വിവിധ ഡിസൈൻ പ്രോഗ്രാമുകൾ പഠിക്കാം ജയ്പുർ ഐഐസിഡിയിൽ; ഇപ്പോൾ അപേക്ഷിക്കാം
രാജസ്ഥാൻ സർക്കാരിന്റെ നിയന്ത്രണത്തിലുള്ള ജയ്പുരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രാഫ്റ്റ്സ് ആൻഡ് ഡിസൈൻ (ഐഐസിഡി) വിവിധ ഡിസൈൻ പ്രോഗ്രാമുകളിലെ പ്രവേശനത്തിന് മേയ് 28നു വൈകിട്ടു 4 വരെ ഓൺലൈൻ അപേക്ഷ സ്വീകരിക്കും. കരകൗശലത്തിന് ഊന്നൽ നൽകുന്ന പാഠ്യക്രമമാണ്. Indian Institute of Crafts and Design, J-8,
രാജസ്ഥാൻ സർക്കാരിന്റെ നിയന്ത്രണത്തിലുള്ള ജയ്പുരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രാഫ്റ്റ്സ് ആൻഡ് ഡിസൈൻ (ഐഐസിഡി) വിവിധ ഡിസൈൻ പ്രോഗ്രാമുകളിലെ പ്രവേശനത്തിന് മേയ് 28നു വൈകിട്ടു 4 വരെ ഓൺലൈൻ അപേക്ഷ സ്വീകരിക്കും. കരകൗശലത്തിന് ഊന്നൽ നൽകുന്ന പാഠ്യക്രമമാണ്. Indian Institute of Crafts and Design, J-8,
രാജസ്ഥാൻ സർക്കാരിന്റെ നിയന്ത്രണത്തിലുള്ള ജയ്പുരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രാഫ്റ്റ്സ് ആൻഡ് ഡിസൈൻ (ഐഐസിഡി) വിവിധ ഡിസൈൻ പ്രോഗ്രാമുകളിലെ പ്രവേശനത്തിന് മേയ് 28നു വൈകിട്ടു 4 വരെ ഓൺലൈൻ അപേക്ഷ സ്വീകരിക്കും. കരകൗശലത്തിന് ഊന്നൽ നൽകുന്ന പാഠ്യക്രമമാണ്. Indian Institute of Crafts and Design, J-8,
രാജസ്ഥാൻ സർക്കാരിന്റെ നിയന്ത്രണത്തിലുള്ള ജയ്പുരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ക്രാഫ്റ്റ്സ് ആൻഡ് ഡിസൈൻ (ഐഐസിഡി) വിവിധ ഡിസൈൻ പ്രോഗ്രാമുകളിലെ പ്രവേശനത്തിന് മേയ് 28നു വൈകിട്ടു 4 വരെ ഓൺലൈൻ അപേക്ഷ സ്വീകരിക്കും. കരകൗശലത്തിന് ഊന്നൽ നൽകുന്ന പാഠ്യക്രമമാണ്. Indian Institute of Crafts and Design, J-8, Jhalana Institutional Area, Jaipur-302004. ഫോൺ: 094606 73297; admissions@iicd.ac.in. വെബ്: www.iicd.ac.in
പ്രോഗ്രാമുകൾ
4 വർഷ ബിഡിസ്: പ്ലസ്ടു ജയിച്ചവർക്കാണു പ്രവേശനം. 6 വിഭാഗങ്ങളിൽ സ്പെഷലൈസേഷൻ: സോഫ്റ്റ് മെറ്റീരിയൽ ഡിസൈൻ (തുകൽ, കടലാസ്, പ്രകൃതിയിലുള്ള നാരുകൾ, തുണി) / ഹാർ‍ഡ് മെറ്റീരിയൽ ഡിസൈൻ (ലോഹം, ശില, മരം, ചൂരൽ, മുള) / ഫയേഡ് മെറ്റീരിയൽ ഡിസൈൻ (പോഴ്സ്‌ലെയിൻ, എർത്തൻവെയർ, സ്റ്റോൺവെയർ, ടെറാക്കോട്ട) / ഫാഷൻ ക്ലോത്തിങ് ഡിസൈൻ / ജ്വല്ലറി ഡിസൈൻ, ക്രാഫ്റ്റ്സ് കമ്യൂണിക്കേഷൻ (ഗ്രാഫിക്സ്, ഫൊട്ടോഗ്രഫി, വിഡിയോഗ്രഫി അനിമേഷൻ, സർഗാത്മക ഇലസ്ട്രേഷൻ). ഇഷ്ടപ്പെട്ട സ്പെഷലൈസേഷൻ അപേക്ഷാവേളയിൽ അറിയിക്കണം. ആകെ 180 സീറ്റ്.
2 വർഷ എംഡിസ്: പ്രവേശനത്തിനു ഡിസൈൻ / ആർക്കിടെക്ചർ ബിരുദം വേണം. സ്പെഷലൈസേഷനുകൾ ബിഡിസിന്റേതുതന്നെ. ആകെ 90 സീറ്റ്.
3 വർഷ എംവോക്: ഡിസൈൻ–ഇതര (നോൺ–ഡിസൈൻ) വിഷയങ്ങളിലെ ബിരുദധാരികൾക്ക്. 90 സീറ്റ്.
ബിഡിസ്, എംവോക് എന്നിവയിലെ ആദ്യവർഷം ഫൗണ്ടേഷൻ പ്രോഗ്രാമാണ്. ഇതിലെ പ്രകടനവും വിദ്യാർഥിയുടെ അഭിരുചിയും നോക്കിയാവും സ്പെഷലൈസേഷൻ തീരുമാനിക്കുക. യുജി പ്രോഗ്രാമിൽ 4 തലങ്ങളിൽ സർട്ടിഫിക്കറ്റ് കിട്ടും; ഒരു വർഷത്തിനു ശേഷം ഡിപ്ലോമ, 2 വർഷത്തിനു ശേഷം അ‍‍ഡ്വാൻസ്ഡ് ഡിപ്ലോമ, 3 വർഷത്തിനു ശേഷം ബിവോക്, 4 വർഷത്തിനു ശേഷം ബിഡിസ്.
സിലക്‌ഷൻ
മേയ് 30ന് അഡ്മിറ്റ് കാർഡ് ഡൗൺലോഡ് ചെയ്യാം. എൻട്രൻസ് തീയതി അടക്കമുള്ള വിവരങ്ങൾ അഡ്മിറ്റ് കാർഡിലുണ്ടാകും. എല്ലാ പ്രോഗ്രാമുകളിലേക്കും ഒരേ ശൈലിയിലാണു വിദ്യാർഥികളെ തിരഞ്ഞെടുക്കുന്നത്. പൊതു എൻട്രൻസ് ടെസ്റ്റ് / ഇന്റർവ്യൂ ഇനിപ്പറയുന്ന തോതിൽ വെയ്റ്റ് നൽകി നടത്തും. ജനറൽ അവെയർനെസ്, ക്രിയേറ്റിവിറ്റി ആൻഡ് പെർസപ്ഷൻ ടെസ്റ്റ് (35%) മെറ്റീരിയൽ, കളർ ആൻഡ് കൺസെപ്ച്വൽ ടെസ്റ്റ് (45%) ഇന്റർവ്യൂ – വാട്സാപ്പിലൂടെ ഉദ്ദേശം 20 മിനിറ്റ്, ജൂൺ 18 – 21 വരെ (20%)
ഇന്റർവ്യൂവിൽ സ്വന്തം രചനകളുടെ പോർട്ഫോളിയോ കാണിച്ചു സർഗശേഷി ബോധ്യപ്പെടുത്താം. പിന്നാക്കം 27%, പട്ടികജാതി 15%, പട്ടികവർഗം 7.5%, ഭിന്നശേഷി 3% ക്രമത്തിൽ സംവരണമുണ്ട്. പരീക്ഷാഫലം ജൂൺ 28ന്. ക്ലാസുകൾ ജൂലൈ 15നു തുടങ്ങും.
അപേക്ഷാഫീ 1750 രൂപ, എൻആർഐ 3500 രൂപ. സെമസ്റ്റർ ട്യൂഷൻ ഫീസ് 1,30,000 രൂപ. പ്രവേശന ഫീസ് 8000 രൂപ. ബിഡിസ് പ്രോഗ്രാമിന് ഹോസ്റ്റൽ ഭക്ഷണമടക്കം 4 വർഷത്തേക്ക് ഉദ്ദേശം 17 ലക്ഷം രൂപ ചെലവു വരും. എംഡിസിനു 2 വർഷത്തേക്ക് ഉദ്ദേശം 9 ലക്ഷം രൂപ. എംവോക്കിനു 3 വർഷത്തേക്ക് ഉദ്ദേശം 13 ലക്ഷം. എൻആർഐ വിഭാഗക്കാർക്കു വിശേഷനിരക്ക്.