2026 വരെ നാഗല്‍സ്മാന്‍ ജർമൻ പരിശീലകനായി തുടരും

ബര്‍ലിന്‍ ∙ ജർമൻ ദേശീയ ടീം പരിശീലകനായി ജൂലിയൻ നാഗൽസ്മാൻ 2026 വരെ തുടരും. ജർമൻ ഫുട്ബോൾ അസോസിയേഷൻ (ഡിഎഫ്ബി) ഇക്കാര്യം സ്ഥിരീകരിച്ചു. തീരുമാനം ജർമനി യൂറോപ്യൻ ചാംപ്യൻഷിപ്പുകൾക്ക് ഒരുങ്ങുന്നതിനിടെയാണ് പ്രഖ്യാപിച്ചത്. 36 വയസ്സുകാരനായ നാഗൽസ്മാൻ, അടുത്ത രണ്ട് വർഷത്തേക്ക് ദേശീയ പരിശീലകനായി തുടരും. 2026 ലോകകപ്പിലും ഇതോടെ  ജൂലിയൻ നാഗൽസ്മാൻ തന്നെയാകും ജർമനിയുടെ പരിശീലകൻ എന്നത് ഉറപ്പായി. ടീം കായിക ഡയറക്ടര്‍ റൂഡി ഫൊള്ളറുടെ കരാറും 2026 ലോകകപ്പ് വരെ നീട്ടിയിട്ടുണ്ടെന്ന് ജർമൻ ഫുട്ബോൾ അസോസിയേഷൻ  അറിയിച്ചു.