ഫാമിനോടു ചേര്‍ന്നുള്ള ടാങ്കിൽ വീണ കറവപശുവിന് രക്ഷകരായി അഗ്നിരക്ഷാ സേന
Mail This Article
×
പേരാമ്പ്ര ∙ ഫാമിനോടു ചേര്‍ന്നുള്ള ടാങ്കില്‍ വീണ കറവപശുവിന് രക്ഷകരായി പേരാമ്പ്ര അഗ്നിരക്ഷാസേന. കൂട്ടാലിട പൂനത്ത് അവിടനല്ലൂര്‍ അഗ്രോ കമ്പനിയുടെ ഉടമസ്ഥതയിലുള്ള പശുഫാമിലെ കറവപശുവാണ് ബയോഗ്യാസ് പ്ലാന്‍റിനോട് ചേര്‍ന്ന് പത്തടി താഴ്ചയുള്ള സിമന്‍റ്കൊണ്ട് നിര്‍മ്മിച്ച ടാങ്കില്‍ അകപ്പെട്ടത്.
പേരാമ്പ്ര അഗ്നിരക്ഷാ നിലയത്തില്‍ നിന്ന് അസി.സ്റ്റേഷന്‍ ഓഫീസര്‍ പി.സി. പ്രേമന്‍റെ നേതൃത്വത്തില്‍ ഒരു യൂണിറ്റ് സ്ഥലത്തെത്തി രണ്ടു മണിക്കൂര്‍ പരിശ്രമിച്ചാണ് പശുവിനെ സുരക്ഷിതമായി പുറത്തെടുത്തത്. ഓഫീസര്‍മാരായ വി. വിനീത്, അഭിലജ്പത് ലാല്‍, മകേഷ്, കെ. രഗിനേഷ്, ഹോംഗാര്‍ഡ് എ.സി. അജീഷ്, സിവില്‍ ഡിഫന്‍സ് അംഗങ്ങളായ ഷാബു, അതുല്‍ എന്നിവരും രക്ഷാപ്രവര്‍ത്തനത്തില്‍ പങ്കാളികളായി.
English Summary:
In a heartwarming display of courage and skill, the Perambra Fire and Rescue team successfully saved a milch cow that had fallen into a 10-foot deep tank at a local cattle farm. The incident occurred at Avittanallur Agro Company, highlighting the importance of farm safety and the dedication of our first responders.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.