കാലാവസ്ഥാ പ്രതിസന്ധിയും വിഭവ ശോഷണവും: സൗരോർജം കേരളത്തെ സഹായിക്കും

2023 ഓഗസ്റ്റിൽ, തീവ്രമായ ഉഷ്ണതരംഗം സൃഷ്ടിച്ച കടുത്ത വൈദ്യുതി പ്രതിസന്ധിയിൽ കേരളം ഏറെ വലയുകയുണ്ടായി. ആവശ്യത്തിന് മഴ ലഭിക്കാത്തതും വർധിച്ചുവരുന്ന വൈദ്യുതി ഉപഭോഗവും സാഹചര്യം പരിഹരിക്കുന്നതിനായി ലോഡ് ഷെഡിങ് (നിയന്ത്രിത വൈദ്യുതി മുടക്കം), വൈദ്യുതി നിരക്ക് വർധന തുടങ്ങിയ നടപടികൾ നടപ്പിലാക്കാൻ അധികൃതരെ പ്രേരിപ്പിച്ചു. ആഗോള താപനില ക്രമാതീതമായി ഉയരുന്ന ഈ കാലഘട്ടത്തിൽ, സൗരോർജ വ്യവസായത്തിൽ ഗണ്യമായ നിക്ഷേപം നടത്തി ഭാവിയിലെ പ്രത്രിസന്ധികളെ കേരളം ഗൗരവപൂർവ്വം തരണം ചെയ്യേണ്ടതുണ്ട്.

ഹരിതഗൃഹ വാതകം (GHG) പുറന്തള്ളുന്നതിൽ മൂന്നാം സ്ഥാനത്തുള്ള ഇന്ത്യ, കാർബൺ ഫുട്ട് പ്രിന്റ്  കുറയ്ക്കുന്നതിൽ കാര്യമായ വെല്ലുവിളി നേരിടുന്നു. ഊർജ മേഖലയാണ് ഈ ഉദ്വമനത്തിന് ഏറ്റവും വലിയ സംഭാവന നൽകുന്നത്. 2070-ഓടെ നെറ്റ്-സീറോ ലക്ഷ്യം കൈവരിക്കാനുള്ള പ്രതിജ്ഞാബദ്ധതയ്‌ക്കൊപ്പം മുന്നേറണമെങ്കിൽ 2030 ഓടെ കാർബൺ ഉദ്‌വമനം 2005 ലെ അളവിന്റെ 50% ത്തിൽ താഴെയായി കുറയ്ക്കുകയും അതിനായി  വനവൽക്കരണം, പ്രകൃതിദത്ത രീതികളിലൂടെയും കാർബൺ ക്യാപ്‌ചർ പോലുള്ള കൃത്രിമ രീതികളിലൂടെ കാർബൺ സിങ്കുകൾ സ്ഥാപിക്കുക, പുനരുപയോഗ ഊർജത്തിലേക്ക് (RE) മാറുക എന്നിവ അനിവാര്യമായിരിക്കുന്നു. ഈ സമഗ്ര ശ്രമങ്ങളുടെ ഭാഗമായി 2030-ഓടെ 500 ജിഗാവാട്ട് സൗരോർജം  ഉത്പാദിപ്പിക്കുക എന്ന മഹത്തായ ലക്ഷ്യം കേന്ദ്ര സർക്കാർ സ്ഥാപിച്ചിട്ടുണ്ട്.

ഭൂമിശാസ്ത്രപരമായി അനുകൂലമായ സ്ഥാനം കാരണം കേരളം കഴിഞ്ഞ 10 വർഷമായി പുനരുപയോഗ ഊർജം ഉൽപ്പാദിപ്പിക്കുന്നതിൽ ഗണ്യമായ നിക്ഷേപം നടത്തിയിട്ടുണ്ട്. സാങ്കേതികമായി പുരോഗമിച്ച സംസ്ഥാനത്തിന് താപ, കാറ്റ്, സൗരോർജം എന്നിവ പ്രയോജനപ്പെടുത്തുന്ന വിപുലമായ ഹരിത ഊർജ ഉൽപാദന സംവിധാനം ഇതിനകം തന്നെ നിലവിലുണ്ട്.

ലോകമെമ്പാടുമുള്ള പുനരുപയോഗ ഊർജശേഷിയുടെ 75 ശതമാനവും സൗരോർജ മായതിനാൽ, പുനരുൽപ്പാദിപ്പിക്കാനാവാത്ത സ്രോതസ്സുകളിൽ നിന്ന് ഉൽപ്പാദിപ്പിക്കുന്ന വൈദ്യുതിയിൽ നിന്ന് സൗരോർജത്തിലേക്ക് അനായാസമായി എന്നത്തേക്കാളും എളുപ്പമായി മാറാനാകുന്നതാണ്. കേരളത്തിലുടനീളമുള്ള വീടുകൾ, നിർമാണ യൂണിറ്റുകൾ, വാണിജ്യ സ്ഥാപനങ്ങൾ, മെഡിക്കൽ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ എന്നിവയ്ക്ക് ഈ പരിവർത്തനത്തിൽ നിന്ന് പ്രയോജനം ലഭിക്കും.

പ്രമുഖ വിനോദസഞ്ചാര കേന്ദ്രമായ കേരളത്തിൽ, സൗരോർജ വ്യവസായം വിപുലപ്പെടുത്തുന്നതിലൂടെ മറ്റ് നിരവധി നേട്ടങ്ങളും കൈവരിക്കാനാകും സൗരോർജ്ജം ഉപയോഗിക്കുന്ന ഹോട്ടലുകളും റെസ്റ്റോറന്റുകളും അവയുടെ കാർബൺ കാൽപ്പാടുകൾ കുറയ്ക്കുന്നതിലൂടെ പാരിസ്ഥിതിക സുസ്ഥിരതയ്ക്ക് സംഭാവന നൽകുക മാത്രമല്ല സാമ്പത്തിക കാര്യക്ഷമത വർദ്ധിപ്പിക്കുകയും ചെയ്യുന്നു. സൗരോർജത്തിന്റെ താങ്ങാനാവുന്ന വിലയും, ഈട് രഹിതമായ നോ കോസ്റ്റ് ഇഎംഐ പോലുള്ള വായ്പാ ഓപ്‌ഷനുകളും ഇതിനെ സാമ്പത്തികമായി ലാഭകരമായ തിരഞ്ഞെടുപ്പാക്കി മാറ്റുന്നു. വർഷങ്ങളായി കുറഞ്ഞുകൊണ്ടിരിക്കുന്ന ചെലവുകൾ സൗരോർജത്തെ ഹോസ്പിറ്റാലിറ്റി മേഖലയിലെ ബിസിനസുകൾക്ക് കൂടുതൽ ആകർഷകവും സുസ്ഥിരവുമായ നിക്ഷേപമാക്കി മാറ്റി.

വീടുകളിലും ബിസിനസ്സുകളിലും സോളാർ പാനലുകൾ സ്ഥാപിക്കുന്നതിന്റെ ഗുണങ്ങൾ നിരവധിയാണ് - വൈദ്യുതി ചെലവിൽ ഗണ്യമായ 90% കുറവ്,  കാർബൺ ഉദ്‌വമനം കുറയ്‌ക്കൽ, 25 വർഷത്തെ ആയുസ്സ്, ഇൻസ്റ്റലേഷനും കുറഞ്ഞ അറ്റകുറ്റപ്പണിയും എന്നിവ ഇതിൽ ഉൾപ്പെടുന്നു. നിലവിൽ, 70 GWs-ലധികം സൗരോർജ ശേഷിയാണ് ഇന്ത്യയിൽ സ്ഥാപിതമായിട്ടുള്ളത്, റൂഫ്‌ടോപ്പ് സൗരോർജം വെറും 8.8 GWs ആണ്. (ഏകദേശം 1.3 GWs പ്രതിവർഷം ചേർക്കപ്പെടുന്നു) കൂടാതെ റെസിഡൻഷ്യൽ ഉപയോഗം ഈ മൊത്തത്തിന്റെ 5% മാത്രമാണ്. അടുത്ത 5 വർഷത്തിനുള്ളിൽ റൂഫ്‌ടോപ്പ് മേഖല മൊത്തത്തിൽ 20-25%  വാർഷിക നിരക്കിൽ (സിഎജിആർ) വളരുമെന്ന് പ്രതീക്ഷിക്കുന്നു.

46,000 സോളാർ പാനലുകളിലൂടെ സൗരോർജത്തിൽ മാത്രം പ്രവർത്തിക്കുന്ന ഇന്ത്യയിലെ ആദ്യത്തെ വിമാനത്താവളമായ കൊച്ചിൻ ഇന്റർനാഷണൽ എയർപോർട്ടിലെ ഊർജ സംരംഭങ്ങൾ ഊർജ ഉൽപ്പാദന വ്യവസായത്തിലെ കേരളത്തിന്റെ സുസ്ഥിരമായ നേട്ടത്തിന്റെ ഉദാഹരണമാണ്. സംസ്ഥാനത്തുടനീളമുള്ള മറ്റ് വിമാനത്താവളങ്ങളിലും സമാനമായ സംരംഭങ്ങൾ നടപ്പിലാക്കാൻ നടപടികൾ കൈക്കൊള്ളാം. കായംകുളത്തെ കായലിൽ 101.6 മെഗാവാട്ട് (MW) വൈദ്യുതി ഉൽപ്പാദിപ്പിക്കുന്ന ഒരു വലിയ ഫ്ലോട്ടിംഗ് സോളാർ പദ്ധതിയും കേരളത്തിനുണ്ട്.

കേരള സ്റ്റേറ്റ് ഇലക്ട്രിസിറ്റി ബോർഡ് ലിമിറ്റഡിന്റെ (കെഎസ്ഇബിഎൽ) 2022-23 ലെ പവർ സിസ്റ്റം സ്റ്റാറ്റിസ്റ്റിക്സ് റിപ്പോർട്ടിന്റെ അടിസ്ഥാനത്തിൽ, കഴിഞ്ഞ ദശകത്തിൽ സംസ്ഥാനത്ത് പുനരുപയോഗ ഊർജ ഉൽപ്പാദനം മൂന്നിരട്ടിയായിട്ടുണ്ട്. 2023 ഏപ്രിലിൽ നടത്തിയ ഒരു സർവേയിൽ, കേരളത്തിന്റെ ഊർജ ആവശ്യം 100 ദശലക്ഷം യൂണിറ്റ് കവിഞ്ഞെന്നും അത് ഇനിയും ഉയരുമെന്ന് പ്രവചിക്കപ്പെടുന്നുവെന്നും വെളിപ്പെടുത്തുകയുണ്ടായി. ഗവൺമെന്റ് സബ്‌സിഡികൾ, ഉപഭോക്താക്കൾക്കിടയിൽ വർദ്ധിച്ചുവരുന്ന അവബോധം, വായ്പാ ഓപ്ഷനുകളുടെ ലഭ്യത തുടങ്ങിയ ഘടകങ്ങളാണ് സൗരോർജത്തിന്റെ വർദ്ധിച്ചുവരുന്ന സ്വീകാര്യതയ്ക്ക് കാരണം.

സംസ്ഥാനത്ത് കുടുംബങ്ങളിലും ബിസിനസ്സുകളിലും കൂടുതൽ പുനരുപയോഗ ഊർജ സംവിധാനങ്ങൾ സ്ഥാപിക്കേണ്ടത് കാലഘട്ടത്തിന്റെ ആവശ്യമാണ്. 2022 അവസാന ത്തോടെ, KSEBL 400 വീടുകളിൽ റൂഫ്‌ടോപ്പ് സോളാർ പാനലുകൾ സ്ഥാപിച്ചു, 2023 അവസാന ത്തോടെ 800 വീടുകളിൽ കൂടി സൗരോർജ്ജ സംവിധാനം ഘടിപ്പിക്കാനുള്ള പദ്ധതിയുമുണ്ട്.

കൽക്കരി, പെട്രോളിയം അധിഷ്ഠിത ഊർജ്ജ സ്രോതസ്സുകളിൽ നിന്ന് സൗരോർജത്തിലേക്ക് മാറാൻ പൗരന്മാരെ പ്രോത്സാഹിപ്പിക്കുന്നതിൽ ഇന്ത്യ വർഷം തോറും കാര്യമായ നേട്ടം കൈവരിച്ചുകൊണ്ടിരിക്കുകയാണ്.

മേക്ക്-ഇൻ-ഇന്ത്യ പ്രോഗ്രാമിന് കീഴിൽ, സോളാർ പാനലുകളിൽ ഘടിപ്പിക്കുന്ന ആഭ്യന്തരമായി നിർമ്മിച്ച സെല്ലുകൾ, വേഫറുകൾ, പോളിസിലിക്കൺ എന്നിവ അംഗീകൃത മോഡലുകളുടെയും നിർമ്മാതാക്കളുടെയും അംഗീകൃത പട്ടികയിൽ (ALMM) രജിസ്റ്റർ ചെയ്യണമെന്ന് ആവശ്യപ്പെടുന്ന ഒരു നയം നടപ്പിലാക്കാൻ ഇന്ത്യാ ഗവൺമെന്റ് അടുത്തിടെ സമ്മതിച്ചിട്ടുണ്ട്. ന്യൂ ആന്റ് റിന്യൂവബിൾ എനർജി മന്ത്രാലയത്തിന്റെ മന്ത്രി ആർ.കെ സിങ്ങിന്റെ മാർഗനിർദേശപ്രകാരം. സൗരോർജ വ്യവസായങ്ങളുടെ ആഭ്യന്തര ഉൽപ്പാദന ശേഷി കെട്ടിപ്പടുക്കുന്നതിലും ശക്തിപ്പെടുത്തുന്നതിലും ശ്രദ്ധ കേന്ദ്രീകരിക്കു ന്നതിനാണ് ഈ പോളിസി ആവിഷ്കരിച്ചിരിക്കുന്നത് വളരുന്ന സോളാർ എനർജി വ്യവസായത്തെ പരിപോഷിപ്പിക്കാനുള്ള കേരള സർക്കാരി ന്റെ ശ്രമങ്ങൾ, സംസ്ഥാനത്തിന്റെ ഊർജ ആവശ്യങ്ങൾ നേടിയെടുക്കാൻ സഹായിക്കുകയും, അങ്ങനെ ദേശീയ സൗരോർജ ഉൽപ്പാദന ലക്ഷ്യങ്ങളിലേക്ക് കൂടുതൽ അടുക്കാനാകുകയും ചെയ്യും.