ആദ്യാക്ഷര മധുരം പകരാം; മനോരമ വിദ്യാരംഭം 5ന്

ദുബായ്∙ കുരുന്നുകൾക്ക് വിജയദശമി നാളിൽ ആദ്യാക്ഷരം കുറിക്കാൻ മലയാള മനോരമ ഒരുക്കുന്ന വിദ്യാരംഭത്തിൽ റജിസ്റ്റർ ചെയ്യാൻ ഇനി 3 ദിവസം കൂടി.

ഇന്നും നാളെയും മറ്റന്നാളും റജിസ്റ്റർ ചെയ്യാം. ദുബായ് ഇന്ത്യൻ കോൺസുലേറ്റ് ഹാളിൽ 5ന് രാവിലെ 6.30 മുതൽ വിദ്യാരംഭ ചടങ്ങ് ആരംഭിക്കും.

കവി ആലങ്കോട് ലീലാ കൃഷ്ണൻ, ആസ്റ്റർ ഡിഎം ഹെൽത്ത് കെയർ ചെയർമാൻ ആ‍ൻഡ് മാനേജിങ് ഡയറക്ടർ ഡോ. ആസാദ് മൂപ്പൻ, മലയാള മനോരമ സീനിയർ അസോഷ്യേറ്റ് എഡിറ്റർ ജോസ് പനച്ചിപ്പുറം എന്നിവരാണ് ഈ വർഷത്തെ ഗുരുക്കന്മാർ. റജിസ്ട്രേഷൻ പൂർണമായും സൗജന്യം. വിളിക്കേണ്ട നമ്പർ: 043748920, 0503230312.