ബിഎംഡബ്ല്യു ഈ വർഷം വിറ്റത് 5000 ബൈക്കുകൾ, 100 ശതമാനം വളർച്ച

ഇന്ത്യൻ ഇരുചക്ര വിപണിയിലെ ജനപ്രിയ പ്രീമിയം ബ്രാൻഡായി മുന്നേറുകയാണ് ബിഎംഡബ്ല്യു മോട്ടറാഡ്. 2020 അപേക്ഷിച്ച് 100 ശതമാനം വളർച്ചനേടി 5000 ബൈക്കുകളാണ് കമ്പനി ഈ വർഷം നിരത്തിലെത്തിച്ചത്.

വിൽപനയുടെ 90 ശതമാനവും ചെറുബൈക്കുകളായ ജി 310 ആറും ജി 310 ജിഎസും നേടി. കൂടാതെ സി 400 ജിടി, ആർ 1250 ജിഎസ്/ജിഎസ്എ, ആർ 18 ക്ലാസിക്, എസ് 1000 ആർ, എം 1000 ആർആർ തുടങ്ങിയ ബൈക്കുകളും മികച്ച ജനശ്രദ്ധ നേടിയെന്നും ബിഎംഡബ്ല്യു പറയുന്നു.

ഇന്ത്യൻ പ്രീമിയം ബൈക്ക് സെഗ്‌മെന്റിൽ നിരവധി മാറ്റങ്ങളാണ് ബിഎം‍ഡബ്യു മോട്ടറാഡ് കൊണ്ടുവന്നത് എന്നാണ് 5000 വാഹനം ഡെലിവറി നൽകികൊണ്ട് ബിഎംഡബ്ല്യു ഗ്രൂപ്പ് ഇന്ത്യ പ്രസിഡന്റ് വിക്രം പാവ പറഞ്ഞത്. 

English Summary: BMW Motorrad India delivers 5,000 motorcycles this year