അയർലൻഡിലെ വാട്ടർഫോർഡ് സെന്റ് ഗ്രീഗോറിയോസ് ഇന്ത്യൻ ഓർത്തഡോക്സ് പള്ളിയിൽ വിശുദ്ധ വാരാചരണത്തിന് തുടക്കമായി

വാട്ടർഫോഡ് ∙ സെന്റ് ഗ്രിഗോറിയോസ് ഇന്ത്യൻ ഓർത്തഡോക്സ് പള്ളിയിൽ വിശുദ്ധ വാരാചരണത്തിന് തുടക്കമായി. ഓശാന ഞായർ ശുശ്രൂഷകൾക്കു വെരി. റവ. ജേക്കബ് ജോൺസ് കോർ എപ്പിസ്ക്കോപ്പ  നേതൃത്വം നൽകി‌. മാർച്ച് 27 ബുധനാഴ്ച പെസഹ ശുശ്രൂഷകൾ നടക്കും. മാർച്ച് 29 വെള്ളിയാഴ്ച ദുഃഖവെള്ളി ശുശ്രൂഷകൾ രാവിലെ 10ന് ആരംഭിക്കും. ഈസ്റ്റർ ദിന ശുശ്രൂഷകൾ മാർച്ച് 31 വൈകിട്ട് 5.30ന് സന്ധ്യാ നമസ്കാരത്തോടെ ആരംഭിക്കും.

ഹാശാ ആഴ്ചയിലെ എല്ലാ ശുശ്രൂഷകൾക്കും  റവ. ജേക്കബ് ജോൺസ് കോർ എപ്പിസ്കോപ്പാ (യുഎസ്എ) മുഖ്യ കാർമ്മികത്വം വഹിക്കും. വിശുദ്ധ വാരാചരണത്തോട് അനുബന്ധിച്ചു എല്ലാ ദിവസവും സന്ധ്യാനമസ്കാരവും വചന ശുശ്രൂഷയും ഉണ്ടായിരിക്കുമെന്ന് വികാരി ഫാ. മാത്യു കെ. മാത്യു, ട്രസ്റ്റി ജേക്കബ്ബ് സാം, സെക്രട്ടറി ബിജോയ് മാത്യു കുളക്കട എന്നിവർ അറിയിച്ചു.
കൂടുതൽ വിവരങ്ങൾക്ക്: 
ഫാ. മാത്യു കെ. മാത്യു (വികാരി)- +353894644087
ജേക്കബ്ബ് സാം (ട്രസ്റ്റി)- +353894929718 
ബിജോയ് മാത്യു കുളക്കട (സെക്രട്ടറി)- +353892318595
ശുശ്രൂഷകൾ നടക്കുന്ന സ്ഥലത്തിന്റെ വിലാസം: 
Mount Sion, Barrack St, Waterford, Ireland. Post Code: X91KH90