കോട്ടയം ജില്ലയിൽ ഇന്ന് (24-11-2024); അറിയാൻ, ഓർക്കാൻ

കാലാവസ്ഥ
∙ഇടിമിന്നലോടു കൂടിയ നേരിയ മഴയ്ക്കു സാധ്യത
∙തെക്കൻ ബംഗാൾ ഉൾക്കടലിന്റെ മധ്യഭാഗങ്ങളിൽ ശക്തമായ കാറ്റിനും മോശം കാലാവസ്ഥയ്ക്കും സാധ്യത.

സിവിൽ സർവീസ് കായികമേള സിലക്‌ഷൻ ട്രയൽസ്
കോട്ടയം ∙ ജില്ലാ സ്പോർട്സ് കൗൺസിൽ 30നു രാവിലെ 9.30ന് എംജി സർവകലാശാലാ നാച്വറൽ ടർഫ് ഫുട്ബോൾ കോർട്ടിൽ ജില്ലാതല സിവിൽ സർവീസ് കായികമേള ഫുട്ബോൾ, ലോൺ ടെന്നിസ് സിലക്‌ഷൻ ട്രയൽസ് നടത്തും. മേലധികാരി സാക്ഷ്യപ്പെടുത്തിയ ഫോട്ടോ പതിച്ച യോഗ്യതാ ഫോമും റജിസ്ട്രേഷൻ ഫീസും സഹിതം 28ന് 5നു മുൻപായി ജില്ലാ സ്പോർട്സ് കൗൺസിൽ ഓഫിസിൽ എത്തണം. ഫോൺ: 0481 2563825, 8547575248.

കേരളോത്സവം 29 മുതൽ
കുറവിലങ്ങാട് ∙പഞ്ചായത്ത് കേരളോത്സവം 29 മുതൽ ഡിസംബർ 8 വരെ നടത്തും.നവംബർ ഒന്നിന് 15 വയസ്സ് പൂർത്തിയായവരും 40 വയസ്സിന് താഴെയുള്ളവരും പഞ്ചായത്ത് പരിധിയിൽ താമസക്കാരുമായവർക്കു പങ്കെടുക്കാമെന്നു സെക്രട്ടറി അറിയിച്ചു. 28നകം ഓൺലൈൻ റജിസ്ട്രേഷൻ നടത്തണം.https://keralotsavam.com

യുപി സ്കൂൾ ടീച്ചർ
മേച്ചാൽ ∙ ഗവ. യുപി സ്കൂളിൽ, യുപി സ്കൂൾ ടീച്ചറുടെ തസ്തികയിൽ, താൽക്കാലിക ഒഴിവിലേക്കു ദിവസ വേതന അടിസ്ഥാനത്തിൽ നിയമനത്തിനു പരിഗണിക്കുന്നതിനായി റാങ്ക് ലിസ്റ്റ് തയാറാക്കുന്നു. താൽപര്യമുള്ള ഉദ്യ‌ോഗാർഥികൾ നാളെ 10.30 അഭിമുഖത്തിനു ഹാജരാകണം.

അധ്യാപക ഒഴിവ്
വിളക്കുമാടം ∙ ശ്രീഭദ്ര വിദ്യാനികേതൻ ഇംഗ്ലിഷ് മീഡിയം സ്കൂളിൽ ബിഎഡ് യോഗ്യതയുള്ള ഉദ്യോഗാർഥികളിൽ നിന്നും ഇംഗ്ലിഷ്  അധ്യാപക ഒഴിവിലേക്ക് അപേക്ഷ ക്ഷണിച്ചു. ഫോൺ:.9037422840, 9447910863,