കഅ്ബ ഈ മാസം 19ന് പുതിയ കിസ്​വ അണിയും

മക്ക∙ കഅ്ബ ഈ മാസം 19ന്  പുതിയ കിസ്​വ (മേലങ്കി) അണിയും. ഹിജ്റ കലണ്ടറിലെ ആദ്യമാസമായ മുഹറത്തിലെ ആദ്യ ദിവസമാണ് പുതിയ കിസ് വ അണിയിക്കുന്നത്. ഇരു ഹറം കാര്യാലയത്തിന് കീഴിലെ കിസ്​വ നിർമ്മിക്കുന്നതിന് ചുമതലയുള്ള കിങ് അബ്ദുൽ അസീസ് കിസ്​വ നിർമ്മാണ കേന്ദ്രത്തിൽ ഒരുക്കങ്ങളെല്ലാം പൂർത്തീകരിച്ചു.

Read also: യുകെ വീസ : ഇമിഗ്രേഷൻ ഫീസുകൾ ഉൾക്കൊള്ളാൻ കഴിയാതെ കുടിയേറ്റക്കാർ...

മന്ത്രിമാർ, അമീർമാർ, വിവിധ രാജ്യങ്ങളിലെ പ്രത്യേകം ക്ഷണിക്കപ്പെട്ട വിശിഷ്ട അതിഥികൾ, നയതന്ത്ര ഉദ്യോഗസ്ഥർ, ഇരു ഹറം  കാര്യാലയത്തിലെ മുതിർന്ന് ഉദ്യോഗസ്ഥർ തുടങ്ങിയവരും കിസ്​വ അണിയിക്കുന്ന ചടങ്ങിൽ പങ്കെടുക്കും. 200 വിദഗ്ധ ജീവനക്കാരുടെ  നേതൃത്വത്തിൽ 10 ഘട്ടങ്ങളായി മേൽത്തരം പട്ട് ഉപയോഗിച്ചാണ് കിസ്​വയുടെ  നിർമാണം കേന്ദ്രത്തിൽ നടത്തുന്നത്. വസ്ത്രങ്ങൾ കൂട്ടിച്ചേർക്കുന്നതിനും തുന്നുന്നതിനും കൂടാതെ  വെള്ളി, സ്വർണ്ണനൂലുകളാൽ ഖുർആൻ വാക്യങ്ങൾ ആലേഖനം  ചെയ്യുന്നതുമൊക്കെ  ലോകത്തിലെ ലഭ്യമാകുന്നതിൽ എറ്റവും  കൂടിയ തരം ഉപകരണങ്ങളാണ്  നിർമ്മാണ കേന്ദ്രത്തിലുള്ളത്. കിസ്​വ നിർമ്മാണത്തിനായി 120 കിലോ സ്വർണ്ണ നൂലും,100 കിലോ വെള്ളി നൂലുമാണ് ഉപയോഗിക്കപ്പെടുന്നുണ്ടെന്നാണ് കണക്ക്.

അറഫ ദിനമായ ദുൽഹജ് 9 നായിരുന്നു മുൻപ് പുതിയ കിസ് വ കഅ്ബയിൽ പുതപ്പിച്ചിരുന്നത്. എന്നാൽ കഴിഞ്ഞ ഏതാനും വർഷം മുൻപാണ്  മുഹറം 1ന്  പുതിയ കിസ്​വ പുതപ്പിക്കുന്ന ചടങ്ങ് പുനക്രമീകരിച്ചത്.

English Summary: The Kaaba will wear a new Kiswa on the 19th of this month