മാനവികതയോടുള്ള ആഗോള ദർശനം കാലികപ്രസക്തം : കാതോലിക്കാ ബാവാ

ബർമിങ്ഹാം∙ മാനവിക മൂല്യങ്ങളോടുള്ള ആഗോള ദർശനം കാലിക പ്രസക്തമാണെന്ന് മലങ്കര ഓർത്തഡോക്സ്‌ സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ. ശ്ലൈഹീക സന്ദർശനത്തിന്‍റെ ഭാഗമായി ബർമിങ്ഹാം സെന്‍റ് സ്റ്റീഫൻസ് ഇന്ത്യൻ ഓർത്തഡോക്സ്‌ പള്ളിയിൽ വിശുദ്ധ കുർബാന അർപ്പിച്ചു അനുഗ്രഹ പ്രഭാഷണം നടത്തുകയായിരുന്നു അദ്ദേഹം.

സാഹോദര്യവും, സമഭാവനയും. സഹിഷ്ണതയും സമൂഹത്തിൽ നിലനില്കേണ്ടതിന്‍റെ ആവശ്യകത ബാവ ചൂണ്ടികാട്ടി. പള്ളിയിലെത്തിയ ബാവായ്ക്കും ഇടവക മെത്രാപ്പൊലീത്തയ്ക്കും പ്രൗഡഗംഭീരമായ സ്വീകരണം നൽകി. പൊതുസമ്മേളനം കാതോലിക്കാ ബാവാ ഔപചാരികമായി ഉദ്ഘാടനം ചെയ്തു. ഭദ്രാസന മെത്രാപ്പൊലീത്ത ഏബ്രഹാം മാർ സ്തേഫാനോസ് അധ്യക്ഷത വഹിച്ചു. ഭദ്രാസന സെക്രട്ടറി ഫാ. വർഗീസ് മാത്യു, ഫാ.ജോർജ്‌ മാലെക് (കോപ്റ്റിക് ചർച്) എന്നിവർ പ്രസംഗിച്ചു.

ഇടവക വികാരി ഫാ.മാത്യു എബ്രഹാം സ്വാഗതവും, സെക്രട്ടറി പ്രവീൺ തോമസ് നന്ദിയും പറഞ്ഞു. ഇടവക ആരംഭിച്ചു 20 വർഷം പൂർത്തീകരിച്ചതിനോടനുബന്ധിച്ചു തയ്യാറാക്കിയ സുവനീർ 'പടവുകൾ' ബാവാ  പ്രകാശനം ചെയ്തു. ജീവകാരുണ്യ പ്രവർത്തനങ്ങൾക്ക് ഇടവക നൽകുന്ന ഒരു നിശ്ചിത തുക ട്രസ്റ്റി ഡെനിൻ തോമസ് ബാവയ്ക്ക് കൈമാറി. തുടർന്ന്  സൺ‌ഡേ സ്കൂൾ വിദ്യാർഥികളുമായി ബാവാ സംവേദിച്ചു.

സഭയുടെ പാരമ്പര്യത്തെയും, ചരിത്രത്തെയും, വിശ്വാസത്തെയും കുറിച്ചുള്ള നിരവധി ചോദ്യങ്ങൾക്ക് കാതോലിക്കാ ബാവാ മറുപടി പറഞ്ഞു.ഗ്രേസ് മോൻസി രൂപപ്പെടുത്തിയ ബാവയുടെ ഛായാചിത്രം അദ്ദേഹത്തിന് സമ്മാനിച്ചു.ലോക പരിസ്ഥിതി ദിനത്തോടനുബന്ധിച്ചു ബാവ തിരുമേനി പള്ളി പരിസരത്തു വൃക്ഷ തൈ നട്ടു. ഇടവക വികാരി ഫാ.മാത്യു ഏബ്രഹാം, ട്രസ്റ്റി ഡെനിൻ തോമസ്,സെക്രട്ടറി പ്രവീൺ തോമസ് ,ഇവന്‍റ് കോർഡിനേറ്റർസ് ജോർജ്‌ ഉണ്ണുണ്ണി, ബൈജു കുര്യാക്കോസ്, മാനേജിങ് കമ്മിറ്റി അംഗങ്ങൾ, ആത്മീയ സംഘടനാ ഭാരവാഹികൾ എന്നിവർ ചടങ്ങുകൾക്ക് നേതൃത്വം നൽകി.
(വാർത്ത: ജോർജ്‌ മാത്യു)