കുവൈത്ത് ഫൊട്ടോഗ്രഫർക്ക് പുരസ്‌കാരം

കുവൈത്ത് സിറ്റി ∙ കുവൈത്ത് ഫൊട്ടോഗ്രഫർ മുഹമ്മദ് അൽ-കന്തേരിക്ക് അറബ് യൂണിയൻ ഫോർ ടൂറിസം മീഡിയ (എയുടിഎം) ട്രാവൽ ഫോട്ടോ ഓഫ് ദി ഇയർ 2024 പുരസ്‌കാരം. 'സലാലയുടെ മനോഹരമായ പ്രകൃതി' എന്ന തലക്കെട്ടിൽ കുവൈത്ത് ന്യൂസ് ഏജൻസി പ്രസിദ്ധീകരിച്ച ഫോട്ടോയ്ക്കാണ് പുരസ്കാരം. ഇറാഖിലെ ഹിക്മത്ത് അൽ-അയാഷി, കന്തേരിക്ക് ഒപ്പം അവാർഡ് പങ്കിട്ടു. ഏറ്റവും വലിയ ആഗോള യാത്രാ മേളകളിലൊന്നായ ബർലിൻ ഇന്റർനാഷനൽ ടൂറിസം ട്രേഡിൽ (ഐ ടി ബി) ആണ് അവാർഡ് പ്രഖ്യാപനം നടന്നത്.

ഈ വർഷത്തെ മത്സരത്തിൽ അറബ് ലോകത്ത് നിന്ന് 16 പേർ പങ്കെടുത്തു. മികച്ച യാത്രാ റിപ്പോർട്ട്, മികച്ച ട്രാവൽ ഫോട്ടോ, മികച്ച ട്രാവൽ ഷോർട് വിഡിയോ തുടങ്ങി വിവിധ വിഭാഗങ്ങളിൽ അവാർഡുകൾ നൽകി.