ജർമൻ റെയിൽവേ കമ്പനിയായ ഡോയ്ഷെ ബാഹ്ൻ കനത്ത നഷ്ടത്തിൽ

ബര്‍ലിന്‍ ∙ ജർമൻ റെയിൽവേ കമ്പനിയായ ഡോയ്ഷെ ബാഹ്ൻ കനത്ത നഷ്ടത്തിൽ. 2024 ന്‍റെ ആദ്യ പകുതിയിൽ കമ്പനി 1.2 ബില്യൻ യൂറോയിലധികം നഷ്ടം നേരിട്ടതായി അർധ വാർഷിക റിപ്പോർട്ട് വ്യക്തമാക്കുന്നു. ദീർഘദൂര യാത്രക്കാരുടെ എണ്ണം കുറഞ്ഞതാണ് പ്രധാന കാരണം. പ്രായമായ അടിസ്ഥാന സൗകര്യങ്ങളും നഷ്ടത്തിന് കാരണമായി. ഈ സാഹചര്യത്തിൽ, കമ്പനി 30,000 ജോലികൾ വെട്ടിക്കുറയ്ക്കാനുള്ള തീരുമാനത്തിലേക്ക് എത്തിയിരിക്കുന്നു.

2024 ന്‍റെ ആദ്യ പകുതിയിൽ ഡോയ്ഷെ ബാഹ്ന്‍റെ വരുമാനം 22.31 ബില്യൻ യൂറോയായിരുന്നു. ഇത് 2023 ലെ ആദ്യ ആറ് മാസത്തെ അപേക്ഷിച്ച് 3% കുറവാണ്. എന്നാൽ പ്രാദേശിക റൂട്ടുകളിലെ യാത്രക്കാരുടെ എണ്ണം 4.2% വർധിച്ചിട്ടുണ്ട്.