വാട്ട്ഫോർഡ് ഒഐസിസി യുണിറ്റ് മെംമ്പർഷിപ്പ് വിതരണം

വാട്ട്ഫോർഡ് ∙ ഒഐസിസി വാട്ട്ഫോർഡ് യൂണിറ്റിന്റെ നേതൃത്വത്തിൽ ജനറൽ ബോഡി യോഗവും, അംഗത്വ വിതരണവും നടത്തി. വൈസ് പ്രസിഡന്റ് ഫെമിൻ സിഎഫ്, ജോസ്ലിൻ സിബിക്ക് ആദ്യ മെംബർഷിപ് നൽകിക്കൊണ്ട് അംഗത്വ വിതരണം ഉദ്ഘാടനം ചെയ്തു.

യുണിറ്റ് പ്രസിഡന്റ് സണ്ണിമോൻ പി മത്തായി യോഗത്തിൽ അധ്യഷത വഹിച്ചു. OICC നാഷണൽ വർക്കിങ്ങ് കമ്മിറ്റി പ്രസിഡന്റ് സുജൂ കെ ഡാനിയേൽമുഖ്യ സന്ദേശം നൽകി. ഒഐസിസി നേതാവ് സുരജ് കൃഷ്ണൻ, സിദ്ധാർഥിന്റെ മരണത്തിൽ അനുശോചന പ്രമേയം അവതരിപ്പിച്ചു സംസാരിച്ചു.

തിരഞ്ഞെടുപ്പ് പ്രചാരണത്തിൽ, കെപിസിസിയുടെ പ്രവാസി സംഘടന എന്ന നിലയിൽ ഒഐസിസി യുടെ ഉത്തരവാദിത്വവും, സ്വാധീനവും ഇടപെടലും ഉണ്ടാവണമെന്നുംസെക്രട്ടറി സിബി ജോൺ അഭിപ്രായപ്പെട്ടു. സിജൻ ജേക്കബ്, മാത്യു വർഗ്ഗീസ് എന്നിവർ പ്രസംഗിച്ചു.