അസീസ് മണമ്മലിന് ദുബായ് എമിഗ്രേഷൻ പുരസ്കാരം

ദുബായ് ∙ ദുബായ് എമിഗ്രേഷന്റെ മാധ്യമ പുരസ്കാരത്തിന്  മലപ്പുറം എടരിക്കോട് സ്വദേശി അസീസ് മണമ്മൽ അർഹനായി. 12 വർഷമായി എമിഗ്രേഷൻ ജീവനക്കാരനായ അസീസ്, വാർത്തകളും വിവരങ്ങളും പൊതുജനങ്ങളിൽ എത്തിക്കാൻ നടത്തുന്ന സേവനം കണക്കിലെടുത്താണ് പുരസ്കാരം.

എമിഗ്രേഷൻ മേധാവി മേജർ ജനറൽ മുഹമ്മദ് അഹമ്മദ് അൽ മർറി പുരസ്കാരം സമ്മാനിച്ചു. ഏറ്റവും മികച്ച എമിഗ്രേഷൻ ജീവനക്കാരനുള്ള പുരസ്‌കാരം 2 തവണ ലഭിച്ചിട്ടുണ്ട്. കലാ, സാമൂഹിക പ്രവർത്തനങ്ങളിലും സജീവമാണ്.  കേരള ഫോക്‌ലോർ അക്കാദമി, മോയിൻകുട്ടി വൈദ്യർ മാപ്പിള കലാ അക്കാദമി എന്നിവിടങ്ങളിൽ അധ്യാപകനായി സേവനമനുഷ്ഠിച്ചിട്ടുണ്ട്.