ഒഐസിസി സറെ റീജൻ പുതിയ ഭാരവാഹികളെ തിരഞ്ഞെടുത്തു

ക്രോയ്ഡൺ ∙ ഒഐസിസി (യുകെ) സറെ റീജൻ പുനസംഘടിപ്പിച്ചു. റീജൻ ഭാരവാഹികളിൽ ഏതാനും പേർ സംഘടനയുടെ പുതുതായി രൂപീകൃത്യമായ നാഷനൽ കമ്മിറ്റിയിലേക്ക്  തിരഞ്ഞെടുക്കപ്പെട്ട സാഹചര്യത്തിലാണ് റീജൻ പുനസംഘടിപ്പിച്ചത്. റീജൻ പ്രസിഡന്റ്‌ വിൽസൻ ജോർജിന്റെ അധ്യക്ഷതയിൽ നവംബർ 2 ന് ക്രോയ്ഡനിൽ വച്ച് കൂടിയ ജനറൽ ബോഡി മീറ്റിങ്ങിലാണ് പുതിയ ഭാരവാഹികളുടെ തിരഞ്ഞെടുത്തത്.

ഉപതിരഞ്ഞെടുപ്പിന്റെ പ്രചാരണ പ്രവർത്തനങ്ങളുമായി ബന്ധപ്പെട്ട് കേരളത്തിലായിരുന്ന നാഷനൽ പ്രസിഡന്റ്‌ ഷൈനു ക്ലെയർ മാത്യൂസ് ഓൺലൈൻ ആയി പങ്കെടുത്തു ആശംസകൾ അറിയിച്ചു. നിലവിലെ റീജൻ സെക്രട്ടറി സാബു ജോർജ് റിപ്പോർട്ട്‌ അവതരിപ്പിക്കുകയും റീജന്റെ പ്രവർത്തനങ്ങളുമായി ഇതുവരെ സഹകരിച്ച എല്ലാവർക്കും നന്ദി രേഖപ്പെടുത്തി. നാഷനൽ വർക്കിങ് പ്രസിഡന്റ്‌ ബേബിക്കുട്ടി ജോർജ്, വൈസ് പ്രസിഡന്റ്‌ ജോർജ് ജോസഫ്, ജനറൽ സെക്രട്ടറിമാരായ അഷറഫ് അബ്ദുള്ള, തോമസ് ഫിലിപ്പ് (ജോജി), ട്രഷറർ ബിജു വർഗീസ് എന്നിവർ പുതിയ കമ്മിറ്റിക്ക് അനുമോദനങ്ങൾ നേർന്നുകൊണ്ട് സംസാരിച്ചു.

നേരത്തെ, ഒഐസിസി (യു കെ)യുടെ പ്രവർത്തനം യുകെയിലുടനീളം വ്യാപിപ്പിക്കുന്നതിന്റെ ഭാഗമായി പുതിയ റീജനുകൾ / യൂണിറ്റുകൾ രൂപീകരിക്കുന്നതിനും നിലവിലുള്ളവ പുനസംഘടിപ്പിക്കുന്നതിനുമുള്ള നിർദേശം കെപിസിസിയിൽ നൽകിയിരുന്നു. അതിന്റെ പശ്ചാത്തലത്തിൽ  റീജൻ / യൂണിറ്റുകളുടെ പുനരുദ്ധരണത്തിനും ഏകോപനത്തിനുമായി നാഷനൽ പ്രസിഡന്റ്‌ ഷൈനു ക്ലെയർ മാത്യൂസിന്റെ നേതൃത്വത്തിൽ വർക്കിങ് പ്രസിഡന്റ്‌ ബേബിക്കുട്ടി ജോർജ്, ജനറൽ സെക്രട്ടറി അഷറഫ് അബ്ദുള്ള എന്നിവരെ ഉൾപ്പെടുത്തി കമ്മിറ്റി രൂപീകരിച്ചിരുന്നു.

പുതുതായി തിരഞ്ഞെടുക്കപ്പെട്ട ഒഐസിസി (യുകെ) സറെ റീജൻ ഭാരവാഹികൾ:
പ്രസിഡന്റ്‌: വിൽസൻ ജോർജ് വൈസ് പ്രസിഡന്റുമാർ: ജെറിൻ ജേക്കബ്, നന്ദിത നന്ദൻ, ജനറൽ സെക്രട്ടറി: ഗ്ലോബിറ്റ് ഒലിവർ, ജോയിൻ സെക്രട്ടറി: സനൽ ജേക്കബ്, ട്രഷറർ: അജി ജോർജ്, എക്സിക്യൂട്ടീവ് കമ്മിറ്റി അംഗങ്ങൾ: ബിജു ഉതുപ്പ്, സുമലാൽ മാധവൻ, അലീന ഒലിവർ, അസ്റുദ്ധീൻ അസീസ്, ലിജോ തോമസ്, അജീഷ് കെ എസ്, മുഹമ്മദ്‌ നൂർ.