കുര്യനാട് സെന്റ് ആൻസ് സ്കൂളിൽ ഇൻഡോർ സ്റ്റേഡിയവും ഓഡിറ്റോറിയവും ഉദ്ഘാടനം 26ന്

കുര്യനാട് ∙സെന്റ് ആൻസ് ഹയർ സെക്കൻഡറി സ്കൂളിലെ ഇൻഡോർ സ്റ്റേഡിയവും ഓഡിറ്റോറിയവും  26ന് ഉദ്ഘാടനം ചെയ്യും. സെന്റ് ആൻസ് ആശ്രമം പ്ലാറ്റിനം ജൂബിലി സ്മാരകമായി 1999-ൽ ആരംഭിച്ച സെന്റ് ആൻസ് ഇന്റർ സ്കൂൾ ബാസ്കറ്റ്ബോൾ ടൂർണമെന്റ് 26,27,28 തീയതികളിൽ പുതിയ ഇൻഡോർ സ്റ്റേഡിയത്തിൽ നടക്കും.

 26 ന് 10 ന് സിഎംഐ. കോട്ടയം പ്രവിശ്യയുടെ പ്രൊവിൻഷ്യൽ ഫാ. ഏബ്രഹാം വെട്ടിയാങ്കൽ സ്റ്റേഡിയത്തിന്റെ ആശീർവാദം നിർവഹിക്കും. കോർപറേറ്റ് മാനേജർ ഫാ. ബാസ്റ്റിൻ മംഗലത്തിൽ അധ്യക്ഷത വഹിക്കും. ചലച്ചിത്രതാരം ലാലു അലക്സ് ഇൻഡോർ സ്റ്റേഡിയത്തിന്റെയും സ്കൂൾ മാനേജർ ഫാ. സ്റ്റാൻലി ചെല്ലിയിൽ ബാസ്കറ്റ്ബോൾ ടൂർണമെന്റിന്റെയും ഉദ്ഘാടനം നിർവഹിക്കും. തുടർന്ന് മാന്നാനം കെഇ കോളജും മൂലമറ്റം സെന്റ് ജോസഫ്സ് കോളജും തമ്മിൽ സൗഹൃദ മത്സരം നടക്കും.

ജൂനിയർ,സീനിയർ വിഭാഗങ്ങളിലായി പതിനഞ്ചോളം സ്കൂളുകൾ ആൻസ് ട്രോഫി ബാസ്കറ്റ്ബോൾ മത്സരത്തിൽ പങ്കെടുക്കും.മത്സരങ്ങളെ തുടർന്ന് 29ന് സിഎംഐ സഭയുടെ വിവിധ പ്രവിശ്യകൾ തമ്മിലുള്ള ഫാ. ബ്രൂണോ സ്മാരക  മത്സരവും സ്റ്റേഡിയത്തിൽ നടക്കും.