വീട്ടുമുറ്റത്ത് 2.5 മീറ്റർ ഉയരമുള്ള കഞ്ചാവുചെടി; വീട്ടുടമ മുങ്ങി

എരുമേലി∙ കരിക്കാട്ടൂരിൽ വീട്ടുമുറ്റത്തുനിന്ന് 2.5 മീറ്റർ ഉയരമുള്ള കഞ്ചാവുചെടി കണ്ടെത്തി. പുരയിട ഉടമ താവൂർ ജോമോനെതിരെ എക്സൈസ് കേസെടുത്തു. ഇയാളെ പിടികൂടാനായില്ല. രഹസ്യ വിവരത്തിന്റെ അടിസ്ഥാനത്തിലായിരുന്നു എക്സൈസ് പരിശോധന. വിവരമറിഞ്ഞ് ഇയാൾ പണിസ്ഥലത്തു നിന്നു കടന്നുകളഞ്ഞു. ജി.ഫെമിൻ, സി.ആർ.രമേശ്, ടി.എ.സമീർ, ടി.പി.തോമസ്, ആര്യ പ്രകാശ് എന്നിവർ ചേർന്നാണു റെയ്ഡ് നടത്തിയത്.