തിരുവനന്തപുരം ഐസറിൽ (IISER - Indian Institute of Science Education and Research, Vithura, Thiruvananthapuram-695551) ജനുവരിയിൽ തുടങ്ങുന്ന പിഎച്ച്‌ഡി പ്രോഗ്രാമിൽ പ്രവേശനത്തിനു 31 വരെ ഓൺലൈനായി റജിസ്‌റ്റർ ചെയ്യാം. ഇ–മെയിൽ : phdprogramme@iisertvm.ac.in, വെബ്: http://appserv.iisertvm.ac.in/phd.
ബയോളജി, ഫിസിക്സ്, കെമിസ്ട്രി മേഖലകള‌ിലാണ് ഗവേഷണാവസരം. 60% എങ്കിലും മാർക്ക് അഥവാ 6.5 / 10 ഗ്രേഡ് പോയിന്റ് ആവറേജോടെ ബയളോജിക്കൽ, കെമിക്കൽ, ഫിസിക്കൽ, മാത്തമാറ്റിക്കൽ, ബയോഇൻഫർമാറ്റിക്സ്, ആഗ്രിക്കൾച്ചറൽ, വെറ്ററിനറി സയൻസസ് മാസ്‌റ്റർ ബിരുദം അല്ലെങ്കിൽ എംബിബിഎസ് വേണം. 2019 ജനുവരി ഒന്നിനു സാധുതയും നിർദിഷ്ട നിലവാരവുമുള്ള CSIR-UGC–JRF, DBT-JRF, ICMR-JRF, GATE JGEEBILS, INSPIRE-PhD, JEST മുതലായ യോഗ്യതകളിലൊന്നും വേണം.
സിലക്‌ഷന്റെ ഭാഗമായി തിരുവനന്തപുരത്താണ് അഭിമുഖം. കൂടുതൽ അപേക്ഷകരുണ്ടെങ്കിൽ എഴുത്തുപരീക്ഷയും നടത്തിയേക്കാം.
പ്രോസസിങ് ഫീ 500 രൂപ എസ്ബിഐ ഓൺലൈൻ വഴി അടയ്ക്കണം. പട്ടിക, ഭിന്നശേഷി വിഭാഗക്കാർക്ക് 250 രൂപ.
