുദ്ധജലലഭ്യത ഉറപ്പാക്കണം.