കോട്ടയം ജില്ലയിൽ ഇന്ന് (29-11-2024); അറിയാൻ, ഓർക്കാൻ

വൈദ്യുതി മുടക്കം
കോട്ടയം ∙ ഈരയിൽക്കടവ്, എവിജി, കെസിസി ഹോംസ് ട്രാൻസ്ഫോമറുകളുടെ പരിധിയിൽ ഇന്ന് 9.30 മുതൽ 2 വരെ വൈദ്യുതി മുടങ്ങും.
നാട്ടകം ∙ മുട്ടം, പൊൻകുന്നത്തുകാവ് ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 5 വരെ വൈദ്യുതി മുടങ്ങും.
മീനടം ∙ പമ്പൂർ കവല, കങ്ങഴക്കുന്ന്, വേണാട് റെഡിമിക്സ് ട്രാൻസ്ഫോമറുകളുടെ പരിധിയിൽ ഇന്ന് 9.30 മുതൽ 2 വരെ വൈദ്യുതി മുടങ്ങും.

റബർ കർഷകർക്ക് ധനസഹായം
കോട്ടയം ∙ ആവർത്തന കൃഷി, പുതുക്കൃഷി എന്നിവ നടത്തിയ റബർ കർഷകർക്ക് ധനസഹായത്തിനു അപേക്ഷിക്കാനുള്ള അവസാന തീയതി ഡിസംബർ 31 വരെ നീട്ടി. അപേക്ഷകൾ കേന്ദ്ര സർക്കാരിന്റെ സർവീസ് പ്ലസ് എന്ന വെബ് പോർട്ടലിലൂടെ ഓൺലൈനായി സമർപ്പിക്കാം. റെയ്ൻ ഗാർഡിങ്ങിനും മരുന്നു തളിക്കുന്നതിനും റബറുൽപാദക സംഘങ്ങൾ മുഖേന നൽകുന്ന സാമ്പത്തിക സഹായങ്ങൾ ലഭിക്കുന്നതിനുള്ള അപേക്ഷകൾ ഡിസംബർ 31 വരെ വെബ് പോർട്ടൽ വഴി ഓൺലൈനായി സ്വീകരിക്കും. ഫോൺ: 0481 2576622.

ജില്ലാ  കേരളോത്സവം  കോട്ടയത്ത്
കോട്ടയം ∙ ജില്ലാ കേരളോത്സവം ഡിസംബർ 21 നും 22നും കോട്ടയം നഗരത്തിലെ വിവിധ വേദികളിൽ നടക്കും. ജില്ലാ പഞ്ചായത്തും തദ്ദേശ ഭരണ സ്ഥാപനങ്ങളും സംസ്ഥാന യുവജനക്ഷേമ ബോർഡിന്റെ സഹകരണത്തോടെയാണ് കേരളോത്സവം സംഘടിപ്പിക്കുന്നത്. 65 ഇനങ്ങളിലാണ് കലാമത്സരങ്ങൾ അരങ്ങേറുക. ബ്ലോക്ക്,നഗരസഭാതല വിജയികളാണ് ജില്ലാ കേരളോത്സവത്തിൽ പങ്കെടുക്കുക.