കാസ്സൽ ഹീലിയോസ് മല്ലു അസോസിയേഷൻ ഓണാഘോഷം സംഘടിപ്പിച്ചു

ബർലിൻ ∙ ജർമനിയിലെ കാസ്സൽ ഹീലിയോസ് മല്ലു അസോസിയേഷന്‍റെ നേതൃത്വത്തിൽ തിരുവോണ നാളിൽ  ഓണാഘോഷ പരിപാടികൾ സംഘടിപ്പിച്ചു. കാസ്സലിന്‍റെ ഹൃദയ ഭൂമിയിൽ സ്ഥിതി ചെയുന്ന ഹീലിയോസ് ക്ലിനികും കാസ്സലിൽ ജോലി ചെയുന്ന മലയാളി സുഹൃത്തുക്കളുടെയും, കുടുംബങ്ങളുടെയും കൂട്ടായ്മയാണ് ഇത്. കഴിഞ്ഞ വർഷവും ഇവർ  ഓണാഘോഷ പരിപാടികൾ സംഘടിപ്പിച്ചിരുന്നു.

ഉച്ചയ്ക്ക് 1 മണിക് തുടങ്ങിയ പരിപാടി  രാത്രി 8.30ന്  ആണ് അവസാനിച്ചത്.  ഡാൻസ് പ്രോഗ്രാമുകൾ, തിരുവാതിര കളി, പാട്ടുകൾ, ഓണവും കേരളവും എന്നാ വിഷയത്തെ ആസ്പദമാക്കി ക്വിസ് മത്സരവും സംഘടിപ്പിച്ചു. കേരളതിന്‍റെ തനതായ ഓണാഘോഷാ മത്സരങ്ങളും നടത്തി. ജർമനിയിലെ ഹെസ്സൻ സ്റ്റേറ്റിലെ പ്രധാന പട്ടണമാണ് കാസ്സൽ.

വാർത്ത ∙ അനിൽ മൈലാടുംപാറ