ശാസ്ത്ര പഠനത്തിന് ഇൻസ്പയർ ‘ഷീ’ സ്കോളർഷിപ് നേടാം
സയൻസിന്റെ വിസ്മയങ്ങളിലേക്കു യുവജനങ്ങളെ ആകർഷിക്കുന്നതിനു കേന്ദ്ര ശാസ്ത്രസാങ്കേതിക വകുപ്പ് നടപ്പാക്കിവരുന്ന പദ്ധതിയാണ് ഇൻസ്പയർ (INSPIRE: Innovation in Science Pursuit for Inspired Research; www.online-inspire.gov.in). ഈ പദ്ധതിയുടെ ഘടകമായ ‘ഷീ’ (SHE: Scholarship for Higher Education) സ്കോളർഷിപ്പിനു
സയൻസിന്റെ വിസ്മയങ്ങളിലേക്കു യുവജനങ്ങളെ ആകർഷിക്കുന്നതിനു കേന്ദ്ര ശാസ്ത്രസാങ്കേതിക വകുപ്പ് നടപ്പാക്കിവരുന്ന പദ്ധതിയാണ് ഇൻസ്പയർ (INSPIRE: Innovation in Science Pursuit for Inspired Research; www.online-inspire.gov.in). ഈ പദ്ധതിയുടെ ഘടകമായ ‘ഷീ’ (SHE: Scholarship for Higher Education) സ്കോളർഷിപ്പിനു
സയൻസിന്റെ വിസ്മയങ്ങളിലേക്കു യുവജനങ്ങളെ ആകർഷിക്കുന്നതിനു കേന്ദ്ര ശാസ്ത്രസാങ്കേതിക വകുപ്പ് നടപ്പാക്കിവരുന്ന പദ്ധതിയാണ് ഇൻസ്പയർ (INSPIRE: Innovation in Science Pursuit for Inspired Research; www.online-inspire.gov.in). ഈ പദ്ധതിയുടെ ഘടകമായ ‘ഷീ’ (SHE: Scholarship for Higher Education) സ്കോളർഷിപ്പിനു
സയൻസിന്റെ വിസ്മയങ്ങളിലേക്കു യുവജനങ്ങളെ ആകർഷിക്കുന്നതിനു കേന്ദ്ര ശാസ്ത്രസാങ്കേതിക വകുപ്പ് നടപ്പാക്കിവരുന്ന പദ്ധതിയാണ് ഇൻസ്പയർ (INSPIRE: Innovation in Science Pursuit for Inspired Research; www.online-inspire.gov.in). ഈ പദ്ധതിയുടെ ഘടകമായ ‘ഷീ’ (SHE: Scholarship for Higher Education) സ്കോളർഷിപ്പിനു നവംബർ 9 വരെ ഓൺലൈൻ അപേക്ഷ സമർപ്പിക്കാം. 12 ലെ പരീക്ഷയിൽ നേടിയ മാർക്കു നോക്കിയാണ് അർഹരെ തിരഞ്ഞെടുക്കുന്നത്.
∙ പഠനവിഷയങ്ങൾ
18 ശാസ്ത്രവിഷയങ്ങളിലെ ബാച്‌ലർ / മാസ്റ്റർ പഠനത്തിന് 12ലെ മാർക്ക് ആധാരമാക്കി സ്കോളർഷിപ് നൽകുന്നു. ഫിസിക്സ്, കെമിസ്ട്രി, മാത്തമാറ്റിക്സ്, ബയോളജി, സ്റ്റാറ്റിസ്റ്റിക്സ്, ജിയോളജി, അസ്ട്രോഫിസിക്സ്, അസ്ട്രോണമി, ഇലക്ട്രോണിക്സ്, ബോട്ടണി, സുവോളജി, ബയോകെമിസ്ട്രി, ആന്ത്രപ്പോളജി, മൈക്രോബയോളജി, ജിയോഫിസിക്സ്, ജിയോകെമിസ്ട്രി, അറ്റ്മോസ്ഫെറിക് സയൻസസ്, ഓഷ്യാനിക് സയൻസസ്.
∙ അർഹത ആർക്കെല്ലാം?
ഇനിപ്പറയുന്ന വിഭാഗക്കാർക്കാണ് സ്കോളർഷിപ് നൽകുന്നത്.
എ) ഇന്ത്യയിലെ ഏതെങ്കിലും ഹയർ സെക്കൻഡറി ബോർഡിന്റെ 2023 ലെ 12–ാം ക്ലാസ് പരീക്ഷയിൽ മൊത്തം മാർക്കിന്റെ അടിസ്ഥാനത്തിൽ ഏറ്റവും മുകളിലത്തെ ഒരു ശതമാനത്തിൽപെട്ടവർ. (അർഹതയെപ്പറ്റി ഏകദേശരൂപം കിട്ടാൻ 2022 ൽ ഓരോ ബോർഡിലെയും കട്ട്ഓഫ് മാർക്ക് എത്രയെന്നു നോക്കാം. ഇതു സൈറ്റിലെ വിജ്ഞാപനത്തിലുണ്ട്. കേരളം– 98.08, സിബിഎസ്ഇ – 95.40, സിഐഎസ്‌സിഇ – 96.60)
അടിസ്ഥാന ശാസ്ത്രത്തിൽ ബിഎസ്‌സി, ബിഎസ്, ഇന്റഗ്രേറ്റഡ് എംഎസ്‌സി /എംഎസ് പഠനത്തിൽ ഏർപ്പെടുകയും വേണം.
ബി) ജെഇഇ അഡ്വാൻസ്ഡ് / നീറ്റ് പരീക്ഷയിൽ ആദ്യ 10,000 റാങ്കിൽപെട്ടവർ. അടിസ്ഥാന ശാസ്ത്രത്തിൽ ബിഎസ്‌സി, ബിഎസ്, ഇന്റഗ്രേറ്റഡ് എംഎസ്‌സി /എംഎസ് പഠനം ഇന്ത്യയിൽ നടത്തുകയും വേണം
സി) നാഷനൽ ടാലന്റ് സേർച് എക്സാമിനേഷൻ (NTSE) /ജഗദീഷ് ബോസ് നാഷനൽ സയൻസ് ടാലന്റ് സേർച് (JBNSTS) സ്കോളർമാർ, ഇന്റർനാഷനൽ ഒളിംപ്യാഡ് മെഡൽ ജേതാക്കൾ. ഇവർ അടിസ്ഥാന ശാസ്ത്രത്തിൽ ബാച്‌ലർ / മാസ്റ്റർ ബിരുദത്തിനു പഠിക്കുന്നവരായിരിക്കണം.
2023 ൽ 12 ജയിച്ചവരെ മാത്രമേ പരിഗണിക്കൂ. പ്രായം 17 – 22 വയസ്സ്.
∙ സഹായം എത്ര?
പ്രതിമാസം 5,000 രൂപ നിരക്കിൽ ആണ്ടിൽ 60,000 രൂപ. കൂടാതെ പ്രതിവർഷം 20,000 രൂപ മെന്റർഷിപ് ഗ്രാന്റുമുണ്ട് www.online-inspire.gov.in എന്ന സൈറ്റിലൂടെ നിർദേശങ്ങൾ പാലിച്ച് അപേക്ഷിക്കാം. അപേക്ഷാരീതിയും സമർപ്പിക്കേണ്ട രേഖകളും സംബന്ധിച്ച വിവരങ്ങൾ സൈറ്റിലെ വിജ്ഞാപനത്തിലുണ്ട്.