കല്ലഡ ഫൂഡ് ഇൻഡസ്ട്രീസ് ഡിഐപി –2ൽ ഷെയ്ഖ് അലി ഉദ്ഘാടനം ചെയ്തു

ദുബായ് ∙ ദുബായിയുടെ ഭക്ഷ്യസംസ്കരണ മേഖലയ്ക്ക് മുതൽക്കൂട്ടാകുന്ന കല്ലഡ ഫൂഡ് ഇൻഡസ്ട്രീസ് ദുബായ് ഇൻവെസ്റ്റ്മെൻ്റ് പാർക്(ഡിഐപി) 2ൽ  ഷെയ്ഖ് അലി റാഷിദ് അലി സഈദ് അൽ മക്തൂം ഉദ്ഘാടനം നിർവഹിച്ചു. അത്യാധുനിക സൗകര്യങ്ങളോടെ 70,000 ചതുരശ്ര അടിയിൽ പരന്നുകിടക്കുന്ന ഫാക്ടറി 100 ദശലക്ഷം ദിർഹം ചെലവഴിച്ചാണ് ഒരുക്കിയിട്ടുള്ളത്. ഈ പ്രദേശത്തെ ഭക്ഷ്യമേഖലയിലെ ഒരു സുപ്രധാന നാഴികക്കല്ലായിത്തീരുമെന്ന് ഗ്രൂപ്പ് മാനേജിങ് ഡയറക്ടർ അയൂബ് കല്ലട പറഞ്ഞു.

ഇദ്ദേഹത്തിന്‍റെ അഗാധമായ അഭിനിവേശവും ഭക്ഷ്യ വ്യവസായത്തിലെ മൂന്ന് പതിറ്റാണ്ടിന്‍റെ വിപുലമായ അനുഭവവും കല്ലട ഭക്ഷ്യ വ്യവസായത്തിന്‍റെ കാഴ്ചപ്പാട് രൂപപ്പെടുത്തുന്നതിൽ നിർണായകമാണ്. 2008-ൽ ബെറ്റർ ഗ്രോ ജനറൽ ട്രേഡിങ് (നസീം അഹമ്മദ് ജനറൽ ട്രേഡിങ്) ദുബായ് ആസ്ഥാനമായി സ്ഥാപിച്ച കല്ലട, മധ്യപൂർവ ദേശത്തും ഉത്തരാഫ്രിക്കയിലും(മെന) ഉടനീളം ഡ്രൈ ഫ്രൂട്ട്‌സ്, അണ്ടിപ്പരിപ്പ് എന്നിവയുടെ പ്രമുഖ മൊത്തക്കച്ചവടക്കാരും വിതരണക്കാരുമായി കമ്പനിയെ മാറ്റുന്നതിൽ ഇദ്ദേഹം പ്രധാന പങ്കുവഹിച്ചു. പ്രാദേശികമായി ഉയർന്ന നിലവാരമുള്ള സംസ്കരിച്ച പരിപ്പ്, ഉണങ്ങിയ ഭക്ഷണങ്ങൾ എന്നിവയുടെ ലഭ്യത ഉറപ്പാക്കുക എന്ന ലക്ഷ്യം കൈവരിക്കാൻ പ്രതിജ്ഞാബദ്ധരാണെന്ന് അദ്ദേഹം പറഞ്ഞു. ആഗോള ഭക്ഷ്യ വ്യവസായത്തിലെ ഒരു പ്രധാന കേന്ദ്രമെന്ന നിലയിൽ ദുബായിയുടെ സ്ഥാനം ശക്തിപ്പെടുത്തിക്കൊണ്ട് മേഖലയിലെ പ്രീമിയം സംസ്കരിച്ച ഭക്ഷണങ്ങളുടെ വർദ്ധിച്ചുവരുന്ന ആവശ്യം നിറവേറ്റുന്നതിൽ കല്ലട ഫുഡ് ഇൻഡസ്ട്രീസ് ഒരു സുപ്രധാന കുതിച്ചുചാട്ടത്തിന് ഒരുങ്ങുകയാണ്.