ക്രിമിനൽ പശ്ചാത്തലമുള്ളവർക്ക് പെർമനന്‍റ് റസിഡൻസ് നിഷേധിക്കുന്ന ബിൽ നെതർലാൻഡ്സ് പാർലമെന്‍റ് പാസാക്കി

ആംസ്റ്റര്‍ഡാം ∙ നെതർലാൻഡ്സ് പാർലമെന്‍റ് ക്രിമിനൽ പശ്ചാത്തലമുള്ളവർക്ക് പെർമനന്‍റ് റസിഡൻസ് നിഷേധിക്കുന്ന ബിൽ പാസാക്കി. നെതർലാൻഡ്സിൽ ജനിക്കുകയോ,  നാല് വയസ്സ് മുതൽ താമസിക്കുകയോ ചെയ്യുന്നവർക്ക് ക്രിമിനൽ പശ്ചാത്തലം ഉണ്ടെങ്കിൽ രാജ്യത്ത് പെർമനന്‍റ് റസിഡൻസിന് അനുമതിയുണ്ടായിരിക്കില്ല. ഈ നിയന്ത്രണം ഗുരുതരമായ കുറ്റകൃത്യങ്ങൾ ചെയ്തവർക്ക് മാത്രമാണ് ബാധകമാകുന്നത്.

അതേസമയം, ഈ ബിൽ ഭരണഘടനാവിരുദ്ധമാണെന്നും കൂട്ട നാടുകടത്തലിന് കാരണമാകുമെന്നും ഒരു വിഭാഗം ആളുകൾ വിമർശിക്കുന്നു. 2023ൽ നെതർലാൻഡ്സിൽ പെർമനന്‍റ് റസിഡൻസിനുള്ള അപേക്ഷകളുടെ എണ്ണം ഇരട്ടിയായി വർധിച്ചിരുന്നു. ഇതില്‍ അംഗീകരിച്ച അപേക്ഷകളുടെ എണ്ണം 78 ശതമാനത്തില്‍ നിന്ന് 62 ശതമാനമായി കുറയുകയും ചെയ്തു.