സഹകരണ മേഖലയിലെ ജോലിയാണോ സ്വപ്നം?; എച്ച്ഡിസി കോഴ്സിന് ഇപ്പോൾ അപേക്ഷിക്കാം

 സഹകരണ മേഖലയിൽ ജോലിക്കുള്ള ഹയർ ഡിപ്ലോമ സഹകരണ മേഖലയിൽ ക്ലറിക്കൽ തലം മുതൽ മുകളിലേക്കുള്ള തസ്തികകളിലെ നിയമനത്തിനു സഹായിക്കുന്ന ഹയർ ഡിപ്ലോമ ഇൻ കോഓപ്പറേഷൻ ആൻഡ് ബിസിനസ് മാനേജ്മെന്റ് (എച്ച്ഡിസി ആൻഡ് ബിഎം) കോഴ്സിന് ഇപ്പോൾ അപേക്ഷിക്കാം.

യോഗ്യത: ബിരുദം. എല്ലാ സെമസ്റ്ററുകളിലെയും മൊത്തം മാർക്കു നോക്കിയാണു റാങ്കിങ്. പിജിക്ക് ഗ്രേസ് മാർക്കുണ്ട്. സഹകരണ സ്ഥാപനങ്ങളിൽ ജൂൺ ഒന്നിന് ഒരു വർഷത്തെയെങ്കിലും സർവീസുള്ള ഫുൾ–ടൈം സ്ഥിരം ജീവനക്കാർക്കും അപേക്ഷിക്കാം. സേവനകാലം അടിസ്ഥാനമാക്കിയാണു റാങ്കുകൾ നിശ്ചയിക്കുക. പ്രായപരിധി: ജൂൺ ഒന്നിനു 40 കവിയരുത്. പട്ടിക/ഒബിസി വിഭാഗക്കാർക്ക് യഥാക്രമം 45/43 വരെയാകാം. സഹകരണസംഘം ജീവനക്കാർക്കു പ്രായപരിധിയില്ല. അപേക്ഷ: www.scu.kerala.gov.in എന്ന വെബ്സൈറ്റ് വഴി അപേക്ഷിക്കണം.

അപേക്ഷാഫീ 250 രൂപ. സഹകരണ ജീവനക്കാർക്കു 350 രൂപ. പട്ടികവിഭാഗക്കാർക്ക് 85 രൂപ. അവസാന തീയതി: ജൂലൈ 15 വൈകിട്ട് 5. ഇ–മെയിൽ: scukerala@gmail.com കോഴ്സ് കാലാവധി: 12 മാസം. കോഴ്സ് ഫീ: 23,990 രൂപ. ഇതിൽ 15,340 രൂപ തുടക്കത്തിലടയ്ക്കണം. 13 കോളജുകളിൽ പഠിക്കാം സംസ്ഥാന സഹകരണ യൂണിയന്റെ നേതൃത്വത്തിൽ നടത്തുന്ന ഈ കോഴ്സിന് കേരള പിഎസ്‌സിയുടെയും, കോ ഓപ്പറേറ്റീവ് സർവീസ് പരീക്ഷാ ബോർഡിന്റെയും അംഗീകാരമുണ്ട്. താഴെപ്പറയുന്ന 13 സഹകരണ പരിശീലന കോളജുകളിൽ പഠനസൗകര്യമുണ്ട്.

∙ കുറവൻകോണം, തിരുവനന്തപുരം (99614 45003)
∙ അവണൂർ, കൊട്ടാരക്കര (99463 85533)
∙ ആറന്മുള (94476 54471)
∙ ചേർത്തല (82812 18029)
∙ തിരുനക്കര, കോട്ടയം (സ്വകാര്യ മാനേജ്മെന്റ്: 85478 42852 – പകുതി സീറ്റ് മാനേജ്മെന്റ് ക്വോട്ട)
∙ പാലാ (94959 24044)
∙ വടക്കൻ പറവൂർ (94464 53731)
∙ അയ്യന്തോൾ, തൃശൂർ (94959 50404)
∙ പാലക്കാട് (97452 87895) ‌
∙ തിരൂർ (98460 79940)
∙ തളി, കോഴിക്കോട് (89211 36974)
∙ മണ്ണയാട്, തലശ്ശേരി (94957 56653)
∙ കാഞ്ഞങ്ങാട് (0467 221733).