പാലക്കാട് ജില്ലയിൽ ഇന്ന് (23-10-2024); അറിയാൻ, ഓർക്കാൻ

കാലാവസ്ഥ
∙ സംസ്ഥാനത്ത് എല്ലാ ജില്ലകളിലും ഒറ്റപ്പെട്ട സ്ഥലങ്ങളിൽ ഇടിയോടു കൂടിയ മഴയ്ക്കു സാധ്യത.

അധ്യാപക ഒഴിവ്
എടത്തനാട്ടുകര∙ ഗവ.ഹയർസെക്കൻഡറി സ്കൂളിൽ ഹയർസെക്കൻഡറി വിഭാഗത്തിൽ ഒഴിവുള്ള ഇക്കണോമിക്സ് തസ്തികയിൽ ദിവസവേതനാടിസ്ഥാനത്തിൽ നിയമനം നടത്തുന്നതിനുള്ള കൂടിക്കാഴ്ച 25 ന് രാവിലെ 10 ന് സ്കൂളിൽ നടക്കും.
നെല്ലായ ∙ മാരായമംഗലം ഗവ.ഹയർ സെക്കൻഡറി സ്കൂളിൽ ഹയർ സെക്കൻഡറി വിഭാഗത്തിൽ എച്ച്എസ്എസ്ടി ജൂനിയർ കെമിസ്ട്രി തസ്തികയിൽ താൽക്കാലികാടിസ്ഥാനത്തിൽ ഒരു ഒഴിവുണ്ട്. കൂടിക്കാഴ്ച നാളെ രാവിലെ 11ന് സ്കൂൾ ഓഫിസിൽ.

ക്ലാസ് 31 ന്
മണ്ണാർക്കാട്∙ കോട്ടോപ്പാടം കല്ലടി അബ്ദു ഹാജി ഹയർ സെക്കൻഡറി സ്കൂൾ പരീക്ഷാ കേന്ദ്രമായി റജിസ്റ്റർ ചെയ്ത 2024- 2025 ബാച്ച് ഓപ്പൺ സ്കൂൾ ഹയർ സെക്കൻഡറി രണ്ടാം വർഷം വിദ്യാർഥികൾക്കുള്ള ഓറിയന്റേഷൻ ക്ലാസ് 31 ന് രാവിലെ 10 മണിക്ക് സ്കൂളിൽ നടക്കും.

കുടുംബമേള
മണ്ണാർക്കാട്∙ കെഎസ്എസ്പിയു കോട്ടോപ്പാടം പഞ്ചായത്ത് കുടുംബ മേള 26ന് രാവിലെ 10ന് വേങ്ങ എഎൽപി സ്കൂളിൽ നടത്തും.

ഭാരവാഹികൾ
ആര്യമ്പാവ്∙നായാടി പാറ സുബ്രഹ്മണ്യ സ്വാമി ക്ഷേത്രം തൈപ്പൂയം ആഘോഷ കമ്മിറ്റി രൂപീകരിച്ചു. ഭാരവാഹികൾ: കെ.ബാലസുബ്രഹ്മണ്യൻ(ചെയ), കെ.ജയകൃഷണൻ(കൺ), വി.സി.ഉണ്ണിക്കൃഷ്ണൻ (ട്രഷ).

ടാപ്പിങ് പരിശീലനം 
തച്ചനാട്ടുകര∙ചെത്തല്ലൂർ റബർ കർഷക സംഘം, റബർ ബോർഡും എന്നിവ ചേർന്ന് ടാപ്പിങ് പരിശീലനം നടത്തി. റബർ ബോർഡ് ഡപ്യൂട്ടി കമ്മിഷണർ സി.ബി.മധു, എഡിഒ പി.ഗീത, പരിശീലകൻ സി.രഞ്ജിത്ത്, ഡയറക്ടർമാരായ പി.ഉണ്ണിക്കൃഷ്ണൻ, എ.ശ്രീധരനുണ്ണി, കെ.അബ്ദുൽ റസാഖ് എന്നിവർ പ്രസംഗിച്ചു.

കൂടിക്കാഴ്ച മാറ്റിവച്ചു
കൊഴിഞ്ഞാമ്പാറ ∙ പഞ്ചായത്തിലെ മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതി കാര്യാലയത്തിൽ ഓവർസീയറുടെ താൽക്കാലിക ഒഴിവിലേക്ക് ഇന്നു നടക്കാനിരുന്ന കൂടിക്കാഴ്ച ഉപതിരഞ്ഞെടുപ്പിന്റെ ഭാഗമായി പെരുമാറ്റച്ചട്ടം നിലവിൽ വന്നതിനാൽ മാറ്റിവച്ചതായി സെക്രട്ടറി അറിയിച്ചു.