മലപ്പുറം ജില്ലയിൽ ഇന്ന് (05-11-2024); അറിയാൻ, ഓർക്കാൻ

കാലാവസ്ഥ
∙ മിന്നലോടു കൂടിയ നേരിയ/ഇടത്തരം മഴയ്ക്കു സാധ്യത.
പുസ്തകോത്സവം 
∙ജില്ലാ ലൈബ്രറി കൗൺസിൽ പുസ്തകോത്സവം ഇന്നു മുതൽ 7 വരെ വലിയങ്ങാടി താജ് ഓഡിറ്റോറിയത്തിൽ. 75ലധികം പ്രസാധകരുടെ പുസ്തകങ്ങൾ ലഭ്യമാകുന്ന മേളയിൽ വിലക്കുറവുമുണ്ടാകും. 

വിദ്യാവനം പദ്ധതി
∙വിദ്യാലയങ്ങളിൽ ചെടികൾ വച്ചുപിടിപ്പിക്കുന്നതിനുള്ള വിദ്യാവനം പദ്ധതിയിലേക്കു സ്കൂളുകളിൽനിന്ന് അപേക്ഷ ക്ഷണിച്ചു. 5 സെന്റ് സ്ഥലസൗകര്യമുള്ള സ്കൂളുകൾക്ക് അപേക്ഷിക്കാം. ഈ മാസം 30ന് മുൻപ് അപേക്ഷ സമർപ്പിക്കണം. 0483–2734803, 8301862445.

അപേക്ഷ ക്ഷണിച്ചു
∙ന്യൂനപക്ഷ വിഭാഗത്തിലുൾപ്പെടുന്ന  ഹൈസ്‌കൂൾ, ഹയർസെക്കൻഡറി, ബിരുദ വിദ്യാർഥികൾക്കായി സംസ്ഥാന ന്യൂനപക്ഷക്ഷേമ വകുപ്പിന്റെ ആഭിമുഖ്യത്തിൽ ഏകദിന സൗജന്യ വ്യക്തിത്വ വികസന- കരിയർ ഗൈഡൻസ് പരിപാടി സംഘടിപ്പിക്കാൻ താൽപര്യമുള്ള വിദ്യാഭ്യാസ സ്ഥാപനങ്ങളിൽനിന്ന് അപേക്ഷ ക്ഷണിച്ചു. 12നകം കലക്ടറേറ്റിലെ ന്യൂനപക്ഷ സെല്ലിൽ നേരിട്ടോ minoritycellmpm@gmail.com എന്ന ഇ-മെയിൽ വഴിയോ അപേക്ഷിക്കണം. 8086545686, 04832739577.

അധ്യാപക ഒഴിവ്
∙ താനൂർ കാട്ടിലങ്ങാടി ഗവ.ഹയർ സെക്കൻഡറി സ്കൂളിൽ ഹൈസ്കൂൾ വിഭാഗത്തിൽ അറബിക് അധ്യാപക ഒഴിവുണ്ട്. അഭിമുഖം നാളെ 10ന്.

തൊഴിൽമേള 24ന്
ചേലേമ്പ്ര ∙ പഞ്ചായത്ത് എൻഎൻഎം ഹയർസെക്കൻഡറി സ്കൂളി‍ൽ 9ന് നടത്താനിരുന്ന മെഗാ തൊഴിൽമേള പെരുമാറ്റച്ചട്ടം കണക്കിലെടുത്ത് 24ലേക്ക് മാറ്റി.

വൈദ്യുതി മുടക്കം
∙ പൂക്കോട്ടുംപാടം സെക്‌ഷൻ പരിധിയിലെ അച്ചാർ കമ്പനി, പൂക്കോട്ടുംപാടം ടൗൺ, പാറക്കപ്പാടം, പാലമല ഭാഗങ്ങളിൽ ഇന്ന് 8.30 മുതൽ 5 വരെ വൈദ്യുതി മുടങ്ങും. 

അധ്യാപക ഒഴിവ് 
∙ അങ്ങാടിപ്പുറം തരകൻ ഹയർസെക്കൻഡറി സ്‌കൂളിൽ എച്ച്‌എസ്‌എസ്‌ടി ജൂനിയർ മാത്തമാറ്റിക്‌സ് ഗെസ്‌റ്റ് അധ്യാപക ഒഴിവിലേക്ക് അപേക്ഷ ക്ഷണിച്ചു. മുഖാമുഖം 11 ന് രാവിലെ 11ന്. ഫോൺ: 9847011253.