ഇത് കബനി പുഴയിലെ മുതല ആക്രമണമല്ല | Fact Check
ഒരാളെ മുതല കടിച്ച് വലിച്ചു കൊണ്ടു പോകുന്ന വിഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. വയനാട്ടിലെ കബനി പുഴയിൽ മീൻ പിടിക്കാനിറങ്ങിയ ആളെ മുതല ആക്രമിച്ചതെന്നാണ് പ്രചരണം.
ഒരാളെ മുതല കടിച്ച് വലിച്ചു കൊണ്ടു പോകുന്ന വിഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. വയനാട്ടിലെ കബനി പുഴയിൽ മീൻ പിടിക്കാനിറങ്ങിയ ആളെ മുതല ആക്രമിച്ചതെന്നാണ് പ്രചരണം.
ഒരാളെ മുതല കടിച്ച് വലിച്ചു കൊണ്ടു പോകുന്ന വിഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. വയനാട്ടിലെ കബനി പുഴയിൽ മീൻ പിടിക്കാനിറങ്ങിയ ആളെ മുതല ആക്രമിച്ചതെന്നാണ് പ്രചരണം.
ഒരാളെ മുതല കടിച്ച് വലിച്ചു കൊണ്ടു പോകുന്ന വിഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്. വയനാട്ടിലെ കബനി പുഴയിൽ മീൻ പിടിക്കാനിറങ്ങിയ ആളെ മുതല ആക്രമിച്ചതെന്നാണ് പ്രചരണം. ഇതിന്റെ വസ്തുതയറിയാൻ മനോരമ ഒാൺലൈൻ ഫാക്ട് ചെക്ക് വിഭാഗം നടത്തിയ അന്വേഷണം.
∙ അന്വേഷണം
റിവേഴ്സ് ഇമേജ്‌ സെർച്ചിന്റെ സഹായത്തോടെ വിഡിയോയുടെ കീ ഫ്രെയ്മുകള്‍ ഉപയോഗിച്ചുള്ള തിരച്ചിലിൽ പ്രചരിക്കുന്ന വിഡിയോയുമായി ബന്ധപ്പെട്ട റിപ്പോർട്ടുകൾ ഞങ്ങൾ കണ്ടെത്തി. ലഭ്യമായ വിവരങ്ങൾ പ്രകാരം 2019 ഏപ്രിലിൽ ഇന്തൊനീഷ്യയിലാണ് കേരളത്തിലേതെന്ന് ഇപ്പോൾ പ്രചരിപ്പിക്കപ്പെടുന്ന മുതലയാക്രമണം നടന്നത്. ഇന്തൊനീഷ്യയിലെ സുലവേസി ദ്വീപിൽ ഒരു യുവാവിനെ മുതല പിടിച്ചതുമായി ബന്ധപ്പെട്ട വിഡിയോയാണ് പ്രചരിക്കുന്നത്.
തെക്കുകിഴക്കൻ ഇന്തൊനീഷ്യയിലെ സുലവേസി ദ്വീപിലെ നദിയിൽ ഡാർലിൻ ഉട്ടിയ എന്നയാളാണ് മുതലയുടെ അക്രമണത്തിനിരയായത്. ഒപ്പമുണ്ടായിരുന്ന സഹോദരി, ഡാര്‍ലിനെ രക്ഷപെടുത്താൻ ശ്രമിച്ചെങ്കിലും മുതല ഇയാളെ കടിച്ച് വെള്ളത്തിനടിയിലേക്ക് പോവുകയായിരുന്നുവെന്നാണ് ഈ റിപ്പോർട്ടുകളിൽ സൂചിപ്പിക്കുന്നത്.
ഡാർലിന്റെ മൃതദേഹം ഇതിന്റെ അടുത്ത ദിവസമാണ് ലഭിച്ചത്. കൂടുതൽ സ്ഥിരീകരണത്തിനായി വയനാട്ടിലെ ഞങ്ങളുടെ പ്രാദേശിക ലേഖകനുമായും പൊലീസ് വ‍ൃത്തങ്ങളുമായും ബന്ധപ്പെട്ടപ്പോൾ കബനിപുഴയിൽ മീൻ പിടിക്കാനിറങ്ങിയയാളെ മുതല അക്രമിച്ചതായുള്ള യാതൊരു സംഭവങ്ങളും റിപ്പോർട്ട് ചെയ്തിട്ടില്ലെന്നും വ്യക്തമായി.
∙ വസ്തുത
മീൻപിടിക്കാനായി വയനാട്ടിലെ കബനി പുഴയിലെത്തിയ ആളെ മുതല ആക്രമിച്ചുവെന്ന പ്രചാരണം തെറ്റാണ്. ഇന്തൊനീഷ്യയില്‍ 2019 ലുണ്ടായ സംഭവത്തിന്റെ വിഡിയോയാണ് കബനി പുഴയിൽ നടന്നതെന്ന തരത്തിൽ പ്രചരിക്കുന്നത്.
English Summary: Crocodile Attack In Kabani River - Fact Check