വോയിസ്‌ ഓഫ് മുള്ളിങ്കർ ഓണം ആഘോഷിച്ചു

ഡബ്ലിൻ∙ അയർലൻഡിലെ മുള്ളിങ്കറിലെ ഇന്ത്യൻ കൂട്ടായ്മ ആയ വോയിസ്‌ ഓഫ് മുള്ളിങ്കർ ഓണം ആഘോഷിച്ചു. കലാകാരന്മാരായ പ്രശാന്ത് കാഞ്ഞിരമറ്റത്തിന്റെ നേതൃത്വത്തിൽ സ്റ്റേജ് ഷോയും മുള്ളിങ്കറിലെ 'തരംഗം' ചെണ്ട ഗ്രൂപ്പിലെ കലാകാരന്മാരുടെ ചെണ്ട മേളവും ഓണാഘോഷത്തിന്റെ മാറ്റ് കൂട്ടി.

തിരുവാതിരയും വടം വലിയും മറ്റു നിരവധി കലാപരിപാടികളും അരങ്ങേറി. ഓണസദ്യയും ഒരുക്കിയിരുന്നു. തദേശിയരായ ഐറിഷ് സമൂഹവും സുഹൃത്തുക്കളും ആഘോഷങ്ങളിൽ പങ്കെടുക്കുകയും കേരളത്തിന്റെ സംസ്കാരവും തനിമയും അടുത്തറിയുന്ന പരിപാടിക്ക് പിന്തുണ നൽകുകയും പങ്കാളികളാവുകയും ചെയ്തിരുന്നു.

കുട്ടികൾക്കും മുതിർന്നവർക്കും പ്രത്യേകം മത്സരങ്ങൾ നടന്നു. വയനാട് ദുരന്തത്തിൽ ജീവൻ നഷ്ടപ്പെട്ടവർക്ക് ആദരാജ്ഞലികൾ അർപ്പിച്ചാണ് പരിപാടികൾ ആരംഭിച്ചത്.