ബവാൽ 21ന് ആമസോൺ പ്രൈമിൽ

ദുബായ്∙ ജാൻവി കപൂറും വരുൺ ധവാനും മുഖ്യവേഷത്തിൽ എത്തുന്ന ബോളിവുഡ് ചിത്രം ബവാൽ 21ന് ആമസോൺ പ്രൈമിൽ ലോകമെമ്പാടും റിലീസ് ചെയ്യും. ട്രെയിലർ പ്രദർശനം ദുബായിൽ നടന്നു.

ജാൻവി കപൂർ, വരുൺ ധവാൻ, സംവിധായകൻ നിതേഷ് തിവാരി, നിർമാതാവ് സാജിദ് നാദിയാദ്‌വാല, പ്രൈം കണ്ടന്റ് ലൈസൻസിങ് ഡയറക്ടർ മനീഷ് മേങ്ഖാനി എന്നിവരും ട്രെയിലർ പ്രദർശനത്തിനെത്തി. നാദിയാദ്‌വാല ഗ്രാൻഡ്സൺ എന്റർടെയിൻമെന്റ് എർത്ത്സ്കൈ പിക്ചേഴ്സുമായി ചേർന്നാണ് ചിത്രം ഒരുക്കിയിരിക്കുന്നത്.

ചരിത്ര അധ്യാപകനായ അജയ് ദീക്ഷിത് എന്ന െചറുപ്പക്കാരൻ സാഹചര്യങ്ങളുടെ സമ്മർദ്ദത്തിൽ രണ്ടാം ലോക മഹായുദ്ധത്തിന്റെ ഭാഗമാകുന്നതും നിർബന്ധപൂർവം പുതിയ വിവാഹബന്ധത്തിൽ ഏർപ്പെടുന്നതുമാണ് സിനിമയുടെ ഇതിവൃത്തം. ലോകമെമ്പാടുമുള്ള സിനിമ പ്രേക്ഷകരെ തൃപ്തിപ്പെടുത്താൻ കഴിയുന്നതാണ് ചിത്രമെന്ന് സംവിധായകൻ നിതേഷ് തിവാരി പറഞ്ഞു.